ព័ត៌មានអន្ដរជាតិ
លោក គីម ជុងអ៊ុន ពាក់ម៉ាសដល់ទៅ ២ ជាន់ការពារឆ្លងកូវីដ
បើយោងតាមវីដេអូដែលចេញផ្សាយដោយទូរទស្សន៍រដ្ឋកូរ៉េខាងជើងកាលពីសប្ដាហ៍មុនថា មេដឹកនាំកូរ៉េខាងជើងលោក គីម ជុងអ៊ុន ពាក់ម៉ាសរហូតដល់ទៅ ២ ជាន់ ពេលចុះទៅទីតាំងឱសថស្ថានក្នុងទីក្រុងព្យុងយ៉ាងដើម្បីការពារករណីឆ្លងកូវីដ ។
លោក គីម បានចុះទៅទីតាំងឱសថស្ថាននោះកាលពីថ្ងៃទី ១៦ ខែឧសភា ហើយបានពាក់ម៉ាសពេទ្យពីលើម៉ាស N95 ឬ KN95 ដែលផ្តល់ការការពារដ៏ល្អបំផុតប្រឆាំងនឹងមេរោគ ។
ទន្ទឹមនោះ មានតែលោក គីម ប៉ុណ្ណោះដែលអនុវត្តការការពារខ្លួនដ៏ល្អបែបនេះ ខណៈបុគ្គលិកថែទាំសុខភាពរបស់កូរ៉េខាងជើងពាក់ម៉ាសពេទ្យស្តើងៗ បើទោះបីជាពួកគេបំពេញការងារប្រថុយប្រថាន ដូចជាការបាញ់ថ្នាំសម្លាប់មេរោគនៅកន្លែងសាធារណៈ និងការពិគ្រោះជាមួយអ្នកជំងឺដែលមានរោគសញ្ញាគ្រុនក្ដៅក៏ដោយ ។
ខណៈកង្វះយុទ្ធនាការចាក់វ៉ាក់សាំងបង្ការ និងការព្យាបាល កូរ៉េខាងជើងកំពុងប្រើប្រាស់វិធីសាស្រ្តមិនធម្មតាដូចជា ឲ្យអ្នកជំងឺខ្ពុរមាត់ជាមួយទឹកអំបិល ផឹកតែស្លឹក និងលើកទឹកចិត្តឲ្យអ្នកជំងឺប្រើថ្នាំកាត់បន្ថយជំងឺគ្រុនក្ដៅដូចជា ថ្នាំ Ibuprofen និង Amoxicillin ក៏ដូចជាថ្នាំអង់ទីប៊ីយោទិចផ្សេងទៀតដើម្បីប្រយុទ្ធប្រឆាំងនឹងវិបត្តិកូវីដ ១៩ ដែលកំពុងកើនឡើងរបស់ខ្លួន ។
គួរបញ្ជាក់ថា ក្នុងរយៈពេលត្រឹមតែមួយសប្តាហ៍ប៉ុណ្ណោះ ចាប់តាំងពីករណីឆ្លងកូវីដលើកដំបូងផ្ទុះឡើងនៅថ្ងៃទី ១២ ខែឧសភា ចំនួនករណីសង្ស័យជំងឺគ្រុនក្ដៅបានកើនឡើងដល់ជិត ២ លានករណី ខណៈមានអ្នកស្លាប់ ៦៥ នាក់ផងដែរ ៕
ប្រែសម្រួលដោយ ៖ ជីវ័ន្ត
ប្រភព ៖ Korea Herald
ចុចអាន ៖ កូរ៉េខាងជើង រកឃើញព្រឹត្តិការណ៍ផ្ទុះឆ្លងកូវីដយ៉ាងធំសម្បើមបែបនេះ (មានវីដេអូ)
-
ព័ត៌មានជាតិ១ សប្តាហ៍ ago
ព្យុះ ប៊ីប៊ីនកា បានវិវត្តន៍ទៅជាព្យុះសង្ឃរា បន្តជះឥទ្ធិពលលើកម្ពុជា
-
ព័ត៌មានជាតិ៥ ថ្ងៃ ago
ព្យុះ ពូលឡាសាន ជាមួយវិសម្ពាធទាប នឹងវិវត្តន៍ទៅជាព្យុះទី១៥ បង្កើនឥទ្ធិពលខ្លាំងដល់កម្ពុជា
-
ព័ត៌មានអន្ដរជាតិ៥ ថ្ងៃ ago
ឡាវ បើកទំនប់ទឹកនៅខេត្ត Savannakhet
-
ព័ត៌មានអន្ដរជាតិ១ សប្តាហ៍ ago
អឺរ៉ុបកណ្តាលនិងខាងកើត ក៏កំពុងរងគ្រោះធ្ងន់ធ្ងរ ដោយទឹកជំនន់ដែរ
-
ព័ត៌មានអន្ដរជាតិ១ សប្តាហ៍ ago
វៀតណាម ប្រាប់ឲ្យពលរដ្ឋត្រៀមខ្លួន ព្រោះព្យុះថែមទៀត នឹងវាយប្រហារ ចុងខែនេះ
-
ព័ត៌មានជាតិ៣ ថ្ងៃ ago
Breaking News! កម្ពុជា សម្រេចដកខ្លួនចេញពីគម្រោងCLV-DTA
-
ព័ត៌មានអន្ដរជាតិ៦ ថ្ងៃ ago
ព្យុះកំបុងត្បូង នឹងវាយប្រហារប្រទេសថៃ នៅថ្ងៃសុក្រនេះ
-
ព័ត៌មានជាតិ៧ ថ្ងៃ ago
ព្យុះចំនួន២ នឹងវាយប្រហារក្នុងពេលតែមួយដែលមានឥទ្ធិពលខ្លាំងជាងមុន ជះឥទ្ធិពលលើកម្ពុជា