ព័ត៌មានជាតិ

គណៈកម្មការផ្សារសាមគ្គីរៀបចំសណ្ដាប់ធ្នាប់នៅតាមដងផ្លូវ ជុំវិញផ្សារ

បានផុស

៤ years មុន

នៅ

ថ្ងៃអាទិត្យ ២០ ធ្នូ ២០២០

ដោយ

គណៈកម្មការផ្សារសាមគ្គី នាព្រឹកថ្ងៃទី១៩ ខែធ្នូ ឆ្នាំ២០២០នេះ បានដឹកនាំកម្លាំងចុះរៀបចំសណ្ដាប់ធ្នាប់នៅតាមដងផ្លូវមួយចំនួនជុំវិញផ្សារ ដើម្បីឲ្យបរិវេណជុំវិញផ្សារមានរបៀបរៀបរយល្អ ដែលអាចឱ្យប្រជាពលរដ្ឋងាយស្រួលធ្វើចរាចរណ៍ទៅមក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ថោង ថង ប្រធានគណៈកម្មការផ្សារសាមគ្គី បានឲ្យដឹងថា ផ្លូវលេខ១១៨ ផ្លូវលេខ១២២ និងផ្លូវ ២៣៣ជុំវិញផ្សារសាមគ្គី ស្ថិតក្នុងសង្កាត់ផ្សារដេប៉ូ៣ ខណ្ឌទួលគោក ត្រូវបានកម្លាំងសណ្ដាប់ធ្នាប់ផ្សារបញ្ចេញកម្លាំងចុះរៀបចំសណ្ដាប់ធ្នាប់ ជាប្រចាំដើម្បីឲ្យបរិវេណផ្សារទាំងមូលមានសោភណភាព បរិស្ថានស្អាត ។

ប៉ុន្តែ ទោះបីជាយ៉ាងណាក្តី ការរៀបចំសណ្ដាប់ធ្នាប់នៅទីតាំងនេះ ដូចគេវែកចកអញ្ចឹងដែរ ពោលគឺពេលកម្លាំងចុះរៀបចំ ឃើញថា ស្អាតល្អ តែនៅពេលដែលកម្លាំងដកថយមកវិញ ក៏អាជីវករបន្តលក់លើទ្រូងផ្លូវដដែល ។ ប៉ុន្តែទោះបីជាយ៉ាងណាក្តី កម្លាំងសណ្ដាប់ធ្នាប់ នៅតែបន្តធ្វើជាប្រចាំ ដើម្បីឲ្យផ្លូវទាំងបីខ្សែខាងលើ អាចឱ្យប្រជាពលរដ្ឋធ្វើចរាចរណ៍បាន៕

អត្ថបទ ៖ ស្រីរ័ត្ន