ព័ត៌មានជាតិ

ឧបនាយករដ្ឋមន្ត្រី ប្រាក់ សុខុន ៖ កម្ពុជាទន្ទឹងរង់ចាំស្វាគមន៍ប្រតិភូ មកចូលរួមកិច្ចប្រជុំរដ្ឋមន្ត្រីការបរទេសអាស៊ាន

បានផុស

៣ years មុន

នៅ

ថ្ងៃអង្គារ ១៩ កក្កដា ២០២២

ដោយ

ស្របពេលដែលកិច្ចប្រជុំរដ្ឋមន្ត្រីការបរទេសអាស៊ានលើកទី៥៥ និងកិច្ចប្រជុំពាក់ព័ន្ធ កាន់តែខិតជិតមកដល់នៅចុងខែនេះ លោកឧបនាយករដ្ឋមន្ត្រី ប្រាក់ សុខុន រដ្ឋមន្ត្រីការបរទេស និងសហប្រតិបត្តិការអន្តរជាតិ នៃព្រះរាជាណាចក្រកម្ពុជាបានអះអាងពីការត្រៀមខ្លួនរួចជាស្រេច ដើម្បីស្វាគមន៍ប្រតិភូ ដែលនឹងអញ្ជើញមកចូលរួមកិច្ចប្រជុំនោះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកឧបនាយករដ្ឋមន្ត្រី ប្រាក់ សុខុន បានបញ្ជាក់យ៉ាងដូច្នេះថា “កិច្ចប្រជុំរដ្ឋមន្ត្រីការបរទេសអាស៊ានលើកទី៥៥ និងកិច្ចប្រជុំពាក់ព័ន្ធ កាន់តែខិតជិតមកដល់ហើយ។ ទោះបីជារវល់យ៉ាងណាក៏ដោយ ព្រឹកមិញខ្ញុំបានឆ្លៀតចុះត្រួតពិនិត្យមើលទីតាំង និងវឌ្ឍនភាព នៃការរៀបចំរបស់ក្រុមការងារយើង ហើយខ្ញុំសូមសរសើរកិច្ចខិតខំប្រឹងប្រែងរបស់ពួកគាត់ទាំងអស់ផងដែរ។ កម្ពុជាទន្ទឹងរង់ចាំស្វាគមន៍យ៉ាងកក់ក្តៅដល់គណៈប្រតិភូទាំងអស់ដែលនឹងមកចូលរួមកិច្ចប្រជុំនេះ”។

សូមបញ្ជាក់ថា កម្ពុជាក្នុងនាមប្រធានអាស៊ានឆ្នាំ២០២២ គ្រោងរៀបចំកិច្ចប្រជុំរដ្ឋមន្ត្រីការបរទេសអាស៊ានលើកទី៥៥ និងកិច្ចប្រជុំពាក់ព័ន្ធ (55th AMM and Related Meetings) ចាប់ពីថ្ងៃទី៣០ ខែកក្កដា ដល់ថ្ងៃទី០៦ ខែសីហា ឆ្នាំ២០២២ ខាងមុខនេះដែរ នៅរាជធានីភ្នំពេញ៕

ដោយ ៖ កោះកែវ