Yaya ឈ្នះពានរង្វាន់ពីមហោស្រពភាពយន្ត ទីក្រុង ញូយ៉ក

បន្ទាប់ពីខ្សែភាពយន្តខ្នាតធំ “Fast And Feel Love”​ មានឱកាសបង្ហាញវត្តមាននៅឯមហោស្រពភាពយន្តទីក្រុង ញូយ៉ក កាលពីពេលថ្មីៗនេះ តារាសម្ដែងប្រចាំប៉ុស្តិ៍លេខ៣ ថៃ Yaya បានឈ្នះពានរង្វាន់មួយពីកម្មវិធី ធ្វើឱ្យកក្រើកឆាកអន្តរជាតិតែម្ដង។

ខ្សែភាពយន្ត “Fast And Feel Love” ជាខ្សែភាពយន្តខ្នាតធំរបស់ Yaya ដែលកំពុងចាក់បញ្ចាំងនៅឯមហោស្រពភាពយន្ត New York Asian Film Festival នៅសហរដ្ឋអាមេរិក។ ខណៈដែលភាពយន្តនេះ មិនទាន់បញ្ចាំងចប់ស្រួលបួលផង Yaya ដែលជាតួឯកស្រីទទួលបានប្រជាប្រិយខ្លាំងក្លា រហូតធ្វើឱ្យនាងក្ដោបបានពានរង្វាន់ NYAFF 2022 Screen International Rising Star Asia Award ពីកម្មវិធីទៀតផង។

បើក្រឡេកទៅលើគណនី IG របស់តារាស្រីរូបនេះវិញ នាងបានសសរសេររៀបរាប់ពីក្ដីរំភើបរបស់ខ្លួនដែលមានកិត្តិយសទទួលពានរង្វាន់មួយនេះ ហើយនាងក៏បានបង្ហោះសារអរគុណដល់ផលិតករ ព្រមទាំងមិត្តរួមការងារក្នុងរឿង “Fast And Feel Love” ទាំងអស់ផងដែរ៕

ប្រែសម្រួល៖ សន្យា

ចុចអាន៖ មួយឈុតនេះ Baifern ត្រូវអ្នកគាំទ្រសរសើរចំៗថា ស្អាតខ្លាំងពេកហើយ