ជីវិតកម្សាន្ដ

កុសមៈ លីនដា រងសម្ពាធផ្លូវចិត្តប្រកាសផ្តាច់ម នោសញ្ចេតនារវាងឪពុក-កូន

បានផុស

២ years មុន

នៅ

ថ្ងៃពុធ ១៣ កក្កដា ២០២២

ដោយ

តារាសម្តែងស្រី កុសមៈ លីនដា បង្កការចាប់អារម្មណ៍និងភ្ញាក់ផ្អើលដល់អ្នកគាំទ្រខណ:ដែល តារាស្រីរូបនេះប្រកាសផ្តាច់មនោសញ្ចេតនារវាងឪពុកនិងកូន ក្រោយរងនូវសម្ពាធពីឪពុករហូតឈានដល់ការប្តឹងផ្តល់ឡើងតុលាការ។

រឿងរ៉ាវបានកើតឡើង ទើបតារាស្រីវ័យក្មេង កុសមៈ លីនដា ដាច់ចិត្តទម្លាយជាសាធារណៈនៅលើបណ្តាញសង្គមហ្វេសប៊ុកយ៉ាងភ្ញាក់ផ្អើល។ រឿងនេះត្រូវបាន កុសមៈ លីនដា ប្រកាសដោយសារតែខ្លួនហួសចិត្តខ្លាំងចំពោះទង្វើររបស់ឪពុកដែលកើតឡើងដដែលៗមកលើនាងជាកូនស្រីបង្កើត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ស្រីស្អាត កុសមៈ លីនដា បានបង្ហោះសារនៅលើគណនីហ្វេសប៊ុករបស់ខ្លួនកាលពីម្សិលមិញថា “ខ្ញុំជាកូនទោលដែលដូនតាពីមុនទទួលស្គាល់ផ្តល់ដុំឈាមឱ្យខ្ញុំហើយគ្មានការមើលថែចិញ្ចឹមតាំងពីកើត។ ខ្ញុំក៏មិនដែលមាត់ជាង ២០ ឆ្នាំគួរណា៎ តែមានចិត្តគិតបន្តិចនេះមកប្រើអំណាចយសស័ក្ក មុខមាត់ បើកដៃឲ្យជនក្រោយដែលអាយុបងខ្ញុំ ៣-៤ឆ្នាំ មកបំពានគ្រួសារខ្ញុំទៀត អស្ចារ្យណាស់ទឹកចិត្តជាឪពុក”។

តារាស្រី កុសមៈ លីលីនដា និយាយទៀតថា “ដើរធ្វើបុណ្យណាស់ជាមួយអ្នកដទៃ តែខ្ញុំគ្មានសមត្ថភាពប្រើលុយចង់ឈ្នះដល់ថ្នាក់ឡើងដល់តុលាការគ្រប់រឿង តែរឿងនេះខ្ញុំរីករាយសហការកំដរដល់ចប់”។

កុសមៈ លីនដា បញ្ជាក់បន្ថែមថា បើចង់អោយនាងទប់រឿងនេះលែងបាន នាងនឹងបើកចំហររឿងឲ្យមនុស្សទូទាំងប្រទេសដឹងពីទឹកចិត្ត និងអំពើដែលលោក (ឪពុក) ធ្វើចំពោះឈាមខ្លួនឯងបែបណាខ្លះ រឿងនឹងបញ្ចប់ដោយការកាត់លែងជាឪពុកកូនតទៀត៕

អត្ថបទ៖ ចាន់រ៉ា

Related Topics:តារាសម្ដែងខ្មែរ