ជីវិតកម្សាន្ដ

ឯម គុនថង ឈ្នះពាន Miss Fashion Award លើឆាក Miss Global ប្រទេសឥណ្ឌូណេស៊ី

បានផុស

៣ years មុន

នៅ

ថ្ងៃព្រហស្បតិ៍ ៩ មិថុនា ២០២២

ដោយ

ពិតជារំភើបណាស់ ខណៈដែលបវរកញ្ញាតំណាងកម្ពុជា Miss Global Cambodia២០២១ កញ្ញា ឯម គុនថង បានឈ្នះពានរង្វាន់មួយហើយនៅលើឆាកប្រកួតអន្តរជាតិនាប្រទេសឥណ្ឌូណេស៊ី ក្នុងវគ្គប្រកួតបឋម គឺពានរង្វាន់ Miss Fashion Award ។

បើតាមការបង្ហោះនៅលើផេក Team Cambodia បានឲ្យដឹងថា បើតាមខ្ញុំដឹងមិនខុសទេពានដែលនាងទទួលបាន គឺពាន Miss Fashion។ យ៉ាងណាមិញអ្នកឈ្នះ គឺ Miss Global Cambodia 2021។ Miss Global Cambodia 2022 ទទួលបានពាននេះជំនួសនាមឲ្យ Miss Global Cambodia 2021។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គេចាំបានថា បវរកញ្ញាតំណាងកម្ពុជា Miss Global Cambodia ២០២១ គឺ កញ្ញា ឯម គុនថង កាលពីថ្ងៃទី ៣០ ខែមិថុនាកន្លងទៅ បានចេញដំណើរទៅប្រទេសឥណ្ឌូណេស៊ី ដើម្បីតំណាងកម្ពុជាចូលរួមប្រកួតលើឆាកអន្តរជាតិ Miss Global 2022។ គិតមកដល់ពេលនេះ មានរយៈពេលជាងមួយសប្តាហ៍មកហើយដែល Miss Global Cambodia ២០២១ កំពុងស្ថិតនៅលើទឹកដីប្រទេសឥណ្ឌូណេស៊ី ដើម្បីចូលរួមការប្រកួតកម្មវិធីអន្តរជាតិនេះ។

ក្នុងវត្តមាននោះដែរ គេឃើញថា បវរកញ្ញាតំណាងកម្ពុជា ឯម គុនថង និងបេក្ខភាពមកពីបណ្តាប្រទេសផ្សេងៗទៀតកំពុងតែធ្វើការហ្វឹកហាត់យ៉ាងយកចិត្តទុកដាក់ព្រមទាំងមានការជួបជុំ និងធ្វើដំណើរទស្សនកិច្ចរួមគ្នានៅលើទឹកដីឥណ្ឌូនេស៊ីផងដែរ។ ទន្ទឹមគ្នានេះ កាលពីរាត្រីថ្ងៃទី ០៨ ខែមិថុនា ឆ្នាំ ២០២២ កម្មវិធី Miss Global 2022 បានឈានដល់វគ្គប្រកួតបឋម ដែលកម្មវិធីតម្រូវឱ្យបេក្ខភាពតំណាងប្រទេសនីមួយៗប្រកួតលើវិញ្ញាសាដើរបង្ហាញឈុតរាត្រីស្រមោល ឈុតហែលទឹក និងឈុតតំណាងជាតិជាដើម។

តាមការកត់សម្គាល់ នៅក្នុងវគ្គប្រកួតបឋមនេះដែរ បវរកញ្ញាតំណាងកម្ពុជា គឺកញ្ញា ឯម គុនថង ក៏បានឈ្នះពានរង្វាន់មួយហើយនៅលើឆាកប្រកួតអន្តរជាតិនេះ គឺពានរង្វាន់ Miss Fashion Award ខ ណៈអ្នកគាំទ្រ និងមហាជនកំពុងសម្តែងការអបអរ និងលើកទឹកចិត្តនាងបន្ថែមទៀតផងដែរ៕

អត្ថបទ៖ ចាន់រ៉ា

Related Topics:តារាបង្ហាញម៉ូដ