នយោបាយ
បណ្តឹងទាក់ទងដំណើរការបោះឆ្នោតក្រុមប្រឹក្សា ឃុំ សង្កាត់ ឡើងដល់២៤៥
លោក សោម សូរីដា អគ្គលេខាធិការរង និងជាអ្នកនាំពាក្យគណៈកម្មាធិការជាតិរៀបចំការបោះឆ្នោត (គ.ជ.ប) បានមានប្រសាសន៍ប្រាប់កម្ពុជាថ្មីនារសៀលនេះថា គិតត្រឹមថ្ងៃទី១២ ខែមិថុនា ឆ្នាំ២០២២ គ.ជ.ប ទទួលបានបណ្ដឹងសរុប២៤៥បណ្ដឹង ដែលបណ្ដឹងនេះត្រូវបានដាក់នៅក្នុងដំណាក់កាលឃោសនាបោះឆ្នោត (រយៈពេល១៤ថ្ងៃ) និងមួយថ្ងៃមុនថ្ងៃបោះឆ្នោត គឺនៅថ្ងៃស (ថ្ងៃទី០៤ ខែមិថុនា) ថ្ងៃបោះឆ្នោត និងបណ្ដឹងទាក់ទងទៅនឹងលទ្ធផលបណ្ដោះអាសន្ន ដែលបានបិទផ្សាយនៅគណៈកម្មការឃុំ សង្កាត់ រៀបចំការបោះឆ្នោត។
សម្រាប់ដំណើរការឃោសនាបោះឆ្នោត ដែលមានរយៈពេល១៤ ថ្ងៃ គណៈកម្មការឃុំ សង្កាត់ រៀបចំការបោះឆ្នោត បានទទួលបណ្ដឹងសរុបចំនួន៥៣បណ្ដឹង ហើយត្រូវបានដោះស្រាយចប់សព្វគ្រប់នៅថ្នាក់គណៈកម្មការ ឃុំ សង្កាត់ រៀបចំការបោះឆ្នោត។ នៅក្នុងចំណោមបណ្ដឹងទាំង៥៣ បណ្ដឹងនេះ មានបណ្ដឹងចំនួន២២ បានប្ដឹងបន្តទៅគណៈកម្មការរាជធានី ខេត្ត រៀបចំការបោះឆ្នោត ហើយក៏បានដោះស្រាយចប់សព្វគ្រប់ផងដែរ ប៉ុន្តែក្នុងចំណោមបណ្ដឹងទាំង២២ នេះ បានប្ដឹងបន្តមក គ.ជ.ប ចំនួន១៥បណ្ដឹង ហើយ គ.ជ.ប បានដោះស្រាយចប់ទាំង១៥ បណ្ដឹងរួចរាល់ហើយ។
ចំណែកនៅមុនថ្ងៃបោះឆ្នោតមួយថ្ងៃ និងថ្ងៃបោះឆ្នោត គណៈកម្មការឃុំ សង្កាត់ រៀបចំការបោះឆ្នោត បានទទួលបណ្ដឹងសរុបចំនួន៨៥បណ្ដឹង ហើយក្នុងចំណោមបណ្ដឹងទាំង៨៥ មកដល់ពេលនេះ ក៏បានដោះស្រាយចប់សព្វគ្រប់អស់ហើយ។ ក្នុងចំណោម៨៥បណ្តឹងនេះ មានបណ្តឹងចំនួន៣២ បានប្ដឹងបន្តទៅគណៈកម្មការរាជធានី ខេត្ត រៀបចំការបោះឆ្នោត។ ក្នុងនោះក៏មានការប្ដឹងផ្ទាល់ ទៅគណៈកម្មការរាជធានី ខេត្ត រៀបចំការបោះឆ្នោតចំនួន៥៦ បណ្ដឹងផងដែរ ដែល៥៦បណ្ដឹងនេះ បានប្ដឹងសុំឱ្យដាក់ទោសទៅលើគណៈកម្មការការិយាល័យរៀបចំការបោះឆ្នោត ។
ដូច្នេះសរុបនៅគណៈកម្មការរាជធានី ខេត្ត រៀបចំការបោះឆ្នោត ទាំងបណ្ដឹងបន្តពីគណៈកម្មការឃុំ សង្កាត់ រៀបចំការបោះឆ្នោត បូកជាមួយបណ្ដឹងផ្ទាល់នៅគណៈកម្មការរាជធានី ខេត្ត រៀបចំការបោះឆ្នោតមានចំនួន៨៨បណ្ដឹង។ ក្នុងចំណោម៨៨ បណ្ដឹងនេះ គណៈកម្មការរាជធានី ខេត្ត រៀបចំការបោះឆ្នោត បានដោះស្រាយរួចរាល់ចំនួន៧៤ បណ្ដឹង ហើយ១៤ បណ្ដឹងទៀតកំពុងដោះស្រាយ ហើយក្នុងចំណោម៧៤ បណ្ដឹងនោះ ក៏មាន២បណ្ដឹង បានប្ដឹងបន្តទៅគណៈកម្មាធិការជាតិរៀបចំការបោះឆ្នោតផងដែរ ក្នុងនោះ ១បណ្ដឹងបានដោះស្រាយរួចរាល់ ហើយនៅសល់១បណ្ដឹងទៀតកំពុងដោះស្រាយ។
