កីឡា

អាហ្សង់ទីន ឈ្នះពាន Finalissima 2022 យប់មិញ ថែមទាំងបានបន្សល់ទុកកំណត់ត្រាដ៏អស្ចារ្យ

បានផុស

៣ years មុន

នៅ

ថ្ងៃព្រហស្បតិ៍ ២ មិថុនា ២០២២

ដោយ

ជម្រើសជាតិអាហ្សង់ទីន បានយកឈ្នះ អ៉ីតាលី ក្នុងកីឡដ្ឋាន Wembley ដើម្បីលើកពាន Finalissima ដែលជាជំនួបជើងឯកទ្វីបអឺរ៉ុប ប៉ះជើងឯកទ្វីបអាមេរិកខាងត្បូង កាលពីយប់មិញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ខ្សែប្រយុទ្ធ Martinez ជាអ្នករកគ្រាប់ដំបូងឲ្យអាហ្សង់ទីន នៅនាទី ២៨។ បន្ទាប់មក Di Maria បានបន្ថែមគ្រាប់ទី ២ នៅចុងវគ្គទីមួយ មុនពេលកីឡាករបម្រុង Paulo Dybala ជាអ្នករកបានគ្រាប់ទី៣ ដែលមានការបញ្ជូនពីមិត្តរួមក្រុម Messi ជាថ្មីនៅនាទី ៩០+៤។ លទ្ធផល ៣-០ បានបន្សល់រហូតដល់ចប់ការប្រកួត ជួយអាហ្សង់ទីនឈ្នះពាន Finalissima ជាលើកទីពីរក្នុងប្រវត្តិសាស្ត្ររបស់ខ្លួន។

បន្ថែមពីលើការឈ្នះនេះផងដែរ អាហ្សង់ទីន បានបង្កើតកំណត់ត្រាដ៏អស្ចារ្យ ពោលគឺប្រកួតមិនដែលចាញ់រយៈពេល ៣ ឆ្នាំមកហើយ ដោយ ៣២ ប្រកួត គឺពុំដែលចាញ់សោះ មានតែឈ្នះ ហើយនឹងស្មើ ដែលបានជួយឱ្យបំបែកកំណត់ត្រាចាស់មិនដែលចាញ់ ៣១ ប្រកួត នៅក្នុងការប្រកួតផ្លូវការ ឬទទួលស្គាល់ដោយ FIFA កាលពីឆ្នាំ ១៩៩១។

គួររំលឹកថា អាហ្សង់ទីន ឈ្នះពានរង្វាន់មួយនេះលើកដំបូងកាលពីឆ្នាំ ១៩៩៣ ពេលដែលពួកគេយកឈ្នះដាណឺម៉ាក ដោយបាល់ប៉េណាល់ទី ៥-៤។ នេះជាលើកទី៣ហើយដែលគេបានរៀបចំការប្រកួតជំនួបរវាងជើងឯកទ្វីបអឺរ៉ុប ប៉ះជើងឯកទ្វីបអាមេរិកខាងត្បូង៕

អត្ថបទ៖ មន្នីរ័ត្ន

Related Topics:កីឡាបាល់ទាត់