អ៊ុយក្រែន​ ​អង្វរលោកខាងលិច ឲ្យផ្តល់អាវុធ លឿនបន្តិចមក​

អ៊ុយក្រែន ​បាន​អង្វរ​ដល់​ប្រទេស​លោក​ខាង​លិច ឲ្យ​ផ្តល់​សព្វាវុធ​លឿន​ជាង​មុន ខណៈ​កម្លាំង​រុស្ស៊ី ​បន្ត​ការ​វាយលុក​​នៅ​តាម​បណ្តោយ​ភាគ​ខាង​កើត​​ប្រទេស។

មន្ត្រីអ៊ុយក្រែននិយាយថា សង្រ្គាមនៅភាគខាងកើតឥឡូវនេះ គឺជាសមរភូមិកាំភ្លើងធំ ដែលទីក្រុង កៀវ បានប្រើប្រាស់កាំភ្លើងយ៉ាងច្រើន។

លោក Vadym Skibitsky អនុប្រធានផ្នែកចារកម្មយោធារបស់ប្រទេសអ៊ុយក្រែន បានប្រាប់កាសែត Guardian ថា “បច្ចុប្បន្ន គឺជាសង្រ្គាមកាំភ្លើងធំ។ អ្វីគ្រប់យ៉ាងឥឡូវនេះ គឺអាស្រ័យលើអ្វីដែលលោកខាងលិចផ្តល់ឲ្យយើង”។

គួរបញ្ជាក់ថា ចាប់តាំងពីការវាយលុករបស់រុស្ស៊ីលើអ៊ុយក្រែន បណ្តាប្រទេសណាតូបានប្តេជ្ញាចិត្តផ្តល់ជំនួយយោធាក្នុងទំហំទឹកប្រាក់ជាង៨ពាន់លានដុល្លារ ដល់ប្រទេសអ៊ុយក្រែន ក្នុងនោះ ជំនួយក្នុងទំហំទឹកប្រាក់ចំនួន ៤.៦ ពាន់លានដុល្លារគឺបានមកពីសហរដ្ឋអាមេរិក។

ចំណែក ចក្រភពអង់គ្លេស បានសន្យាផ្តល់ប្រាក់ជាង ៩០០ លានដុល្លារ ខណៈសហភាពអឺរ៉ុប ជួយជាង ២លានដុល្លារ៕

ប្រែសម្រួល៖ Vann Vann

ប្រភព៖ SKY

ចុចអាន៖ ទីក្រុង Mariupol កំពុងប្រឈមហានិភ័យ ផ្ទុះជំងឺអាសន្នរោគ ទ្រង់ទ្រាយធំ