ព័ត៌មានអន្ដរជាតិ

លោក Xi Jinping ប្រកាសជោគជ័យគោលការណ៍ “ប្រទេសមួយ ប្រព័ន្ធពីរ” ក្នុងខួប ២៥ ឆ្នាំរបស់ហុងកុង

បានផុស

៣ years មុន

នៅ

ថ្ងៃសៅរ៍ ២ កក្កដា ២០២២

ដោយ

ប្រធានាធិបតីចិនលោក Xi Jinping បាននិយាយនៅក្នុងពិធីសម្ពោធសម្រាប់នាយកប្រតិបត្តិថ្មីរបស់ហុងកុងលោក John Lee Ka-chiu កាលពីថ្ងៃសុក្រថា “តាមរយៈការអនុម័តច្បាប់សន្តិសុខជាតិ និងការកែសម្រួលប្រព័ន្ធបោះឆ្នោត យើងអាចសម្រេចបាននូវគោលនយោបាយ “ប្រទេសមួយ ប្រព័ន្ធពីរ” យ៉ាងជោគជ័យ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Xi បាននិយាយថា “ខ្ញុំចង់ឲ្យជនរួមជាតិរបស់ខ្ញុំនៅក្នុងទីក្រុងហុងកុងសង្កត់ធ្ងន់លើតម្លៃសំខាន់ៗដែលសមស្របនឹងគោលការណ៍ “ប្រទេសមួយ ប្រព័ន្ធពីរ” ដែលផ្តោតលើស្នេហាជាតិ ។

លោក Xi បានមកដល់ហុងកុងកាលពីថ្ងៃព្រហស្បតិ៍ ហើយវាជាដំណើរទស្សនកិច្ចលើកដំបូងរបស់លោកនៅទីនោះ ចាប់តាំងពីទីក្រុងប៉េកាំងបានរឹតបន្តឹងការកាន់កាប់ទីក្រុងមួយនេះ ។

អតីតអាណានិគមអង់គ្លេសនៃទីក្រុងហុងកុងកំពុងប្រារព្ធខួប ២៥ ឆ្នាំ ចាប់តាំងពីការវិលត្រឡប់មកការគ្រប់គ្រងរបស់ចិន ខណៈប្រធានាធិបតីចិនក៏បានធ្វើដំណើរទស្សនកិច្ចលើកដំបូងផងដែរ ចាប់តាំងពីឆ្នាំ ២០១៧ ។

ខួបនៃការប្រគល់នេះជារឿយៗក៏មានការតវ៉ាទ្រង់ទ្រាយធំពីអ្នកដែលទាមទារឲ្យមានលទ្ធិប្រជាធិបតេយ្យផងដែរ ប៉ុន្តែលើកនេះ ប៉ូលិសព្រមានប្រឆាំងនឹងអំពើហិង្សា ឬភាពអសន្តិសុខសាធារណៈ ខណៈមន្ត្រីជាង ៣០,០០០ នាក់បានធានាសន្តិសុខនៅក្នុងព្រឹត្តិការណ៍នេះ ៕