ព័ត៌មានជាតិ

អគ្គលេខាធិការនៃអង្គការពិភពឥស្លាមថា នៅកម្ពុជាមានសុខដុមនីយកម្ម ផ្នែកជាតិ សាសន៍ និងសាសនា

បានផុស

២ years មុន

នៅ

ថ្ងៃអង្គារ ២១ មិថុនា ២០២២

ដោយ

លោក Dr. Mohammad Bin Abdul Karim Alssa អគ្គលេខាធិការនៃអង្គការពិភពឥស្លាម លើកឡើងបែបនេះ ខណៈលោកចូលជួបសម្ដែងការគួរសម និងពិភាក្សាការងារ ជាមួយលោកឧបនាយករដ្ឋមន្ត្រី ប្រាក់ សុខុន រដ្ឋមន្ត្រីការបរទេស និងសហប្រតិបត្តិការអន្តរជាតិកម្ពុជា នារសៀលថ្ងៃអង្គារ ទី២១ ខែមិថុនា ឆ្នាំ២០២២។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មានប្រសាសន៍នៅក្នុងជំនួបពិភាក្សានោះលោកឧបនាយករដ្ឋមន្ត្រី ប្រាក់ សុខុន បានប្រកាសស្វាគមន៍ដំណើរទស្សនកិច្ចរបស់លោក H.E. Dr. Mohammad Bin Abdul Karim Alssa អគ្គលេខាធិការនៃអង្គការពិភពឥស្លាម មកកាន់ប្រទេសកម្ពុជា ។

ចំណែកលោក Dr. Mohammad Bin Abdul Karim Alssa បានថ្លែងថា លោកសប្បាយរីករាយ ដែលឃើញការរីកចម្រើននៅប្រទេសកម្ពុជា ហើយលោកក៏បានមើលឃើញដែរថា នៅកម្ពុជាមានសុខដុមនីយកម្ម ជាតិ សាសន៍ និងសាសនា ហើយការមើលឃើញនេះ គឺលោកបានមើលឃើញតាំងតែពីមុនដំណើរទស្សនកិច្ចរបស់លោកមកកាន់ប្រទេសកម្ពុជាម្ល៉េះ។

ជាក់ស្តែងនៅក្នុងជំនួបសម្ដែងការគួរសមជាមួយសម្ដេចតេជោ ហ៊ុន សែន គឺសម្ដេចពិតជាបានផ្ដល់នូវឱកាសដ៏ល្អ ដើម្បីស្វែងយល់ពីសុខដុមនីយកម្ម ជាតិ សាសន៍ និងសាសនា នៅប្រទេសកម្ពុជា ហើយសម្តេចក៏បង្ហាញនូវមិត្តភាព សាមគ្គីភាព និងកិច្ចសហប្រតិបត្តិការ ក្នុងនាមជាមនុស្សសុជាតិដូចគ្នាផងដែរ។