ព័ត៌មានជាតិ
រដ្ឋមន្ត្រីសុខាភិបាល ជំរុញឱ្យពង្រឹងគុណតម្លៃ និងក្រមសីលធម៌វិជ្ជាជីវៈគ្រូពេទ្យបន្ថែម ដើម្បីរក្សានូវកិតិ្តនាមជាកងទ័ពអាវស
លោកសាស្ត្រាចារ្យ ម៉ម ប៊ុនហេង រដ្ឋមន្រី្តក្រសួងសុខាភិបាលបានជំរុញឱ្យសមាគមអ្នកផ្តល់សេវាសុខាភិបាលឯកជននៅកម្ពុជាចូលរួមពង្រឹង និងលើកកម្ពស់គុណតម្លៃនិងក្រមសីលធម៌វិជ្ជាជីវៈរបស់គ្រូពេទ្យបន្ថែមទៀតដើម្បីរក្សាឲ្យបាននូវកិតិ្តនាមជាកងទ័ពអាវស ដែលមានចិត្តស្មោះសរជួយសង្គ្រោះអាយុជីវិតប្រជាពលរដ្ឋ គ្រប់ពេលវេលា និងគ្រប់ទីកន្លែង។
ការជំរុញរបស់លោករដ្ឋមន្ត្រីនេះ បានធ្វើឡើងកាលពីថ្ងៃទី ២ កក្កដា ក្នុងឱកាសបើកសន្និបាតបូកសរុបលទ្ធផលការងារឆ្នាំ ២០២១ និងលើកទិសដៅការងារបន្តឆ្នាំ ២០២២ របស់សមាគមអ្នកផ្តល់សេវាសុខាភិបាលឯកជន នៅកម្ពុជា ហៅកាត់«ស.ស.ឯ.ក» ។
លោករដ្ឋមន្ត្រីបានស្នើសមាគមត្រូវបន្តពង្រឹងកាតព្វកិច្ចដឹកនាំ សម្របសម្រួល តម្រង់ទិស និងពង្រឹងការអនុវត្តការផ្តល់សេវាសុខាភិបាលឯកជនប្រកបដោយគុណភាព ប្រសិទ្ធភាព និងសុវតិ្ថភាព។
លោករដ្ឋមន្រី្ត បានមានប្រសាសន៍ថា ក្រៅពីការផ្តល់សេវាប្រកបដោយគុណភាព ប្រសិទ្ធភាព និងសុវតិ្ថភាពហើយនោះ ក៏ត្រូវខិតខំបន្ថែមទៀត ក្នុងការផ្សព្វផ្សាយ និងអនុវត្តគោលនយោបាយ សារាចរណែនាំនានារបស់ក្រសួងសុខាភិបាល សំដៅធ្វើយ៉ាងណាពង្រឹងគុណតម្លៃ ក្រមសីលធម៌វិជ្ជាជីវៈ រក្សាឲ្យបាននូវកិតិ្តនាមជាកងទ័ពអាវស ដែលមានចិត្តស្មោះសរជួយសង្គ្រោះអាយុជីវិតប្រជាពលរដ្ឋ គ្រប់ពេលវេលា និងគ្រប់ទីកន្លែង។ ត្រូវចែករំលែកចំណេះដឹងទៅវិញទៅមក ដោយមានការបណ្តុះបណ្តាលបន្តផ្នែកបច្ចេកទេសថ្មីៗបន្ថែមទៀត សំដៅបង្កើនចំណេះដឹងគ្រូពេទ្យប្រកបដោយសមត្ថភាពខ្ពស់ និងត្រូវចូលរួមក្នុងគណៈវិជ្ជាជីវៈ ដែលជាកាតព្វកិច្ចមិនអាចខ្វះបាន។
លោករដ្ឋមន្ត្រីបានបន្តថា រាជរដ្ឋាភិបាលជានិច្ចកាលបានយកចិត្តទុកដាក់យ៉ាងខ្លាំងអំពីសុខភាពរបស់ប្រជាពលរដ្ឋយើង ជាពិសេសការលើកកម្ពស់គុណភាពការផ្តល់សេវាសុខាភិបាលទាំងសាធារណៈ និងឯកជន ដែលជាដៃគូជួយបំពេញបន្ថែមក្នុងការផ្តល់សេវាពិនិត្យ ព្យាបាលជំងឺជូនប្រជាពលរដ្ឋកម្ពុជាយើងឲ្យកាន់តែប្រសើរឡើងប្រកបដោយគុណភាព ប្រសិទ្ធភាព និងប្រសិទ្ធផល។
លោក ង៉ូវ កាង រដ្ឋលេខាធិការក្រសួងសុខាភិបាល និងជាប្រធានសមាគមអ្នកផ្តល់សេវាសុខាភិបាលឯកជននៅកម្ពុជា បានប្តេជ្ញាចិត្តបន្ត អនុវត្តការងារក្នុងវិជ្ជាជីវៈសុខាភិបាល ប្រកបដោយកាយវិការមនុស្សធម៌ និងការទទួលខុសត្រូវខ្ពស់ ដើម្បីបម្រើប្រជាពលរដ្ឋកម្ពុជា ។
