ព័ត៌មានអន្ដរជាតិ
បុគ្គលិកថែទាំសុខភាពម៉ាឡេស៊ី ១,៧៧១ នាក់ឆ្លងកូវីដ
ក្រសួងសុខាភិបាលរបស់ប្រទេសម៉ាឡេស៊ីបាននិយាយថា ករណីឆ្លងជំងឺកូវីដ ១៩ សរុបចំនួន ១,៧៧១ ករណីត្រូវបានកត់ត្រាក្នុងចំណោមបុគ្គលិកសុខាភិបាលដោយមាន ១,៣៥៩ ករណីត្រូវបានរកឃើញក្នុងរលកទី ៣ នៃការរាតត្បាតជំងឺកូវីដ ១៩ ។
ក្រសួងសុខាភិបាលបានបន្ថែមថា ករណីថ្មីចំនួន ៤៣ ត្រូវបានកត់ត្រានៅថ្ងៃសុក្រ ទី ១៨ ខែធ្នូ ។
លោកវេជ្ជបណ្ឌិត Noor Hisham Abdullah អគ្គនាយកសុខាភិបាលបាននិយាយថា ក្នុងចំណោមអ្នកដែលឆ្លងជំងឺទាំងនោះគឺគិលានុបដ្ឋាយិកាមានករណីធំជាងគេដោយមាន ៦៩០ ករណីត្រូវបានកត់ត្រា ។
ករណីផ្សេងទៀតរួមមានមន្រ្តីពេទ្យ ជំនួយការថែរក្សាសុខភាព ជំនួយការមន្ត្រីពេទ្យ និងមន្រ្តីពេទ្យបញ្ចប់ការសិក្សា ។
លោកវេជ្ជបណ្ឌិត Noor HIsham បាននិយាយថា បុគ្គលិកចំនួន ៥៨៧ នាក់បានឆ្លងវីរុសនេះនៅក្នុងសហគមន៍ ហើយបុគ្គលិកចំនួន ៥៦៥ នាក់បានឆ្លងវីរុសនេះពីមិត្តរួមការងាររបស់ពួកគេ ។
សរុបចំនួន ១៥២ ករណីត្រូវបានឆ្លងដោយអ្នកជំងឺដែលមិនទាន់ត្រូវបានបញ្ជាក់ថាវិជ្ជមាន ៥៨ ករណីដែលមិនមានប្រភពនៃការឆ្លង និង ៤០៩ ករណីនៅតែស្ថិតក្រោមការស៊ើបអង្កេតដើម្បីកំណត់ប្រភពនៃការឆ្លង ។
លោកវេជ្ជបណ្ឌិត Noor Hisham បាននិយាយនៅក្នុងសេចក្តីថ្លែងការណ៍មួយកាលពីថ្ងៃសុក្រថា “បច្ចុប្បន្នបុគ្គលិក ២៨០ នាក់កំពុងទទួលការព្យាបាល និងស្ថិតក្នុងស្ថានភាពមានល្អនៅតាមមន្ទីរពេទ្យនិងមានអត្រានៃការជាសះស្បើយ ៨៤.២ ភាគរយ ។ បុគ្គលិកសុខាភិបាលសរុបចំនួន ១,៦៩៧ នាក់នៅទូទាំងប្រទេសកំពុងស្ថិតក្រោមបទបញ្ជាឃ្លាំមើលនៅផ្ទះ (HSO) ឬប៉ុស្តិ៍ធ្វើចត្តាឡីស័ក” ។
ប្រទេសម៉ាឡេស៊ីបានរាយការណ៍ថាមានករណីឆ្លងជំងឺកូវីដ ១៩ ចំនួន ១,៦៨៣ ករណីក្នុងរយៈពេល ២៤ ម៉ោងចុងក្រោយដែលធ្វើឲ្យចំនួនករណីសរុបនៅក្នុងប្រទេសកើនដល់ ៩០,៨១៦ នាក់ ។
ទន្ទឹមនោះគ្មានអ្នកស្លាប់ថ្មីត្រូវបានកត់ត្រាក្នុងរយៈពេល ២៤ ម៉ោងចុងក្រោយនេះទេ ។ ចំនួនអ្នកស្លាប់របស់ប្រទេសនេះដោយសារកូវីដនៅតែមានចំនួន ៤៣២ នាក់ដដែរ ៕
ប្រែសម្រួលដោយ៖ ជីវ័ន្ត
ប្រភព ៖ CNA
-
ចរាចរណ៍៣ ថ្ងៃ ago
ជិះម៉ូតូបញ្ច្រាសផ្លូវ បុកម៉ូតូមួយគ្រឿងទៀតស្លាប់ម្នាក់ និងរបួសធ្ងន់ស្រាល៣នាក់
-
ព័ត៌មានជាតិ៧ ថ្ងៃ ago
មេសិទ្ធិមនុស្សកម្ពុជា ឆ្លៀតសួរសុខទុក្ខកញ្ញា សេង ធារី កំពុងជាប់ឃុំ និងមើលឃើញថាមានសុខភាពល្អធម្មតា
-
ចរាចរណ៍៦ ថ្ងៃ ago
ករណីគ្រោះថ្នាក់ចរាចរណ៍រវាងរថយន្ត និងម៉ូតូ បណ្ដាលឱ្យឪពុក និងកូន២នាក់ស្លាប់បាត់បង់ជីវិត
-
ជីវិតកម្សាន្ដ៥ ថ្ងៃ ago
ក្រោយរួចខ្លួន តួសម្ដែងរឿង «Ip Man» ប្រាប់ដើមចមធ្លាយដល់កន្លែងចាប់ជំរិត កៀកព្រំដែនថៃ-មីយ៉ានម៉ា
-
ព័ត៌មានជាតិ១ សប្តាហ៍ ago
ជនសង្ស័យដែលបាញ់សម្លាប់លោក លិម គិមយ៉ា ត្រូវបានសមត្ថកិច្ចឃាត់ខ្លួននៅខេត្តបាត់ដំបង
-
ចរាចរណ៍៣ ថ្ងៃ ago
យុវជនម្នាក់ ចេញពីធ្វើការត្រលប់ទៅកន្លែងស្នាក់នៅវិញ ជួបគ្រោះថ្នាក់ចរាចរណ៍ ដួលបោកក្បាលស្លាប់លើស្ពានព្រែកព្នៅ
-
ព័ត៌មានជាតិ២ ថ្ងៃ ago
ជនជាតិភាគតិចម្នាក់នៅខេត្តមណ្ឌលគិរីចូលដាក់អន្ទាក់មាន់នៅក្នុងព្រៃ ត្រូវហ្វូងសត្វដំរីព្រៃជាន់ស្លាប់
-
ព័ត៌មានជាតិ៦ ថ្ងៃ ago
អ្នកនាំពាក្យថារថយន្តដែលបើកផ្លូវឱ្យអ្នកលក់ឡេមិនមែនជារបស់អាវុធហត្ថទេ