កីឡា
តើ Messi វិលត្រលប់មក Barca វិញទេ ខណៈអ្នកចាត់ការក្លិបនិយាយថា “មិនអាចទៅរួចទេ ប៉ុន្តែអនាគតប្រហែលអាច”
អ្នកចាត់ការក្លិប FC Barcelona លោក Xavi Hernandez បាននិយាយថា Lionel Messi ត្រលប់មកវិញ គឺ “មិនអាចទៅរួចទេ” នៅពេលនេះ ប៉ុន្តែមិនមែនមានន័យថាបិទទ្វារក្នុងការនាំយករូបគេត្រលប់មកវិញនាពេលអនាគតផងដែរ។
ប្រធានក្លិប Barca លោក Joan Laporta បានប្រាប់ ESPN កាលពីសប្តាហ៍មុនថា លោកចាត់ទុកវាជាទំនួលខុសត្រូវរបស់លោកក្នុងការធានាថា Messi មានការបញ្ចប់អាជីពដ៏អស្ចារ្យ នៅកីឡដ្ឋាន Camp Nou បន្ទាប់ពីការចាកចេញដ៏ឈឺចាប់របស់គេ កាលពីរដូវកាលមុន។
ទោះជាយ៉ាងណាក៏ដោយ Xavi បានបដិសេធឱកាសនៃការចុះហត្ថលេខាឡើងវិញ Messi ពីក្លិប Paris Saint-Germain ដែលទើបតែបានចូលរួមជាមួយក្នុងកិច្ចសន្យារយៈពេល ២ ឆ្នាំ កាលពីរដូវកាលមុន ដោយសារតែ Barca មិនអាចមានលទ្ធភាពបន្តកិច្ចសន្យារបស់គេបាន។
Xavi បានប្រាប់សន្និសីទសារព័ត៌មាននៅទីក្រុង Dallas មុនការប្រកួតមិត្តភាពទល់នឹង Juventus កាលពីថ្មីៗនេះថា៖ «Leo មានកិច្ចសន្យា ដូច្នេះវាមិនអាចទៅរួច មិនអាចទៅរួច។ វាមិនសមហេតុផលទេក្នុងការនិយាយអំពី Messi គាត់គឺជាកីឡាករល្អបំផុតនៅក្នុងពិភពលោក និងល្អបំផុតដែលមិនធ្លាប់មាន។ លោកប្រធានក្លិប បាននិយាយរួចហើយថា គាត់សង្ឃឹមថារឿងរបស់ Messi មិនទាន់បញ្ចប់ជាមួយ Barcelona ទេ។ យើងនឹងឃើញនៅពេលអនាគត ប៉ុន្តែពេលនេះ វាគឺមិនមែនជាពេលវេលាដែលត្រូវនិយាយអំពី Leo នោះទេ វាជាពេលដែលត្រូវនិយាយអំពីកីឡាករដ៏រំភើបដែលយើងមាននៅទីនេះ»។
យុគសម័យក្រោយ Messi បានពង្រឹងឡើងសម្រាប់ Barcelona នៅរដូវក្តៅនេះជាមួយនឹងការចុះហត្ថលេខាលើខ្សែប្រយុទ្ធ Robert Lewandowski និង Raphinha។ ក៏ដូចជាកម្លាំងប្រយុទ្ធផ្សេងទៀតដែលបាននាំមកតាំងពីខែមករា ដូចជា Ferran Torres និង Pierre-Emerick Aubameyang ជាដើម។
Messi នឹងមានអាយុ ៣៦ ឆ្នាំ នៅពេលកុងត្រារបស់គេផុតកំណត់ជាមួយ PSG នៅឆ្នាំ ២០២៣ ប៉ុន្តែរបាយការណ៍បន្តភ្ជាប់ការត្រលប់មកវិញជាមួយនឹង Barca។ បន្ទាប់ពីការអត្ថាធិប្បាយរបស់ លោក Laporta ទៅកាន់ ESPN សារព័ត៌មាន Diario Sport បានរាយការណ៍ថា Xavi បានស្នើសុំឱ្យប្រធានក្លិបព្យាយាមចុះហត្ថលេខាលើរូបគេ នៅលើការផ្ទេរដោយគ្មានតម្លៃខ្លួននៅរដូវកាលក្រោយ។
គួររំលឹកថា ការចាកចេញរបស់ Messi ពីក្លិបនៅតំបន់ Catalan នេះ បានបន្សល់ទុកនូវរសជាតិជូរចត់។ គេបានត្រៀមខ្លួនទទួលយកប្រាក់ខែទាបជាងកិច្ចសន្យាចាស់ដើម្បីបន្តស្នាក់នៅ ប៉ុន្តែ Barca នៅតែមិនអាចផ្ដល់តម្លៃប្រាក់ខែដែលសមនឹងតម្លៃខ្លួនរបស់គេ ក្នុងការកំណត់ចំណាយដែលកំណត់ដោយ LaLiga។
Laporta ធ្លាប់និយាយអំពីបំណងចង់ឃើញ Messi ត្រលប់មកវិញនៅ Barca ជាកន្លែងដែលគេបានឈ្នះ Ballon d’Or ចំនួន ៦ ដង ក៏ដូចជាបំបែកកំណត់ត្រារបស់ក្លិបសម្រាប់ការស៊ុតបញ្ចូលទី ៦៧២គ្រាប់ ក្នុងការបង្ហាញខ្លួន ៧៧៨ លើក៕
ប្រភព៖ ESPN
អត្ថបទ៖ មន្នីរ័ត្ន
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ
កសិករចិញ្ចឹមគោបាយជិត ៣០០ក្បាល ផ្ដាំកសិករផ្សេងឱ្យងាកមកចិញ្ចឹមគោប្រភេទនេះ ព្រោះងាយស្រួលចិញ្ចឹម
១៧ ខេត្តក្នុងចំណោម ២៥ រាជធានីខេត្ត បញ្ចប់ចុះតាមដានការអនុវត្តយានយន្តកែច្នៃខុសលក្ខណៈបច្ចេកទេស
អ៊ីស្រាអែលសម្លាប់មនុស្សជិត ៩០០នាក់ ចាប់តាំងពីលែងអនុវត្តបទឈប់បាញ់នៅតំបន់ហ្គាហ្សា
វេទិកា JASTIP របស់ជប៉ុននឹងជួយកម្ពស់វិស័យវិទ្យាសាស្ត្រ បច្ចេកវិទ្យា និងនវានុវត្តន៍នៅកម្ពុជា
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
ការខូចខាតបឋម ព្រោះគ្រោះរញ្ជួយដីដ៏ខ្លាំងក្លាដែលវាយប្រហារអាស៊ីអាគ្នេយ៍
នាយករដ្ឋមន្ត្រីថៃ ដាក់ចេញបទបញ្ជាបន្ទាន់ដើម្បីគ្រប់គ្រង់គ្រោះរញ្ជួយដី
របាយការណ៍ចុងក្រោយបំផុតអំពីការបំផ្លិចបំផ្លាញ និងរងគ្រោះ ព្រោះការរញ្ជួយដីនៅអាស៊ីអាគ្នេយ៍
-
ព័ត៌មានអន្ដរជាតិ២០ ម៉ោង agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ១ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ agoតើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?
-
សន្តិសុខសង្គម១៩ ម៉ោង agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