លោក ប្រធានសមាគម ក៏បានធ្វើការប្តេជ្ញាចិត្ត និងដាក់ចេញផែនការមួយចំនួនដូចជាបន្តអនុវត្តតាមការណែនាំរបស់ក្រសួងសុខាភិបាល និងចូលរួមធ្វើការផ្សព្វផ្សាយច្បាប់ គោលការណែនាំ គោលនយោបាយ ប្រកាស ឬសារាចរណែនាំ ជូនដល់សមាជិក សមាជិកា សមាគម ដើម្បីអនុវត្ត និងជំរុញបន្ថែមដល់សមាជិក សមាគមត្រូវចុះឈ្មោះ ក្នុងគណៈវិជ្ជាជីវៈឲ្យបានត្រឹមត្រូវ និងទៀងទាត់ ព្រមទាំងបន្តពង្រីកកិច្ចសហប្រតិបតិ្តការជាមួយសមាគមអ្នកសារព័ត៌មាន សមាគមអ្នកច្បាប់ និងស្ថាប័នពាក់ព័ន្ធផ្សេងៗទៀត និងពង្រីក សមាជិកបន្ថែមនៅតាមបណ្តាខេត្ត ដើម្បីពង្រឹងយន្តការសកម្មភាពការងារសមាគមផងដែរ៕
អត្ថបទ៖ សំអឿន
មុននេះបន្តិច អគ្គិភ័យឆាបឆេះផ្ទះពលរដ្ឋ ចំណុចទល់មុខវិហារឥស្លាមគីឡូម៉ែត្រលេខ ០៩
ពលរដ្ឋជិះរថយន្តក្រុងមិនគិតថ្លៃ ឱកាសបុណ្យជាតិធំៗ កើនឡើងពី ១០ ទៅ ១៥ ភាគរយ ក្នុងមួយឆ្នាំ
ក្រុមហ៊ុន វឌ្ឍនៈ ប្រ៊ូវើរី បន្តវត្តមានជូនដំណើរបងប្អូនទៅស្រុកកំណើត និងចែកជូនភេសជ្ជៈកីឡាបំពេញជាតិទឹក វី អាកទីវ ដោយឥតគិតថ្លៃ
ប្រជាជនកម្ពុជាហៅបឹងទន្លេសាប ជាកូនសមុទ្រទឹកសាប ខណៈជាបឹងទឹកសាបធំបំផុតនៅអាស៊ីអាគ្នេយ៍
Selena ក្លាយជាមហាសេដ្ឋី ខណៈ Justin កំពុងផ្ទុះច្រូងចម្រាសនឹងបុគ្គលបទល្មើសផ្លូវភេទ
រថយន្តដឹកទំនិញពាក់ស្លាកលេខ ខេមរៈភូមិន្ទបើកកិនគម្របលូបាក់ ខណៈដឹកទំនិញចេញពីឃ្លាំង
វៀតណាមខូចខាត៣,៣ពាន់លានដុល្លារក្នុងព្យុះទីហ្វុងយ៉ាក់ជី (Yagi)
ប្រជាជនកម្ពុជាហៅបឹងទន្លេសាប ជាកូនសមុទ្រទឹកសាប ខណៈជាបឹងទឹកសាបធំបំផុតនៅអាស៊ីអាគ្នេយ៍
រមណីយដ្ឋានឆ្មាបាត់នៅកោះកុង ត្រៀមខ្លួនរួចស្រេច ទទួលភ្ញៀវទេសចរនៅថ្ងៃបុណ្យភ្ជុំបិណ្ឌ
ក្រុមហ៊ុន វឌ្ឍនៈ ប្រ៊ូវើរី បន្តវត្តមានជូនដំណើរបងប្អូនទៅស្រុកកំណើត និងចែកជូនភេសជ្ជៈកីឡាបំពេញជាតិទឹក វី អាកទីវ ដោយឥតគិតថ្លៃ
-
ព័ត៌មានអន្ដរជាតិ៥ ថ្ងៃ agoព្យុះខ្លាំង ៥ទៀត នឹងវាយប្រហារ វៀតណាម មុនដាច់ឆ្នាំ
-
ជីវិតកម្សាន្ដ៣ ថ្ងៃ agoលោកឧកញ៉ា លាង ពៅ ថា Ishowspeed ធ្វើការគ្មានទំនួលខុសត្រូវ ក្នុងថ្ងៃ Gumball 3000 (មានវីដេអូ)
-
ព័ត៌មានជាតិ៣ ថ្ងៃ agoស្ថានភាពកម្ពស់ទឹកទន្លេមេគង្គខេត្តក្រចេះព្រឹកនេះ
-
ព័ត៌មានអន្ដរជាតិ៦ ថ្ងៃ agoភ្លៀងធ្លាក់ខ្លាំងមិនធ្លាប់មានក្នុងមួយសតវត្សរ៍នៅកូរ៉េខាងត្បូង ប្រែក្លាយទីក្រុងទៅជាទន្លេ
-
ចរាចរណ៍២២ ម៉ោង agoរថយន្តដឹកទំនិញពាក់ស្លាកលេខ ខេមរៈភូមិន្ទបើកកិនគម្របលូបាក់ ខណៈដឹកទំនិញចេញពីឃ្លាំង
-
ជីវិតកម្សាន្ដ៤ ថ្ងៃ agoលោក លៀក លីដា បង្ហាញការខកចិត្តចំពោះការរិះគន់របស់ Allan
-
ជីវិតកម្សាន្ដ៤ ថ្ងៃ agoAllan អះអាងថា ខ្លួនហ៊ានទទួលយកការវិនិយោគ និងប្រើថវិកាត្រឹម ៨មុឺនដុល្លារប៉ុណ្ណោះ ដើម្បីផលិតកុនគុណភាព
-
ព័ត៌មានអន្ដរជាតិ៥ ថ្ងៃ agoភាគកណ្តាលវៀតណាម ជម្លៀសពលរដ្ឋជាង ៦ ០០០នាក់ ដោយសារទឹកជំនន់ធ្ងន់ធ្ងរ