នយោបាយ
កោះហៅ សុន ឆ័យ ជាថ្មី ឲ្យចូលឆ្លើយបំភ្លឺបណ្តឹងគណបក្សប្រជាជន និង គ.ជ.ប នៅថ្ងៃទី១២ និង១៥ កក្កដា ខាងមុខ
លោក សុន ឆ័យ អនុប្រធានគណបក្សភ្លើងទៀនបានមកដល់ភ្នំពេញហើយកាលពីម្សិលមិញ ហើយលោកក៏ត្រៀមខ្លួន ដើម្បីចូលបំភ្លឺលើបណ្តឹងគណបក្សប្រជាជនកម្ពុជា និងបណ្តឹងរបស់គណៈកម្មាធិការជាតិរៀបចំការបោះឆ្នោត (គ.ជ.ប) នាពេលខាងមុខ នេះបើតាមការបញ្ជាក់របស់លោក ជូង ជូងី ដែលជាមេធាវីការពារក្តីឲ្យលោក សុន ឆ័យ នាល្ងាចថ្ងៃទី០៤ ខែកក្កដា ឆ្នាំ២០២២ នេះ។
លោក សុន ឆ័យ បានចាកចេញពីប្រទេសកម្ពុជា ទៅកាន់អូស្ត្រាលី កាលពីថ្ងៃទី១១ ខែមិថុនា ឆ្នាំ២០២២ ក្រោយពីលោកដឹងខ្លួនថា នឹងមានការប្តឹងរូបលោកទៅតុលាការ។ លោក ជូង ជូងី បញ្ជាក់យ៉ាងនេះថា “បណ្តឹងរបស់ គ.ជ.ប តំណាងអយ្យការអមសាដំបូងរាជធានីភ្នំពេញកោះហៅគាត់ សុន ឆ័យ ឲ្យចូលបំភ្លឺនៅថ្ងៃទី១២ ខែកក្កដា វេលម៉ោង៩ព្រឹក និងបណ្តឹងរបស់លោក គី តិច ទទួលសិទ្ធិតំណាងពីសម្តេច សាយ ឈុំ គណបក្សប្រជាជន កោះហៅគាត់ចូលឆ្លើយបំភ្លឺនៅថ្ងៃទី១៥ ខែកក្កដា វេលាម៉ោង៩ព្រឹក”។
បើតាមលោក ជូង ជូងី លោក សុន ឆ័យ បានមកដល់ភ្នំពេញវិញហើយ កាលពីថ្ងៃទី០៣ ខែកក្កដា ម្សិលមិញ ហើយលោក សុន ឆ័យ ត្រៀមខ្លួនរួចហើយ ដើម្បីចូលឆ្លើយបំភ្លឺការពារសិទ្ធិរបស់គាត់តាមផ្លូវច្បាប់។
គួររលឹកថា លោក សុន ឆ័យ ដែលមានតួនាទីជាអនុប្រធានគណបក្សភ្លើងទៀន កំពុងទទួលរងបណ្តឹងចំនួន២ គឺទី១, បណ្តឹងពាក់ព័ន្ធការចោទ និងការបំភ្លៃព័ត៌មានជុំវិញដំណើរការបោះឆ្នោតជ្រើសរើសក្រុមប្រឹក្សាឃុំ សង្កាត់ អាណត្តិទី៥ ដែលត្រូវបានចាត់ទុកជាអំពើទុច្ចរិត, បំភ្លៃខុសពីការពិត, ការផ្តល់ព័ត៌មានក្លែងក្លែង ក្នុងចេតនាទម្លាក់កំហុសដោយអសុទ្ធចិត្ត និងមួលបង្កាច់នាំឱ្យប៉ះពាល់យ៉ាងធ្ងន់ធ្ងរធ្ងរ ដល់កិត្តិយសរបស់គណបក្សប្រជាជនកម្ពុជា ហើយបណ្តឹងនេះ មេធាវីបានទាមទារសំណងជំងឺចិត្តចំនួន៤.០០០លានរៀល ឬប្រហែល១លានដុល្លារអាមេរិក។
ទី២, បណ្តឹងពីបទ បរិហារកេរ្តិ៍ជាសាធារណៈ របស់ស្ថាប័នគ.ជ.ប ដែលបណ្តឹងនេះ បានស្នើឲ្យតុលាការផ្តន្ទាទោសលោក សុន ឆ័យ តាមមាត្រា៣០៥ នៃក្រមព្រហ្មទណ្ឌ និងស្នើឲ្យលោក សុន ឆ័យ ធ្វើលិខិតសុំទោសជាសាធារណៈ។
តំណាងអយ្យការអមសាដំបូងរាជធានីភ្នំពេញ ធ្លាប់បានកោះហៅលោក សុន ឆ័យ ឲ្យចូលបំភ្លឺម្តងរួចហើយកាលពីថ្ងៃទី៣០ ខែមិថុនា ឆ្នាំ២០២២ ប៉ុន្តែដោយសារលោក សុន ឆ័យ មិនមានវត្តមាននៅប្រទេសកម្ពុជា មេធាវីការពារក្តីក៏បានស្នើសុំពន្យារពេលចូលបំភ្លឺនេះ៕
ដោយ ៖ កោះកែវ


-
សន្តិសុខសង្គម៤ ថ្ងៃ ago
ភ្លៀងមួយមេធំ លាយឡំនឹងខ្យល់កន្ត្រាក់ បណ្ដាលឱ្យរលំដើមឈើសង្កត់លើរថយន្តមួយគ្រឿង
-
ជីវិតកម្សាន្ដ៥ ថ្ងៃ ago
តារាប្រុសល្បីឈ្មោះក្នុងវិស័យថតស្ពតពាណិជ្ជកម្ម ប៉ែន ចាន់សិទ្ធ ទទួលមរណភាពដោយរាគាពាធ
-
ជីវិតកម្សាន្ដ៤ ថ្ងៃ ago
Model ដែលរងសម្តីមិនសមរម្យពី MC កីឡាម្នាក់ ចេញមកតបថា ការសុំទោសនោះមិនពេញលេញ
-
សន្តិសុខសង្គម១ សប្តាហ៍ ago
Update៖ អគ្គិភ័យឆេះនៅជិតស្ពានជ្រោយចង្វារ មានទារកពីរនាក់បាត់បង់ជីវិត
-
ព័ត៌មានអន្ដរជាតិ២ ថ្ងៃ ago
យន្តហោះចម្បាំងកូរ៉េខាងត្បូង ច្រឡំដៃទម្លាក់គ្រាប់បែក៨គ្រាប់ លើទីតាំងពលរដ្ឋរស់នៅ
-
ព័ត៌មានអន្ដរជាតិ៣ ថ្ងៃ ago
ឈ្លោះគ្នាពេញសភាស៊ែប៊ី មានទាំងគប់គ្រាប់បែកផ្សែង ធ្វើឲ្យសមាជិកសភាម្នាក់ដាច់សរសៃឈាមខួរក្បាល
-
សន្តិសុខសង្គម១ សប្តាហ៍ ago
Update ៖ ដឹងមូលហេតុ ដែលអគ្គិភ័យឆាបឆេះបណ្ដាលឱ្យក្មេងប្រុសស្រី២នាក់ស្លាប់
-
ព័ត៌មានអន្ដរជាតិ២ ថ្ងៃ ago
អាល្លឺម៉ង់ ប្រកាសថា សព្វាវុធដែលខ្លួនបម្រុងទុកសម្រាប់ជួយអ៊ុយក្រែន គឺយកចេញអស់ពីឃ្លាំងហើយ