កីឡា

ពានសម្តេចតេជោ រកឃើញ៣ក្រុមឡើងវគ្គថ្នាក់ជាតិហើយ

បានផុស

៣ years មុន

នៅ

ថ្ងៃពុធ ៦ កក្កដា ២០២២

ដោយ

ការប្រកួតវគ្គជម្រុះថ្នាក់ជាតិ ពានរង្វាន់បាល់ទាត់សម្តេចអគ្គមហាសេនាបតីតេជោ ហ៊ុន សែន លើកទី១៦ ឆ្នាំ២០២២ រកឃើញក្រុម៣កក់កៅអីវគ្គថ្នាក់ជាតិហើយ បន្ទាប់ពីបានប្រកួតជើងទី ២ចំនួន៣គូបានបញ្ចប់នាល្ងាច ថ្ងៃពុធទី ០៦ ខែកក្កដា ឆ្នាំ ២០២២ នេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្លិបព្រៃវែងអេហ្វស៊ី បានកក់កៅអីឡើងទៅវគ្គថ្នាក់ជាតិ បន្ទាប់ពីការប្រកួតជើងទី២បានយកឈ្នះក្រុមកំពត អេហ្វស៊ី ដោយលទ្ធផល ចាស់ដៃ ៩-១ នៅកីឡដ្ឋានខេត្តព្រៃវែង។ កាលពីជើងទី ១ ព្រៃវែង បានយកឈ្នះ ខេត្តកំពត ៥-២។

ជាមួយគ្នានេះ ម្ចាស់ផ្ទះ កោះកុង អេហ្វស៊ី ក៏បានកៅអីឡើងវគ្គថ្នាក់ជាតិដែរ បន្ទាប់ពីជើងទី២បានយកឈ្នះក្លិបបាល់ទាត់ឬទ្ធីសែន ដោយលទ្ធផល ៦-៣។ កាលពីជើងទី ១ កោះកុង ឈ្នះ ឬទ្ធីសែន ៣-២។

ក្រុមដែលមានមូលដ្ឋាននៅរាជធានីភ្នំពេញ អាយអេសអាយ ដង្កោសែនជ័យ ក៏បានឡើងទៅវគ្គថ្នាក់ជាតិដែរ បន្ទាប់ពីយកឈ្នះ ក្រុមខេត្តឧត្តរមានជ័យ ដោយលទ្ធផល ៦-០ នៅកីឡដ្ឋានស្មាតអរអេសអិន។ កាលពីជើងទី ១ អាយអេសអាយ ដង្កោសែនជ័យ បានយកឈ្នះ ក្រុមខេត្តឧត្តរមានជ័យ ៣-១៕