សេដ្ឋកិច្ច

តម្លៃប្រេងពិភពលោក ងើបឡើងវិញ ខណៈលុយដុល្លារចុះថោក

បានផុស

៣ years មុន

នៅ

ថ្ងៃអង្គារ ១៩ កក្កដា ២០២២

ដោយ

តម្លៃប្រេងពិភពលោកបានងើបថ្លៃឡើងវិញកាលពីថ្ងៃចន្ទ ស្របពេលដែលលុយដុល្លារចុះថោក ដោយសារតែអ្នកវិនិយោគកំពុងថ្លឹងថ្លែងលើការផ្គត់ផ្គង់ដ៏តឹងរ៉ឹង ក៏ដូចជាផលប៉ះពាល់លើតម្រូវការប្រេងឥន្ធនៈពីជំងឺរាតត្បាតកូវីដ ១៩ បន្ទាប់ពីប្រទេសចិនដាក់ការរឹតត្បិតមួយចំនួនឡើងវិញ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តម្លៃប្រេងឆៅអន្តរជាតិម៉ាក Brent ត្រូវបានជួញដូរក្នុងតម្លៃ ១០២.៦៨ ដុល្លារក្នុងមួយបារ៉ែល ពោលកើនឡើង ១.៥០ ភាគរយ បន្ទាប់ពីដាក់លក់តម្លៃ ១០១.១៦ ដុល្លារក្នុងមួយបារ៉ែលកាលពីប៉ុន្មានថ្ងៃមុន ។

ចំណែកក្រុមហ៊ុនប្រេងអាមរិក West Texas Intermediate (WTI) ក្នុងពេលដំណាលគ្នានេះកំពុងដាក់លក់តម្លៃ ៩៥.៨៨ ដុល្លារក្នុងមួយបារ៉ែល ដោយកើនឡើង ១.៣៨ ភាគរយ បន្ទាប់ពីដាក់លក់នៅតម្លៃ ៩៤.៥៧ ដុល្លារក្នុងមួយបារ៉ែលកាលពីប៉ុន្មានថ្ងៃមុន ។

ស្របពេលជាមួយគ្នានេះ សន្ទស្សន៍ប្រាក់ដុល្លារអាមេរិក បើធៀបនឹងកញ្ចប់រូបិយប័ណ្ណ រួមទាំងប្រាក់យ៉េនជប៉ុន ផោនអង់គ្លេស ប្រាក់ដុល្លារកាណាដា ក្រូណាស៊ុយអែត និងហ្វ្រង់របស់ប្រទេសស្វីស បានធ្លាក់ចុះពីកម្រិតខ្ពស់មិនធ្លាប់មានក្នុងរយៈពេលច្រើនឆ្នាំមកត្រឹម ១០៧.៨៨ កាលពីថ្ងៃចន្ទ ពោលធ្លាក់ចុះរហូតដល់ ០.១៧ ភាគរយក្នុងរយៈពេលមួយថ្ងៃ ។

ប៉ុន្តែចំពោះការធ្លាក់ចុះនៃប្រាក់ដុល្លារនេះដែរ ក៏ជាការលើកទឹកចិត្តដល់ប្រទេសដែលនាំចូលប្រេងឲ្យទិញប្រេងឆៅបន្ថែមទៀតក្នុងតម្លៃថោកជាង និងជាប្រាក់ដុល្លារផងដែរ ៕