ព័ត៌មានអន្ដរជាតិ
UN ថា មនុស្សជាង១០០លាននាក់បានភៀសខ្លួនដោយបង្ខំទូទាំងពិភពលោក
មនុស្សជាង១០០លាននាក់ត្រូវបានបង្ខំឲ្យចាកចេញពីផ្ទះសម្បែងរបស់ពួកគេទូទាំងពិភពលោក។ ឧត្តមស្នងការអង្គការសហប្រជាជាតិទទួលបន្ទុកជនភៀសខ្លួន (UNHCR) បានឲ្យដឹងនៅថ្ងៃចន្ទនេះដោយយោងលើទិន្នន័យថ្មីអំពីអ្នកដែលគេចចេញពីហិង្សា ជម្លោះ ការធ្វើទុក្ខបុកម្នេញ និងការរំលោភបំពានសិទ្ធិមនុស្ស។
ទីភ្នាក់ងារជនភៀសខ្លួន UNHCR បាននិយាយថា សង្គ្រាមនៅប្រទេសអ៊ុយក្រែនជាកត្តាចម្បងមួយដែលធ្វើឲ្យមនុស្សរាប់លាននាក់បានភៀសខ្លួន។ ជម្លោះអូសបន្លាយនៅកន្លែងផ្សេងទៀតដូចជា ប្រទេសអេត្យូពី និងសាធារណរដ្ឋប្រជាធិបតេយ្យកុងហ្គោក៏ជាកត្តាដ៏អាក្រក់ដែលជំរុញឲ្យកើតមានជនភៀសខ្លួនច្រើនដែរ។
លោក Filippo Grandi ឧត្តមស្នងការអង្គការសហប្រជាជាតិទទួលបន្ទុកជនភៀសខ្លួន បាននិយាយក្នុងសេចក្តីថ្លែងការណ៍មួយទៅកាន់អ្នកសារព័ត៌មានថា ៖«វាជាកំណត់ត្រាមួយដែលមិនគួរកើត។ នេះគឺជាការដាស់តឿន ដើម្បីដោះស្រាយ និងការពារកុំឲ្យមានជម្លោះបំផ្លិចបំផ្លាញ បញ្ឈប់ការធ្វើទុក្ខបុកម្នេញ និងដោះស្រាយបញ្ហាជាមូលដ្ឋានដែលបង្ខំឲ្យជនស្លូតត្រង់រត់ចេញពីផ្ទះសម្បែង»។
ទិន្នន័យរបស់ UNHCR រួមមានជនភៀសខ្លួន ជនស្វែងរកសិទ្ធិជ្រកកោន និងអ្នកផ្លាស់ទីនៅក្នុងប្រទេសរបស់ពួកគេ។ កាលពីសប្តាហ៍មុន អង្គភាពមនុស្សធម៌បាននិយាយថា អ្នកដែលផ្លាស់ទីនៅក្នុងប្រទេសរបស់ពួកគេឈានដល់កំណត់ត្រាគឺជិត៦០លាននាក់ត្រឹមបំណាច់ឆ្នាំមុន។
លោក Grandi បានជំរុញឲ្យមានការដោះស្រាយអំពីមូលហេតុដែលបណ្តាលឲ្យមានការផ្លាស់ទី ដោយលើកឡើងថា ជំនួយមនុស្សធម៌គ្រាន់តែព្យាបាលផលវិបាកប៉ុណ្ណោះ។
លោកបានលើកឡើងថា ៖«ដើម្បីបញ្ឈប់និន្នាការនេះ ចម្លើយតែមួយគត់គឺសន្តិភាព និងស្ថិរភាព ដូច្នេះជនស្លូតត្រង់នឹងមិនត្រូវបានបង្ខំដោយល្បែងគ្រោះថ្នាក់ចេញពីផ្ទះ ឬការហោះហើរមិនច្បាស់លាស់ និងការនិរទេសឡើយ»៕
ប្រែសម្រួល៖ វីរបុត្រ
ប្រភព៖ Reuters
អនុរដ្ឋមន្ត្រីការបរទេសវៀតណាម កោតសរសើរ ចំពោះការរីកចម្រើនលើគ្រប់វិស័យរបស់រាជធានីភ្នំពេញ
