សេដ្ឋកិច្ច

អាកាសចរណ៍ Qatar ចំណេញជាប់កំណត់ត្រា ១.៥៤ប៊ីលានដុល្លារ ទោះវិបត្តិកូវីដ

បានផុស

៣ years មុន

នៅ

ថ្ងៃសុក្រ ១៧ មិថុនា ២០២២

ដោយ

ក្រុមហ៊ុនអាកាសចរណ៍ Qatar ទទួលបានប្រាក់ចំណេញសុទ្ធជាប់កំណត់ត្រារហូតដល់ចំនួន១.៥៤ប៊ីលានដុល្លារអាមេរិកសម្រាប់ឆ្នាំ២០២១-២០២២ បើទោះជាជួបវិបត្តិជំងឺរាតត្បាតកូវីដ-១៩យ៉ាងណាក៏ដោយ។

ក្រុមហ៊ុនអាកាសចរណ៍ដែលមានម្ចាស់ជារដ្ឋបាននិយាយថា ផលចំណេញគឺ២០០%លើប្រាក់ចំណេញប្រចាំឆ្នាំខ្ពស់បំផុតជាប្រវត្តិសាស្ត្ររបស់ខ្លួន។ តួលេខចំណូលគឺខ្ពស់ជាង២%នៃប្រាក់ចំណូលមុនកូវីដ-១៩ ឆ្នាំ២០១៩-២០២០។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រទេសកាតាដែលសំបូរប្រេងស្ថិតក្នុងចំណោមរដ្ឋាភិបាលជាច្រើនដែលបានឧបត្ថម្ភគាំទ្រដល់ក្រុមហ៊ុនដឹកជញ្ជូនជាតិរបស់ពួកគេ បើទោះជាមានការរាតត្បាតជំងឺកូវីដ-១៩ដែលបានធ្វើឲ្យប៉ះពាល់យ៉ាងខ្លាំងដល់ការហោះហើរជាសកល និងវិស័យទេសចរណ៍។

Qatar Airways ដែលជាក្រុមហ៊ុនអាកាសចរណ៍ធំបំផុតលំដាប់ទី២នៅមជ្ឈិមបូព៌ា បន្ទាប់ពី Emirates បានរាយការណ៍កាលពីខែកញ្ញា ឆ្នាំមុនថា ខ្លួនបានខាតបង់សរុប៤.១ប៊ីលានដុល្លារអាមេរិកនៅក្នុងឆ្នាំហិរញ្ញវត្ថុ ២០២០-២០២១។

ក្រុមហ៊ុនបាននិយាយនៅពេលនោះថា ខ្លួនទទួលបានប្រាក់៣ប៊ីលានដុល្លារពីជំនួយរបស់រដ្ឋដើម្បីទប់ទល់នឹងការធ្លាក់ចុះនៃការហោះហើរដោយសារកូវីដ-១៩ និងដើម្បីទូទាត់ការខាតបង់។

នាយកប្រតិបត្តិ លោក Akbar Al Baker បានសរសើរអំពី ភាពរឹងមាំ ភាពធន់ និងការប្តេជ្ញាចិត្តរបស់ Qatar Airways Group កាលពីឆ្នាំមុន។

ក្រុមហ៊ុនបាននិយាយក្នុងសេចក្តីថ្លែងការណ៍មួយថា ៖«ស្ថិតក្នុងដំណាក់កាលដ៏លំបាកបំផុតមិនធ្លាប់មានក្នុងឧស្សាហកម្មអាកាសចរណ៍ ក្រុមហ៊ុនផ្តល់លទ្ធផលវិជ្ជមានចំពោះភាពរហ័សរហួន និងយុទ្ធសាស្ត្រដ៏ជោគជ័យ»៕

ប្រែសម្រួល៖ វីរបុត្រ
ប្រភព៖ AFP

Related Topics:អាកាសចរណ៍