ពលរដ្ឋខ្មែរជាង១០០នាក់ ចូលតាមច្រកអូស្មាច់ ត្រូវបានអាជ្ញាធរយកទៅធ្វើចត្តាឡីស័ក

នៅព្រឹកថ្ងៃទី២១ ខែធ្នូ ឆ្នាំ២០២០នេះ ពលករខ្មែរប្រុស ស្រី ចំនួន១៧២នាក់ បានចូលមកកម្ពុជា តាមច្រកអន្តជាតិអូរស្មាច់ ត្រូវបានអជ្ញាធរខេត្តឧត្តរមានជ័យ និងមន្ត្រីពាក់ព័ន្ធ ដឹកជញ្ជូនតាមរថយន្តទៅធ្វើចត្តាឡីស័ក រយៈពេល១៤ថ្ងៃ នៅក្រុងសំរោង។

ប្រធានមន្ទីរសុខាភិបាលខេត្តឧត្តរមានជ័យ វេជ្ជបណ្ឌិត ឃ្លោក ហួត បានឲ្យដឹងថា គិតត្រឹមម៉ោង១១ព្រឹក ថ្ងៃទី២១ ខែធ្នូ ឆ្នាំ២០២០នេះ ពលករខ្មែរចំនួន១៧២នាក់ បានចាកចេញពីប្រទេសថៃ តាមច្រកអន្តរជាតិអូរស្មាច់ ស្ថិតក្នុងសង្កាត់អូរស្មាច់ ក្រុងសំរោង ហើយត្រូវបានដឹកជញ្ជូនទៅធ្វើចត្តាឡីស័ ករយៈពេល១៤ថ្ងៃ ។

ជាមួយគ្នានេះដែរ ម៉ាសចំនួន ៤០ ម៉ឺនម៉ាស បានដឹកដល់ច្រកទ្វារព្រំដែនអន្តរជាតិអូរស្មាច់ ហើយរថយន្តជាច្រើនគ្រឿង បានប្រចាំការដឹកជញ្ជួនពលរដ្ឋខ្មែរ ដែលធ្វើការដំណើរចូលមកប្រទេសកម្ពុជា ផងដែរ៕