ព័ត៌មានជាតិ

ព្រឹត្តិការណ៍ពិព័រណ៍ពាណិជ្ជកម្មផលិតផលខ្មែរឆ្នាំ២០២០នៅខេត្តបន្ទាយមានជ័យត្រូវបានលើកពេលដោយគ្មានកំណត់

បានផុស

៤ years មុន

នៅ

ថ្ងៃសៅរ៍ ១៩ ធ្នូ ២០២០

ដោយ

ភ្នំពេញ ៖ ព្រឹត្តិការណ៍ពិព័រណ៍ពាណិជ្ជកម្មផលិតផលខ្មែរឆ្នាំ២០២០នៅក្រុងសិរីសោភ័ណខេត្តបន្ទាយមានជ័យដែលគ្រោងធ្វើនៅថ្ងៃទី២៤ដល់ថ្ងៃទី២៧ ខែធ្នូ ឆ្នាំ២០២០ ត្រូវបានលើកពេលដោយគ្មានកំណត់ដោយសារជំងឺកូវីដ១៩។

យោងតាមសេចក្តីជូនដំណឹងរបស់ក្រសួងពាណិជ្ជកម្មដែលទើបទទួលបាននៅថ្ងៃនេះបានឲ្យដឹងថា«ក្រសួងសូមជម្រាបជូនដល់សាធារណជនទូទៅបងប្អូនផលិតក៏អាជីវករសហគ្រាសធុនតូចនិងមធ្យមកម្ពុជាដែលបានដាក់ពាក្យចូលរួមតាំងបង្ហាញផលិតផលខ្មែរក្នុងឱកាសនៃការរៀបចំយុទ្ធនាការទិញផលិតផលខ្មែររដូវកាលទី៥ ឆ្នាំ២០២០នៅក្រុងសិរីសោភ័ណខេត្តបន្ទាយមានជ័យចាប់ពីថ្ងៃទី២៤ដល់២៧ ខែធ្នូ ឆ្នាំ២០២០ ឲ្យបានជ្រាបថា អនុលោមតាមការណែនាំរបស់រាជរដ្ឋាភិបាលកម្ពុជាក្នុងការចូលរួមទប់ស្កាត់នូវការរីករាលដាលនៃជំងឺកូវីដ១៩ ឲ្យបានទាន់ពេលវេលាក្រសួងពាណិជ្ជកម្មសូមប្រកាសលើកពេលរៀបចំព្រឹត្តិការណ៍ពិព័រណ៍ពាណិជ្ជកម្មក្នុងខេត្តទខាងលើរហូតដល់មានសេចក្តីជូនដំណឹងជាថ្មី»។

បើតាមក្រសួងពាណិជ្ជកម្មសម្រាប់ឆ្នាំនេះ ក្រសួងនឹងរៀបចំពិព័រណ៍ពាណិជ្ជកម្មផលិតផលខ្មែរយុទ្ធនាការទិញផលិតផលខ្មែរឆ្នាំ២០២០ នៅតាមបណ្តាខេត្តចំនួន៤នៅភូមិភាគឥសាននៃប្រទេសកម្ពុជារួមមានខេត្តមណ្ឌលគិរី រតនគីរី សៀមរាបនិងខេត្តព្រះវិហារដើម្បីជំរុញលើកកម្ពស់ផលិតផលក្នុងស្រុកឲ្យមានការទទួលស្គាល់និងចូលរួមប្រើប្រាស់កាន់តែទូលំទូលាយនៅទូទាំងប្រទេសនិងដើម្បីភ្ជាប់ទំនាក់ទំនងសេដ្ឋកិច្ចគ្រប់ប្រព័ន្ធរវាងរាជធានីខេត្តទូទាំងប្រទេសដើម្បីរួមចំណែកដល់ដំណើរការអភិវឌ្ឍសេដ្ឋកិច្ចជាតិឡើងវិញបន្ទាប់ពីជួបវិបត្តិជំងឺកូវីដ១៩៕
ដោយ ៖ សំអឿន