យល់សប្តិឃើញឪពុកស្លាប់ មានន័យយ៉ាងណា?

ធ្លាប់ដឹងទេ យល់សប្តិឃើញឪពុកស្លាប់ មានន័យយ៉ាងណា? បើមិនទាន់ដឹង តោះ! មករកចម្លើយនៅខាងក្រោម!

អត្ថន័យទូទៅ

បើយោងតាមសៀវភៅបកស្រាយសុបិន ប្រសិនបើយល់សប្តិឃើញលោកឪពុករបស់អ្នកបានស្លាប់ មិនមែនជារឿងអាក្រក់នោះទ។ យល់សប្តិនេះទស្សន៍ទាយថា នឹងមានអ្នកឧបត្ថម្ភគាំទ្រ តាមជួយជ្រោមជ្រែងគ្រប់ច្រកល្ហក ជាពិសេសរឿងការងារ។ យ៉ាងណាមិញ ​ចូរប្រយ័ត្ន​គ្រប់កាយវិការ និងការនិយាយស្ដីជាមួយចាស់ទុំ ឬរៀមច្បង កុំចេះតែប៉ប៉ាច់ប៉ប៉ោច ​កុំ​បណ្ដោយ​ខ្លួនជ្រុល មិនដូច្នោះទេ រឿងសំណាងនឹងក្លាយទៅជារឿងគ្រោះវិញ។

អត្ថន័យស្នេហាឬគ្រួសារ

យល់សប្តិឃើញលោកឪពុកស្លាប់ ក្នុងជីវិតពិតត្រូវប្រយ័ត្នខ្ពស់ចំពោះទំនាក់ទំនងស្នេហាមិនថាអ្នកមានដៃគូ ឬគ្មានឡើយ។ អ្នកអាចជំពប់នឹងមានរឿងអាស្រូវស្នេហា ព្រោះតណ្ហាត្រេកត្រអាលមួយគ្រា។ ចូរកុំបណ្ដោយខ្លួនតាមអារម្មណ៍មួយពេល! យ៉ាងណាមិញ ចំពោះ​អ្នក​ដែលធ្លាប់ប្រេះឆាកន្លងមក ​អាចផ្សះផ្សាជាមួយគ្នាវិញ ក្នុងកំលុងពេលនេះឯង៕

អត្ថបទ៖ សន្យា

ចុចអាន៖ បកស្រាយអត្ថន័យ យល់សុបិនឃើញមនុស្សដែលចែកឋានយូរហើយ

ចុចអាន៖ សុបិនប្ដូរបន្ទប់ថ្មី ផ្ទះថ្មី ឬភូមិ-ស្រុកថ្មី សុទ្ធសឹងជាប្រផ្នូលអាក្រក់