សេដ្ឋកិច្ច
ក្រុមហ៊ុនធានារ៉ាប់រងបានចេញកិច្ចសន្យាធានាគិតជាទឹកប្រាក់មានជាង ២ពាន់លានដុល្លារ
គិតមកដល់ពេលនេះ ក្រុមហ៊ុនធានារ៉ាប់រងនៅកម្ពុជា មានចំនួន ៣៩ បានចេញកិច្ចសន្យាធានា គិតជាទឹកប្រាក់មានចំនួន ២០៤ពាន់លានដុល្លារ។ ក្នុងន័យនេះ ចង់បញ្ជាក់ថា ប្រសិនបើមានហានិភ័យអ្វីមួយកើតឡើងនៅស្រុកខ្មែរ ហើយមានបញ្ហាបន្ទុកហិរញ្ញវត្ថុ ក្រុមហ៊ុនធានារ៉ាប់រង ធានាបាននូវទឹកប្រាក់ចំនួន ២០៤ពាន់លានដុល្លារ ដើម្បីជួយទៅដល់អ្នករងគ្រោះ ដែលបានទិញធានារ៉ាប់រង។ នេះបើតាមការបញ្ជាក់របស់លោក ប៊ូ ច័ន្ទភីរូ អគ្គនាយកនិយ័តករធានារ៉ាបរងកម្ពុជា នៅក្នុងទិវាធានារ៉ាប់រង ២០២២ កាលពីថ្ងៃ ចន្ទ។

លោក ប៊ូ ច័ន្ទភីរូ បានសង្កត់ធ្ងន់ថា ពលរដ្ឋកម្ពុជា ហាក់មិនសូវយល់ដឹងច្រើនអំពីវិស័យធានារ៉ាប់រង ដោយគិតថា ការទិញធានារ៉ាប់រង គឺជាការចំណាយប្រាក់ច្រើន ដោយមិនមានប្រយោជន៍។ ផ្ទុយពីការយល់ឃើញនេះ អគ្គនាយកនិយ័តករធានារ៉ាបរងកម្ពុជា បានបកស្រាយថា ការទិញធានារ៉ាប់រង មិនមែនជាការចំណាយចោលឥតប្រយោន៍នោះទេ តែគឺជាការជួយសន្សំប្រាក់ទៅវិញទេ។
លោក ប៊ូ ច័ន្ទភីរូ បានគូសបញ្ជាក់ដូច្នេះថា «បើទោះជាផ្ទុះជំងឺកូវីដ-១៩ខ្លាំង នៅឆ្នាំ ២០២០-២០២១ ក៏វិស័យធានារ៉ាប់រង នៅតែមានកំណើន។ ជាក់ស្តែងនៅក្នុង ២០២០ វិស័យនេះ កើនឡើង ៨% ឆ្នាំ ២០២១ កើនឡើងប្រហែល ១០% ។ ដោយឡែកឆមាសទី ១ឆ្នាំ ២០២២នេះ មានកំណើន១៣% បើធៀបនឹងរយៈពេលដូច្នេះឆ្នាំ ២០២១ ដោយរំពឹថា ដាច់ឆ្នាំនេះ នឹងកើនឡើងដល់ ១៥%»។
បច្ចុប្បន្ន និយ័តករធានារ៉ាប់រងកម្ពុជា និងសមាគមធានារ៉ាប់រងកម្ពុជា បានយកចិត្តទុកដាក់ផ្សព្វផ្សាយឱ្យពលរដ្ឋយល់ច្បាស់អំពីវិស័យធានារ៉ាប់រងកាន់តែទូលំទូលាយ។ នៅកម្ពុជា មានច្បាប់ធានារ៉ាប់រង ប៉ុន្តែការអនុវត្តមិនទាន់បានគ្រប់ជ្រុងជ្រោយនៅឡើយ ដោយសារពលរដ្ឋខ្វះចំណេះដឹងច្រើននៅក្នុងវិស័យនេះ។
ពាក់ព័ន្ធនឹងបញ្ហានេះ នៅចំពោះមុខ និយ័តករធានារ៉ាប់រងកម្ពុជា និងសមាគមធានារ៉ាប់រងកម្ពុជា បានបង្កើនការផ្សព្វផ្សាយទៅដល់សាធារណជនអំពីចំណេះដឹងផ្សេងៗ តាមរយៈអ្នកសារព័ត៌មាន។ នេះជាការបញ្ជាក់របស់លោក ហ៊ុយ វ៉ាថារ៉ូ ប្រធានសមាគមធានារ៉ាប់រងកម្ពុជា។

