សេដ្ឋកិច្ច
ក្រុមហ៊ុនជាង ២៥០ នឹងចូលរួម «វេទិកាធុរកិច្ចកម្ពុជា-បារាំង» រយៈពេល ២ថ្ងៃ នៅរាជធានីភ្នំពេញ
មជ្ឈមណ្ឌលពាណិជ្ជកម្ម និងឧស្សាហកម្មបារាំង-កម្ពុជា សហការជាមួយគណកម្មាធិការទីប្រឹក្សាពាណិជ្ជកម្មបរទេស នៃប្រទេសបារាំងប្រចាំកម្ពុជា នឹងរៀបចំ «វេទិកាធុរកិច្ចកម្ពុជា-បារាំង» រយៈពេល ២ថ្ងៃ គឺនៅ ថ្ងៃទី ៩ និងទី ១០ ខែមិថុនា ឆ្នាំ ២០២២ខាងមុខ នៅរាជធានីភ្នំពេញ។ នៅក្នុងនោះ ក្រុមហ៊ុនជាង ២៥០ មកពីប្រទេសអាស៊ាន និងប្រទេសបារាំង ត្រូវបានរំពឹងថា នឹងចូលរួមក្នុងព្រឹត្តការណ៍នេះ។
«វេទិកាធុរកិច្ចកម្ពុជា-បារាំង» ធ្វើឡើងជាលើកដំបូងនៅកម្ពុជានេះ នឹងមានការចូលរួមពីតំណាងពិសេស របស់រដ្ឋមន្ត្រីទទួលបន្ទុកផ្នែកកិច្ចការអឺរ៉ុប និងការបរទេស និងលោក សុខ ចិន្តាសោភា អគ្គលេខាធិការ ក្រុមប្រឹក្សាអភិវឌ្ឍន៍កម្ពុជា CDC ព្រមទាំងថ្នាក់ដឹកនាំ នៃស្ថានទូតបារាំងប្រចាំកម្ពុជា។
គោលបំណងនៃវេទិកានេះ គឺដើម្បីបង្ហាញពីបរិបទអំណោយផលរបស់កម្ពុជា សម្រាប់ការធ្វើធុរកិច្ច ដែលកម្ពុជាជាច្រកទ្វារមួយមានភាពងាយស្រួល មានភាពប្រកួតប្រជែងខ្ពស់ និងមានប្រសិទ្ធភាពសម្រាប់ក្រុម ហ៊ុនបរទេស ឬវិនិយោគិន ក្នុងការនាំចេញទៅកាន់ទីផ្សារតំបន់អាស៊ី និងពិភពលោក។
ក្នុងសន្និសីទកាសែតនៅថ្ងៃទី១ ខែមិថុនា ឆ្នាំ២០២២ លោក Arnaud Darc ប្រធានសភាពាណិជ្ជកម្មអឺរ៉ុបនៅកម្ពុជា បានលើកឡើងថា វេទិការធុរកិច្ចកម្ពុជា-បារាំង ក៏ជាផ្នែកមួយនៃការលើកកម្ពស់ និងការជំរុញកិច្ចសហប្រតិបត្តិសេដ្ឋកិច្ច និងពាណិជ្ជកម្មរបស់បារាំងនៅកម្ពុជា។
លោកបានបន្តថា វេទិកានេះ នឹងចូលរួមពង្រឹង និងពង្រីកបន្ថែមទៀត ទៅលើទំនាក់ទំនងរវាងប្រទេសទាំងពីរ បារាំង-កម្ពុជា ហើយក៏ជាការបង្ហាញអំពីការប្ដេជ្ញាចិត្តរបស់ភាគីបារាំង ក្នុងការបន្តចូលរួមចំណែកនូវការអភិវឌ្ឍប្រទេសកម្ពុជា ឲ្យកាន់តែរីកចម្រើន ជាពិសេសលើវិស័យធុរកិច្ច និងទំនាក់ទំនងពាណិជ្ជកម្ម ជាដើម៕
អត្ថបទ៖ ធឿន វ៉ាន់សុង
-
សន្តិសុខសង្គម៤ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
KPT+៧ ថ្ងៃ ago
ប្រវត្តិដ៏គួរឱ្យចាប់អារម្មណ៍របស់ វត្តចំណាស់ទាំង ៧ ក្នុងខេត្តបាត់ដំបង
-
សន្តិសុខសង្គម៤ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៤ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៣ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៤ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+១ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ១ សប្តាហ៍ ago
ស្ពានអាកាសភ្លោះភ្ជាប់ផ្លូវ ៦០ ម៉ែត្រ ទៅព្រលានអន្តរជាតិតេជោ ប្រកាសបើកការដ្ឋាននៅថ្ងៃ ១៧ មិថុនា នេះ