វប្បធម៌ ជំនឿ

ឆ្នាំទាំង ៦ នេះ ត្រូវប្រុងប្រយ័ត្នជាងគេ ក្នុងថ្ងៃសែនក្បាលទឹក

បានផុស

៣ years មុន

នៅ

ថ្ងៃពុធ ៣ សីហា ២០២២

ដោយ

ជាទូទៅឆ្នាំទាំង១២ គឺមានរាសីប្រែប្រួលតាមខែ តាមថ្ងៃ តាមឆ្នាំ អាចមានឆ្នាំខ្លះ រាសីល្អលេខមួយ ឆ្នាំខ្លះរាសីធ្លាក់ជាងគេ។ ដូចនេះក្រៅពីយើងគ្រប់គ្នាត្រូវប្រុងប្រយ័ត្នលើត្រណមទាំង១៨ ក្នុងរដូវការសែនក្បាលទឹកហើយ នៅមានឆ្នាំទាំង ៦ ដែលមានរាសីឆុងជាងគេ ដែលជាឆ្នាំត្រូវប្រយ័ត្នក្នុងពេលទ្វារនរកកំពុងបើក ហើយក៏ងាយទទួលការធ្វើបាប ពីអ្នកទាំងនោះ (អមនុស្ស) ណាស់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថ្ងៃនេះគ្រូ មកប្រាប់ពីឆ្នាំទាំង៦ ដែលត្រូវប្រុងប្រយ័ត្នខ្លាំងជាងគេ ៖

ឆ្នាំ ខាល ត្រូវមានប្រុងប្រយ័ត្ន អាចនឹងពាក់ព័ន្ធជាមួយបញ្ហាពុលអាហារ ពុលថ្នាំពេទ្យ ពុលថ្នាំសម្លាប់សត្វល្អិត គ្រោះថ្នាក់ពេលធ្វើដំណើរចូលព្រៃ ឬដំណើរផ្សងព្រេង ។

ឆ្នាំ វក អាចនឹងមានគ្រោះឆក់អគ្គិសនី មុតកាំបិត គ្រោះថ្នាក់កើតចេញពីរបស់មុតស្រួច ធ្លាក់ចំពីលើជើង លើដៃ ជាដើម។

ឆ្នាំ កុរ អាចនឹងបញ្ហា រអិលដួលក្នុងបន្ទប់ទឹក ចង្ក្រានបាយ ឬគ្រោះថ្នាក់កើតពីទឹក ប្រយ័ត្នហាមធ្វើដំណើរកាត់ទឹក មិនថាទន្លេ ព្រែក សមុទ្រនោះទេ ។

ឆ្នាំម្សាញ់ អាចនឹងបញ្ហារលាកទឹកក្ដៅ រលាកភ្លើង រលាកបំពង់ស៊ីមាំង ឬបញ្ហារលាកសន្លាក់ ជាពិសេសគ្រោះថ្នាក់ពេលបើកបរនៅចន្លោះម៉ោង ១១ថ្ងៃត្រង់ ដល់ ០១ថ្ងៃត្រង់ ។

ឆ្នាំ ច ក្នុងរយៈនេះ មនុស្សឆ្នាំចគឺមានបញ្ហាផ្លូវចិត្ត គិតច្រើន សុញគំនិតបន្តិច អាចក្ដៅខ្លួន ខ្សោះកម្លាំងក្នុងខ្លួន ឧស្សាហ៍ឈឺក្បាល ចុករាយដៃជើង ហើយអ្នកឆ្នាំច គឺត្រូវហូបស៊ុបក្ដៅ ឲ្យបានច្រើនតាមដែលអាចធ្វើទៅបាន។

ឆ្នាំជូត អាចនឹងមានបញ្ហារាករូស ដួល ឬ មួយមានបញ្ហាលង់ទឹក បើស្ដ្រីៗដែលមានកំពុងមានបញ្ហារោគស្រ្ដី ដុំគីស សូមប្រុងប្រយ័ត្នឲ្យបានខ្ពស់តាមដែលអាចធ្វើទៅបាន ។

យ៉ាងណាមិញឆ្នាំទាំង ៦ខាងនេះ សូមបង្កើតការប្រុងប្រយ័ត្ន និងត្រូវមានសុវត្ថិភាពចំពោះខ្លួនឯង ជាពិសេសក្នុងរដូវកាលសែនក្បាលទឹកនេះ ជាងឆ្នាំដទៃទៀត។ ព្រោះឆ្នាំទាំង៦នេះ អាចថាមានគ្រោះជាងគេ ឬហានិភ័យជាងឆ្នាំដទៃទៀតយ៉ាងខ្លាំងក្លា។