កីឡា

សុខ ធី ប្រាប់គន្លឹះដែលធ្វើឲ្យរូបគេឈ្នះកីឡាករថៃយប់មិញ

បានផុស

២ years មុន

នៅ

ថ្ងៃអង្គារ ២១ មិថុនា ២០២២

ដោយ

អ្នកលេងគុនខ្មែរ សុខ ធី ហៅ កាកា បានប្រកួតឈ្នះកីឡាករថៃ ផេតហ្វូកាស អែតសាន់ប៉ាតង ក្នុងកម្មវិធី U Muay នៅសង្វៀនធំរបស់ប្រទេសថៃគឺ Rajadamnern។

សម្រាប់ការប្រកួតនេះ ២ទឹកដំបូង កីឡាករ ផេតហ្វូកាស បានប្រើរន្ទះជើងឆ្វេងទាត់ផ្ទួនៗលើ សុខ ធី ប៉ុន្តែអ្នកលេងគុនខ្មែររូបនេះបានយកដៃទប់ និងការពារជាប់រហូត។ សម្រាប់ការទាត់ផ្ទួនៗនេះបានធ្វើឲ្យអ្នកគាំទ្រមួយចំនួនមើលឃើញថា សុខ ធី អាចនឹងឈឺដៃ និងមានសង្ឃឹមតិចក្នុងការទទួលបានជ័យជម្នះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទោះបីជាយ៉ាងណា សម្រាប់ការប្រកួតក្នុងទឹកទី៣ និងទី៤ ជាឱកាសរបស់ សុខ ធី ក្នុងការវ៉ៃសម្រុកដើម្បីយកប្រៀប។ កីឡាករកម្ពុជាមានភរិយាថៃរូបនេះបានប្រាប់ថា ៖«ពីរទឹកដំបូង ខ្ញុំមើលថា គេមកក្បាច់អីមុន។ ដល់ពេលខ្ញុំកត់សំគាល់ទៅ ក្បាច់គេមានតែទាត់ឆ្វេង កែងឆ្វេង វ៉ៃឆ្វេង ដល់ពេលចូលទឹក៣ ខ្ញុំដើរចូលជាប់ខ្លួន វ៉ៃកណ្តាប់ដៃ ទាត់ និងកែង ហើយខ្ញុំរឹងជាងគេ។ ខ្ញុំត្រូវអត់អស់ គេត្រូវ គេអស់»។

ជាការពិត កីឡាករ ផេតហ្វូកាស ទន់ជ្រាយនៅក្នុងទឹកទី៣ និងទី៤ដែលត្រូវបាន សុខ ធី ទាត់ និងកាច់ឲ្យដួលដែលជាចំណុចប្រៀបមួយដែរ។ ដូច្នេះចៅក្រមបានកាត់សេចក្តីឲ្យរូបអ្នកលេងគុនខ្មែរទទួលបានជ័យជម្នះដោយពិន្ទុ។

ជាមួយគ្នានេះ អ្នកលេងគុនខ្មែរ សែន រ៉ាដេត ត្រូវបានចៅក្រមកាត់សេចក្តីឲ្យចាញ់កីឡាករថៃដោយពិន្ទុ បន្ទាប់ពីតស៊ូគ្នា៥ទឹកពេញ។ គូនេះក៏មើលទៅគ្មាននរណាមានប្រៀបទេ៕