ព័ត៌មានជាតិ

តោះ! មកស្គាល់ឈ្មោះវិទ្យាល័យមាននៅទូទាំងខេត្តក្រចេះ

បានផុស

៣ years មុន

នៅ

ថ្ងៃព្រហស្បតិ៍ ២ មិថុនា ២០២២

ដោយ

ស្ថិតនៅភាគឦសានប្រទេសកម្ពុជា ខេត្តក្រចេះមានគ្រឹះស្ថានបណ្តុះបណ្តាលកម្រិតមូលដ្ឋានពីបឋមដល់វិទ្យាល័យ ពង្រាយតាមភូមិឃុំស្រុកនិងទីប្រជុំជន។

បើតាមប្រធានមន្ទីរអប់រំ យុវជន និងកីឡាខេត្តក្រចេះ ទូទាំងខេត្តក្រចេះមានអនុវិទ្យាល័យ ៤២ កន្លែង និងវិទ្យាល័យ ១៣ កន្លែង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ឡាយ បូរ៉ា ប្រធានមន្ទីរអប់រំ យុវជននិងកីឡាខេត្តក្រចេះបានឲ្យកម្ពុជាថ្មីដឹងថា ស្រុកខ្លះមានវិទ្យាល័យ ២ និងស្រុក ៣ កន្លែងអាស្រ័យតាមភូមិសាស្ត្រ។ ដោយឡែកនៅស្រុកឆ្លូង មានវិទ្យាល័យតែមួយកន្លែងគឺវិទ្យាល័យសិលាវេទីគាតឈន់។

វិទ្យាល័យនៅខេត្តក្រចេះមានឈ្មោះដូចជា៖

ក្រុងក្រចេះ

-វិទ្យាល័យ ព្រះមហាក្សត្រីយានីកុសុមៈ

-វិទ្យាល័យ ខូវ ប៊ុនស៊ុន ក្រចេះក្រុង

-វិទ្យាល័យ តេជោ ហ៊ុន សែន ក្រចេះក្រុង

ស្រុកឆ្លូង

-វិទ្យាល័យ សិលាវេទីគាតឈន់

ស្រុកព្រែកប្រសព្វ

-វិទ្យាល័យ ព្រែកប្រសព្វ

-វិទ្យាល័យ ចំបក់

-វិទ្យាល័យ ជ្រោយបន្ទាយ

ស្រុកសំបូរ

-វិទ្យាល័យ ហ៊ុន សែន សម្ភៈបុរៈ

-វិទ្យាល័យ សណ្តាន់

ស្រុកស្នួល

-វិទ្យាល័យ ហ៊ុន សែន ស្នួល

-វិទ្យាល័យ ស្វាយជ្រះ

ស្រុកចិត្របុរី

-វិទ្យាល័យ ហ៊ុន សែន កន្ទួត

-វិទ្យាល័យ ថ្មគ្រែ

ក្រៅពីមានថ្នាក់អប់រំមូលដ្ឋាន ខេត្តក្រចេះក៏មានសាកលវិទ្យាល័យរដ្ឋដ៏ធំមួយ សម្រាប់បណ្តុះបណ្តាលថ្នាក់ឧត្តមសិក្សាដល់ពលរដ្ឋក្នុងខេត្ត។ សាកលវិទ្យាល័យក្រចេះ ជាគ្រឹះស្ថានឧត្តមសិក្សារដ្ឋទី១ នៅខេត្តក្រចេះ។ សាកលវិទ្យាល័យនេះ ផ្តោតសំខាន់ទៅលើការបណ្តុះបណ្តាលធនធានមនុស្ស លើមុខវិជ្ជាជំនាញឯកទេសកសិកម្មរួមមានដូចជា ជំនាញដាំដុះ, ជំនាញបសុសត្វ, ជំនាញកែច្នៃកសិ-ឧស្សាហកម្ម, ជំនាញវារីវប្បកម្ម និងទេពកោសល្យជនបទជាដើម៕

អត្ថបទ៖ ប៊ុណ្ណារ៉ា