ឡៅ បញ្ញា ចេញមុខសុំទោសនូវកំហុសឆ្គងដែលមិនលើកដៃសំពះក្នុងថ្ងៃប្រកួតផ្តាច់ព្រ័ត្រនៅប៉ូឡូញ

បេក្ខភាពចេញទៅប្រកួតលើកឆាកអន្តរជាតិ គឺលោក ឡៅ បញ្ញា ដែលជាបុរសឯកតំណាងឱ្យកម្ពុជាក្នុងការប្រឡងនៅប្រទេសប៉ូឡូញបានចេញមុខសុំទោសមហាជនខ្មែរជាសាធារណ: បន្ទាប់ពីកើតមានកំហុសឆ្គងមិនលើកដៃសំពះលើឆាកអន្តរជាតិកាលពីថ្មីៗកន្លងទៅនេះ។

ការចេញមុខសុំទោសពីលោក ឡៅ បញ្ញា នេះបានធ្វើឡើងក្រោយមានការរិះគន់ពីមហាជនខ្មែរមួយចំនួនចំពោះទង្វើរខុសឆ្លងខាងលើ។ ជាក់ស្តែងលោក គួច ខេវិន ដែលជាផលិតករខ្មែរល្បីឈ្មោះក៏បានសម្តែងការមិនពេញចិត្តនិងធ្វើការបញ្ចេញមតិរិះគន់លើបញ្ហានេះយ៉ាងចាស់ដៃផងដែរ។

បន្ទាប់ពីកើតមានបញ្ហាខាងលើនេះ លោក ឡៅ បញ្ញា បានចេញមុខសុំទោសដូច្នេះថា «ជម្រាបសួរពុកម៉ែបងប្អូនទាំងអស់ជាទីគោរព ខ្ញុំបាទ ឡៅ បញ្ញា ជាបេក្ខជនMister Supranational Cambodia 2022។ ខ្ញុំបាទសូមលំឱនកាយគោរពដោយម្រាមដៃដប់សំពះដល់ពុកម៉ែបងប្អូនដែលជាពលរដ្ឋខ្មែរទាំងអស់ សូមមេត្តាអធ្យាស្រ័យនូវកំហុសឆ្គងដែ លការដើរបង្ហាញក្នុងថ្ងៃផ្តាច់ព្រ័ត្រនៅប្រទេសប៉ូឡូញ» ។

លោកបានបន្តថា ដោយរូបលោកមានការភាន់ភាំងមិនបានលើកដៃសំពះដែលជាទម្លាប់ថ្លៃថ្នូររបស់ជនជាតិខ្មែរយើង។ ការខុសឆ្គងមួយនេះលោកផ្ទាល់សូមទទួលកំហុសទាំងស្រុងថា ខ្លួនមានការខុសឆ្គងពិតមែន។ សូមពុកម៉ែបងប្អូនមេត្តាទទួលយកការគោរពសូមទោសមួយនេះពីលោកផងដោយក្តីករុណា។ សូមជូនពរឱ្យពុកម៉ែបងប្អូនដែលជាគ្រួសារខ្មែរទាំងអស់ជួបតែសំណាងល្អគ្រប់ពេលវេលា៕

អត្ថបទ៖ ចាន់រ៉ា