អភិបាលខេត្តមួយនៃប្រទេសជប៉ុន ស្នើកម្លាំងពលកម្មជាច្រើនពីក្រសួងការងារ និងសុំឱ្យមានការជួបផ្គូផ្គងគ្នា រវាងក្រុមហ៊ុនសហគ្រាស និងកម្ពុជា
សង្ខេបព្រឹត្តិការណ៍សំខាន់នៅកម្ពុជាឆ្នាំ២០២៤
តម្លៃសន្តិភាព ជាអ្វីដែលពលរដ្ឋកម្ពុជាគ្រប់រូបត្រូវចងចាំ និងការពារ ខណៈពិភពលោកកំពុងជួបសង្គ្រាម
អ្នកឧកញ៉ា ឃុន សៀ និង លោកជំទាវ គោរពជូនពរ សម្ដេចទាំង ៧ ក្នុងឱកាសទទួលអំណរឆ្នាំថ្មី ឆ្នាំសកល ២០២៤
ឆេះផ្ទះលក់ទូរស័ព្ទដៃ២ទីតាំងទាំងស្រុង ផ្អើលពលរដ្ឋជិតវត្តសន្សំកុសល
ក្រុមហ៊ុនអាកាសចរណ៍អាមេរិក ប្រទះឃើញសាកសពក្នុងកន្លែងដាក់កង់យន្តហោះដ៏កម្របំផុត
រុស្ស៊ី បាញ់ទម្លាក់ F-16 ដែលលោកខាងលិច ជួយដល់អ៊ុយក្រែន
ខ្មាន់កាំភ្លើងបាញ់ប្រហារជាច្រើនគ្រាប់លើជនបរទេសម្នាក់ស្លាប់ពេលបញ្ជូនដល់មន្ទីរពេទ្យ
ពូទីន៖ ហួសពេលហើយ ដើម្បីធ្វើកិច្ចព្រមព្រៀងដឹកឧស្ម័នថ្មីជាមួយអ៊ុយក្រែន
-
ជីវិតកម្សាន្ដ១ សប្តាហ៍ agoលោក សុះ ម៉ាច ស្នើឱ្យបញ្ឈប់ការយកស្នាដៃចម្រៀងមរតកដើម មកកែទំនុក បម្រើប្រយោជន៍បុគ្គល
-
ព័ត៌មានជាតិ១ សប្តាហ៍ agoUN អនុម័តសម្រាប់ការចាកចេញរបស់កម្ពុជាពីក្រុមប្រទេសអភិវឌ្ឍន៍តិចតួច
-
សន្តិសុខសង្គម៣ ថ្ងៃ agoដកហូតសំបក និងពោះវៀនកង់ម៉ូតូសរុបជាង១២០០០ ដែលរំលោភកម្មសិទ្ធិនាំចូល
-
សន្តិសុខសង្គម៣ ថ្ងៃ agoUpdate៖ ជនដៃដល់ដែលវាយសម្លាប់ស្ត្រីលក់ភេសជ្ជៈនៅស្តុប២០០៤ ទៅលោតទឹកសម្លាប់ខ្លួននៅស្ពានជ្រោយចង្វារ
-
ចរាចរណ៍៧ ថ្ងៃ agoស្ត្រីម្នាក់ ជិះម៉ូតូលឿន វ៉ារថយន្តមិនផុត ជ្រុលទាក់ដៃចង្កូតជាមួយកង់ ដួលបោកក្បាលស្លាប់
-
ព័ត៌មានជាតិ៦ ថ្ងៃ agoផលដំឡូងមី កសិករត្រៀមប្រមូល ហាងឆេងទីផ្សារបានត្រឹម ១៧០ រៀលប៉ុណ្ណោះក្នុង ១ គីឡូក្រាម
-
សន្តិសុខសង្គម១ ថ្ងៃ agoស្នងការរាជធានី កោះហៅមន្ត្រីនគរបាលចរាចរណ៍៣នាក់មកសួរនាំ ជុំវិញការចោទប្រកាន់ពីបុរសម្នាក់
-
ព័ត៌មានជាតិ១ សប្តាហ៍ agoក្រសួងសុខាភិបាលណែនាំឲ្យពលរដ្ឋប្រុងប្រយ័ត្នចំពោះការបរិភោគអាហារសមុទ្រដើម្បីបង្ការការឆ្លងវីរុសណូរ៉ូ