ដោយឡែក ក្នុងដំណាក់កាលបិទផ្សាយលទ្ធផលបឋមនៅគណៈកម្មការ ឃុំ សង្កាត់ រៀបចំការបោះឆ្នោតនោះ ទទួលបាន៥០បណ្ដឹង ហើយមកដល់ពេលនេះ បណ្ដឹងទាក់ទងទៅនឹងលទ្ធផលបឋមនេះ ត្រូវបានដោះស្រាយចប់សព្វគ្រប់អស់ហើយ ហើយក្នុងចំណោមបណ្ដឹងទាំងអស់៥០បណ្ដឹងនេះ មិនទាន់មានពាក្យបណ្ដឹងណាមួយបន្តមកគណៈកម្មាធិការជាតិរៀបចំការបោះឆ្នោត គ.ជ.ប នោះទេ៕
ដោយ ៖ កោះកែវ
ឡិចស៊ីស 470 មួយគ្រឿង បោះពួយលឿនបែកកង់ជ្រុលបុកបង្គោលភ្លើងរលំ ០២ ដើម
បទ «រំលស់ប្រពន្ធ» របស់ តន់ ចន្ទសីម៉ា កំពុងផ្ទុះ Viral ខ្លាំង ជាប់ Treding លេខ ១
សង្ស័យថា តារាម៉ូដែល Naomi កិបកេងលុយសប្បុរស ស្របពេលរឿងអាស្រូវដើរធ្វើបាបគេធ្លាយជាថ្មី
Update ៖ អគ្គិភ័យឆាបឆេះផ្ទះ ០៨ ខ្នង និងរងរបួសក្រុមពន្លត់អគ្គិភ័យកាណូតម្នាក់ នៅខណ្ឌឫស្សីកែវ
សម្តេចតេជោ ហ៊ុន សែន៖ កូនៗ ចៅៗ នៅអង្គការអាហ្វេស៊ីប ត្រូវសិក្សាយ៉ាងហោចចប់បរិញ្ញាបត្ររង
អាកាសយានដ្ឋានអន្តរជាតិតារាសាគរ ហោះហើរធ្វើតេស្តសាកល្បងត្រួតពិនិត្យឧបករណ៍បច្ចេកទេសឡើងវិញ ត្រៀមហោះហើរយន្តហោះខ្នាតតូច ចុងខែវិច្ឆិកាខាងមុខ
ប្រជាជនកម្ពុជាហៅបឹងទន្លេសាប ជាកូនសមុទ្រទឹកសាប ខណៈជាបឹងទឹកសាបធំបំផុតនៅអាស៊ីអាគ្នេយ៍
ក្រុមហ៊ុន វឌ្ឍនៈ ប្រ៊ូវើរី បន្តវត្តមានជូនដំណើរបងប្អូនទៅស្រុកកំណើត និងចែកជូនភេសជ្ជៈកីឡាបំពេញជាតិទឹក វី អាកទីវ ដោយឥតគិតថ្លៃ
ប្រជាពលរដ្ឋនាំគ្នាសម្រុកចេញពីភ្នំពេញ ទៅលេងស្រុកកំណើត នាឱកាសបុណ្យភ្ជុំបិណ្ឌ
មុននេះបន្តិច អគ្គិភ័យឆាបឆេះផ្ទះពលរដ្ឋ ចំណុចទល់មុខវិហារឥស្លាមគីឡូម៉ែត្រលេខ ០៩
-
ព័ត៌មានអន្ដរជាតិ៥ ថ្ងៃ agoព្យុះខ្លាំង ៥ទៀត នឹងវាយប្រហារ វៀតណាម មុនដាច់ឆ្នាំ
-
ជីវិតកម្សាន្ដ៣ ថ្ងៃ agoលោកឧកញ៉ា លាង ពៅ ថា Ishowspeed ធ្វើការគ្មានទំនួលខុសត្រូវ ក្នុងថ្ងៃ Gumball 3000 (មានវីដេអូ)
-
ព័ត៌មានជាតិ៣ ថ្ងៃ agoស្ថានភាពកម្ពស់ទឹកទន្លេមេគង្គខេត្តក្រចេះព្រឹកនេះ
-
ព័ត៌មានអន្ដរជាតិ៦ ថ្ងៃ agoភ្លៀងធ្លាក់ខ្លាំងមិនធ្លាប់មានក្នុងមួយសតវត្សរ៍នៅកូរ៉េខាងត្បូង ប្រែក្លាយទីក្រុងទៅជាទន្លេ
-
ចរាចរណ៍១ ថ្ងៃ agoរថយន្តដឹកទំនិញពាក់ស្លាកលេខ ខេមរៈភូមិន្ទបើកកិនគម្របលូបាក់ ខណៈដឹកទំនិញចេញពីឃ្លាំង
-
ជីវិតកម្សាន្ដ៤ ថ្ងៃ agoលោក លៀក លីដា បង្ហាញការខកចិត្តចំពោះការរិះគន់របស់ Allan
-
ជីវិតកម្សាន្ដ៤ ថ្ងៃ agoAllan អះអាងថា ខ្លួនហ៊ានទទួលយកការវិនិយោគ និងប្រើថវិកាត្រឹម ៨មុឺនដុល្លារប៉ុណ្ណោះ ដើម្បីផលិតកុនគុណភាព
-
ព័ត៌មានអន្ដរជាតិ៥ ថ្ងៃ agoភាគកណ្តាលវៀតណាម ជម្លៀសពលរដ្ឋជាង ៦ ០០០នាក់ ដោយសារទឹកជំនន់ធ្ងន់ធ្ងរ