អាមេរិក ប្រកាសផ្តល់រង្វាន់១០លានដុល្លារ សម្រាប់ព័ត៌មានស្តីពី ការជ្រៀតជ្រែករបស់រុស្ស៊ី ក្នុងការបោះឆ្នោត

ក្រសួងការបរទេសសហរដ្ឋអាមេរិក បានប្រកាសផ្តល់រង្វាន់រហូតដល់១០លានដុល្លារ សម្រាប់ព័ត៌មានស្តីពីការជ្រៀតជ្រែករបស់រុស្ស៊ី នៅក្នុងការបោះឆ្នោតអាមេរិក។

ក្រសួងបាននិយាយថា “ក្រសួងកំពុងស្វែងរកព័ត៌មាន អំពីទីភ្នាក់ងារស្រាវជ្រាវអ៊ីនធឺណិត LLC (IRA), មហាសេដ្ឋី Yevgeniy Viktorovich Prigozhin ព្រមទាំងអង្គភាព និងសហការីរបស់រុស្ស៊ីដែលពាក់ព័ន្ធ សម្រាប់ការចូលរួមរបស់ពួកគេក្នុងការជ្រៀតជ្រែក ការបោះឆ្នោតនៅសហរដ្ឋអាមេរិក”។

សហរដ្ឋអាមេរិក​ បាន​ដាក់​ទណ្ឌកម្ម​រួច​ទៅ​ហើយ​លើ​បុគ្គល និង​អង្គភាពនានា ​ដែល​មាន​ទំនាក់ទំនង​ជាមួយ​មេដឹកនាំ​និង​អ្នក​ផ្តល់​ហិរញ្ញប្បទាន​របស់ IRA។

គួរបញ្ជាក់ថា IRA គឺជាក្រុមហ៊ុនមានមូលដ្ឋាននៅទីក្រុង St Petersburg ដែលមន្ត្រីស៊ើបការណ៍សម្ងាត់អាមេរិកនិយាយថា ជាចំណុចកណ្តាលនៃកិច្ចខិតខំប្រឹងប្រែងរបស់រុស្ស៊ី ដើម្បីជះឥទ្ធិពលដល់ការបោះឆ្នោតប្រធានាធិបតីឆ្នាំ ២០១៦៕

ប្រែសម្រួល៖ Vann Vann

ប្រភព៖ SKY

ចុចអាន៖ ចិន ប្រកាសបញ្ជូនកងទ័ពនិងរថក្រោះទៅ រុស្ស៊ី នៅខែក្រោយ