សុនខខាំ គួរធ្វើរឿងទាំង ៧ នេះ ជាបន្ទាន់

ជារៀងរាល់ឆ្នាំ តែងតែមានករណីជំងឺឆ្កែឆ្កួត ឬតេតាណុស ដែលបង្កឡើងដោយសុនខនៅជុំវិញពិភពលោក។ ខណៈសុនខគឺជាមិត្តដ៏ល្អបំផុត សម្រាប់មនុស្សនាពេលបច្ចុប្បន្ន អ្នកចិញ្ចឹមខ្លះ សត្វចូលចិត្តប្រឡែង​លេង​នឹង​វា​ណាស់​ ដែលពេលខ្លះ អាចនឹង​មុត​ក្រចក ឬធ្មេញរបស់វាទៀតផង។

ដូច្នេះប្រសិនបើមានរឿងនេះកើតឡើង អ្នកត្រូវ​ចាត់វិធានការភ្លាមៗ ដើម្បីព្យាបាលមុខរបួស និង​កាត់បន្ថយហានិភ័យនៃការឆ្លងមេរោគ គឺត្រូវការការព្យាបាលប្រកបដោយវិជ្ជាជីវៈ។ ក្រៅពីការព្យាបាល អ្នកគប្បីអនុវត្តវិធីទាំង ៧នេះភ្លាមៗ ជាមុនសិន៖

១. ប្រើសាប៊ូស្រាលៗ មកលាងកន្លែងរបួស និងលាងទឹកក្ដៅឧណ្ហៗ ១០នាទី

២. ឃាត់ឈាមដោយប្រើក្រណាត់រុំ

៣. លាបគ្រីម អង់ទីប្យូទិច ប្រសិនជាមាន

៤. រុំរបួសការពារមេរោគអោយជិត

៥. ថែទាំមុខរបួសរហូតទៅជួបពេទ្យ

៦. ឧស្សាហ៍ផ្លាស់ប្ដូរបង់រុំ ដើម្បីរក្សាអនាម័យបន្ទាប់ពីមកពីពេទ្យវិញ

៧. តាមដានអាការរបួសថាមាន ហើម ឆ្លងមេរោគ ក្រហម ឈឺ ឬ ក្ដៅខ្លួនអត់។

វិធីព្យាបាលរបស់គ្រូពេទ្យមានដូចជា៖ គាត់នឹងសួរអំពីមូលហេតុនៃរបួស ព័ត៌មានសុខភាពឆ្កែនោះ ហើយគាត់នឹងលាងរបួសម្ដងទៀត ដោយលាបជាមួយនឹងគ្រីមអង់ទីប្យូទិចផង បន្ទាប់មកគ្រូពេទ្យនឹងចេញវេជ្ជបញ្ជាថ្នាំដែលយើងត្រូវទិញនៅឱសថស្ថានបើចាំបាច់។ គ្រូពេទ្យណែនាំឲ្យប្រើថ្នាំជម្រុញ ក្នុងករណីរបួសកខ្វក់ខ្លាំង បើអ្នកចាក់វ៉ាក់ស៊ាំងតេតាណុសលើស ៥ឆ្នាំហើយ។

សូមបញ្ជាក់ដែរថា ឆ្កែខាំ ១០ករណី មានមេរោគឆ្លងដល់ទៅពាក់កណ្ដាលឯណោះ ជាពិសេសមេរោគឆ្កែឆ្កួត ដូច្នោះហើយ ទើបគ្រូពេទ្យចង់ដឹងពីសុខភាពឆ្កែដែរ៕

ប្រែសម្រួល៖ វារី

ចុចអាន៖ការទទួលទានអាហារពេលល្ងាច​​ រៀងរាល់ម៉ោង ៧ យប់ ជួយឲ្យរស់បានយូរជាងមុន?