ព័ត៌មានជាតិ

កំណាត់ផ្លូវលេខ២៨៣ ដែលទទួលរងការខូចខាតត្រូវបានធ្វើការជួសជុលឡើងវិញរួចរាល់ហើយ

បានផុស

៣ years មុន

នៅ

ថ្ងៃចន្ទ ២៧ មិថុនា ២០២២

ដោយ

ភ្នំពេញ ៖ កំណាត់ផ្លូវលេខ ២៨៣ ដែលទទួលរងការខូចខាតត្រូវបានធ្វើការជួសជុលឡើងវិញរួចរាល់ហើយ នៅថ្ងៃទី ២៦ ខែមិថុនា ឆ្នាំ ២០២២ នេះ ក្រោយពី លោក ជា ពិសី អភិបាលខណ្ឌ ទួលគោកចុះ ពិនិត្យ និង រកដំណោះស្រាយ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មន្ត្រីរដ្ឋបាលខណ្ឌទួលគោកបានឲ្យដឹងថា អាជ្ញាធរ ខណ្ឌទួលគោក ដោយមាន កិច្ចសហការ ពី មន្ទីរ សាធារណការនិងដឹកជញ្ជូន រាជធានី ភ្នំពេញ នៅថ្ងៃទី ២៦ ខែមិថុនា ឆ្នាំ ២០២២ នេះបានធ្វើការជួសជុល ជង្ហុក សំបុកមាន់ នៅផ្លូវលេខ២៨៣រួចរាល់ហើយ ដើម្បីបញ្ចៀសគ្រោះថ្នាក់ ក្នុងការ ធ្វើដំណើរ របស់ បងប្អូនប្រជាពលរដ្ឋ។

គួររំលឹកថា កាលពីថ្ងៃទី ២៤ ខែមិថុនា ឆ្នាំ ២០២២ កន្លងមកនេះ លោក ជា ពិសី អភិបាលខណ្ឌ ទួលគោក បានដឹកនាំការិយាល័យ សាធារណការ ខណ្ឌ និង កម្លាំង សណ្ដាប់ធ្នាប់ សហការ ជាមួយ មន្ទីរ សាធារណការ និង ដឹកជញ្ជូន រាជធានី ភ្នំពេញ ចុះ បាញ់ លាង សម្អាត ផ្លូវ ២៨៣ ព្រមទាំង បាន ចុះពិនិត្យជាក់ស្តែង ដើម្បីជួសជុល ជង្ហុក សំបុកមាន់ តាម បណ្ដោយផ្លូវនេះ រហូតមកដល់ថ្ងៃ២៦ មិថុនា ឆ្នាំ ២០២២ នេះ ការជួសជុលបានរួចរាល់ហើយដើម្បី បញ្ចៀស គ្រោះថ្នាក់ ជាយថាហេតុ ក្នុង ការធ្វើដំណើររបស់បងប្អូនប្រជាពលរដ្ឋ៕

ដោយ ៖ ស្រីរ័ត្ន