យោងតាមរបាយការណ៍របស់និយ័តករធានារ៉ាប់រងកម្ពុជា បានបង្ហាញថា ទំហំទីផ្សារធានារ៉ាប់រងកម្ពុជា បានកើនឡើងដល់ប្រមាណ ៣០០លានដុល្លារ ក្នុងឆ្នាំ ២០២១ ដោយបានចូលរួមចំណែកក្នុងសេដ្ឋកិច្ចជាតិ អត្រា ១,១ភាគរយ និងដង់ស៊ីតេធានារ៉ាប់រងចំនួន ១៨,៧៥ដុល្លារក្នុងមួយនាក់។ សូចនាករនេះ បង្ហាញថា ទីផ្សារធានារ៉ាប់រងកម្ពុជា នៅមានទំហំតូចនៅឡើយ បើធៀបនឹងតំបន់ ដែលកត្តានេះ គេអាចសន្និដ្ឋានបានថា កម្ពុជា នៅមានសក្កដានុពលធំធេងសម្រាប់អភិវឌ្ឍវិស័យធានារ៉ាប់រង នាពេលអនាគត៕

-
សន្តិសុខសង្គម៣ ថ្ងៃ ago
«ចែមុំបុកល្ហុង» សង្ស័យបង្កប់សេវាកម្មផ្លូវភេទ នគរបាលចុះបង្ក្រាបឃាត់ខ្លួនមនុស្ស១១នាក់
-
ជីវិតកម្សាន្ដ៦ ថ្ងៃ ago
ផ្ទុះការចាប់អារម្មណ៍នឹងយុវតីម្នាក់ សំឡេងពីរោះ ច្រៀងស្រដៀងនឹងរាជិនីសំឡេងសារិកាមាស ប៉ែន រ៉ន
-
សន្តិសុខសង្គម៦ ថ្ងៃ ago
អ្នកកាសែតម្នាក់ត្រូវឃាត់ខ្លួនក្រោយដោះមីនតោនដឹកយកទៅឱ្យប៉ូលិស
-
ព័ត៌មានជាតិ៣ ថ្ងៃ ago
ករណីលូ១តម្លៃ៤០ដុល្លា៖ អាជ្ញាធរ ថាមិនបានយកលុយពីពលរដ្ឋឡើយ គឺពលរដ្ឋជួលភាគីឯកជនឱ្យដាក់ខ្លួនឯង
-
ព័ត៌មានអន្ដរជាតិ៥ ថ្ងៃ ago
ធ្លាក់យន្តហោះនៅ អាឡាស្កា អ្នកជិះក្នុងនោះ ស្លាប់ទាំងអស់
-
ជីវិតកម្សាន្ដ១០ ម៉ោង ago
G-Devith ៖ បុគ្គលដែលអាចហែកមេឃចេញបាន មានន័យថា អ្នកនោះអាចរួចពីសំណាញ់ច្បាប់ហើយ
-
ជីវិតកម្សាន្ដ៣ ថ្ងៃ ago
G-Devith ដាក់បណ្តឹងទៅ UNICEF នៅកម្ពុជា ដើម្បីលុបជាអចិន្ត្រៃយ៍គ្រប់គណនីហ្វេសប៊ុក ដែលប៉ះពាល់សិទ្ធិកុមារ តាមគ្រប់រូបភាព
-
ចរាចរណ៍៤ ថ្ងៃ ago
ផ្លូវ៦០ម៉ែត្រទៀត! រថយន្ដពាក់ស្លាកលេខរដ្ឋ បុករះរថយន្ដ២គ្រឿងកំពុងឈប់ចាំភ្លើងស្តុបរងការខូចខាត