កីឡា
Ronaldo ត្រៀមពិភាក្សាជាមួយ Man Utd ជុំវិញអនាគត
Cristiano Ronaldo គ្រោងនឹងជួបពិភាក្សាជាមួយក្លិប Manchester United នៅសប្តាហ៍នេះ ខណៈដែលរូបគេស្វះស្វែងក្នុងការបំភ្លឺអំពីអនាគតរបស់ខ្លួន ចំពេលមានការសង្ស័យថាតើនឹងបន្តនៅ ឬចាកចេញពី Old Trafford នៅរដូវកាលនេះ។
![](https://www.kampucheathmey.com/wp-content/uploads/2022/07/0_Erik-Ten-Hag-Cristiano-Ronaldo-1024x576.jpeg)
កីឡាករវ័យ ៣៧ ឆ្នាំរូបនេះ បានធ្វើដំណើរត្រឡប់ទៅកាន់ចក្រភពអង់គ្លេសវិញ កាលពីល្ងាចថ្ងៃចន្ទ បន្ទាប់ពីខកខានការធ្វើដំណើរប្រកួតមុនបើករដូវកាលជាមួយ Man United ទៅប្រទេសថៃ និងអូស្ត្រាលី ដោយសារបញ្ហាគ្រួសារ ហើយអ្នកចាត់ការទូទៅថ្មី លោក Erik ten Hag រំពឹងថានឹងជួបជាមួយគេនៅថ្ងៃខាងមុខ។
![](https://www.kampucheathmey.com/wp-content/uploads/2022/07/Cristiano-Ronaldo2-1024x768.jpeg)
លោក Ten Hag មានបំណងចង់បញ្ចូល Ronaldo ទៅក្នុងផែនការរបស់ខ្លួន ឱ្យបានឆាប់តាមដែលអាចធ្វើទៅបាន ទោះបីជាវាត្រូវបានគេយល់ថាភ្នាក់ងាររបស់ Ronaldo បានព្យាយាមស្វែងរកក្លិបថ្មី បន្ទាប់ពីគេបានបញ្ជាក់យ៉ាងច្បាស់ថា ចង់លេងនៅក្របខ័ណ្ឌ UEFA Champions League នៅរដូវកាលនេះក៏ដោយ។
អ្នកចាត់ការសញ្ជាតិហូឡង់ Erik ten Hag នៅតែប្រកាន់ខ្ជាប់ជានិច្ចនៅពេលប្រឈមមុខនឹងសំណួរអំពីអនាគតរបស់វីរបុរសក្លិប ហើយបានលើកឡើងថា Ronaldo នឹងនៅតែជាកីឡាកររបស់ United យ៉ាងហោចណាស់មួយរដូវកាលទៀត។
កីឡាករឈ្នះ Ballon d’Or ៥ សម័យរូបនេះ នៅសល់រយៈពេល ១២ ខែទៀត លើកិច្ចព្រមព្រៀងដែលបានចុះហត្ថលេខាកាលពីរដូវកាលមុន បន្ទាប់ពីការមកដល់របស់គេពី Juventus ប៉ុន្តែមានជម្រើសសម្រាប់បន្តមួយឆ្នាំទៀត។
![](https://www.kampucheathmey.com/wp-content/uploads/2022/07/cristiano-ronaldo-1024x768.jpeg)
ស្នាក់នៅបន្ត ឬចាកចេញវានៅតែមិនទាន់ច្បាស់ ប៉ុន្តែលីគកំពូលអង់គ្លេស ជិតចាប់ផ្ដើមហើយ ដោយនៅសល់ប្រហែល ២ សប្ដាហ៍ទៀតប៉ុណ្ណោះ។ លោក Ten Hag បាននិយាយចុងក្រោយថា លោកមិនមានការព្រួយបារម្ភអំពី Ronaldo ក្នុងការត្រៀមខ្លួនសម្រាប់ការប្រកួតជាមួយនឹងពេលវេលាតិចជាងពីរសប្តាហ៍ មុនពេល Brighton មកលេងនៅទឹកដីរបស់ខ្លួន Old Trafford នៅថ្ងៃប្រកួតបើកឆាក Premier League ថ្ងៃទី ០៧ ខែសីហា ខាងមុខនោះទេ៕
អត្ថបទ៖ មន្នីរ័ត្ន
![](https://kampucheathmey.com/wp-content/uploads/2020/12/1-01-2-01-1.png)
-
ព័ត៌មានអន្ដរជាតិ៤ ថ្ងៃ ago
១១ខែ វៀតណាម រញ្ជួយដី ៤៥៨លើក
-
សុខភាព១ ថ្ងៃ ago
ផ្លែឈើ៤មុខ គ្រោះថ្នាក់ខ្លាំងសម្រាប់អ្នកជំងឺខ្សោយតម្រងនោមធ្ងន់ធ្ងរ
-
ចរាចរណ៍៣ ថ្ងៃ ago
អ្នកជិះម៉ូតូ កង់ ឆ្លង់កាត់ចន្លោះសួនច្បារពុះចែកទ្រូងផ្លូវជាតិលេខ៣បង្កគ្រោះថ្នាក់ញឹកញាប់ដល់អ្នកដទៃ
-
ព័ត៌មានអន្ដរជាតិ៣ ថ្ងៃ ago
គ្រូទាយល្បីឈ្មោះ២រូប សុទ្ធតែទាយរឿងដែលគ្មាននរណាចង់ឲ្យកើត នៅឆ្នាំក្រោយ
-
ព័ត៌មានជាតិ៤ ថ្ងៃ ago
សត្វព្រៃជិតផុតពូជបំផុតជាច្រើនប្រភេទ បង្ហាញវត្តមាននៅតំបន់ប្រើប្រាស់ច្រើនយ៉ាងសំឡូត
-
ជីវិតកម្សាន្ដ៥ ថ្ងៃ ago
អ្នកនាង ខាត់ សុឃីម សោកស្តាយចំពោះមរណភាពតារាចម្រៀងប្រុសម្នាក់ គាំងបេះដូងស្លាប់ទាំងវ័យក្មេង
-
សន្តិសុខសង្គម៦ ថ្ងៃ ago
Update៖ អ្នកកាសែតដែលត្រូវខ្មាន់កាំភ្លើងបាញ់ប្រហារនៅស្រុកជីក្រែង បានបាត់បង់ជីវិតហើយ ក្រោយបញ្ជូនដល់មន្ទីរពេទ្យជាង១ថ្ងៃ
-
បច្ចេកវិទ្យា៦ ថ្ងៃ ago
ផ្ទុះការភ្ញាក់ផ្អើលខ្លាំងចំពោះវត្តមាន ហុងដា SCOOPY ស៊េរីថ្មី របស់ក្រុមហ៊ុនអិនស៊ីអិច ទើបតែចេញក្តៅៗ