សេដ្ឋកិច្ច

មកដឹងអំពីប្រាក់ខែមន្រ្តីរាជការនៅឆ្នាំ ២០២២

បានផុស

២ years មុន

នៅ

ថ្ងៃព្រហស្បតិ៍ ៤ សីហា ២០២២

ដោយ

ប្រាក់បៀវត្សរបស់មន្ត្រីរាជការឆ្នាំ ២០២២ ត្រូវបានរក្សាកម្រិតប្រាក់បៀវត្សអប្បបរមា សម្រាប់ប្រាក់បៀវត្សមន្រ្តីរាជការស៊ីវិល និងកម្លាំងប្រដាប់អាវុធ ស្មើនឹងកម្រិតឆ្នាំ ២០២១ ដើម្បីសន្សំថវិកាសម្រាប់ទប់ទល់ការរាតត្បាតនៃជំងឺកូវីដ-១៩ ដែលបានបង្កនូវផលប៉ះពាល់ដល់សុខភាព សេដ្ឋកិច្ច សង្គមនិងជីវភាពរស់នៅរបស់ប្រជាពលរដ្ឋ ជាពិសេសកម្មករនិយោជិត ក្នុងវិស័យកាត់ដេរ និងវាយនភណ្ឌ កម្មករក្រៅប្រព័ន្ធ ព្រមទាំងប្រជាជនក្រីក្រ និងជនងាយរងគ្រោះ។ តាមរយៈវិធានការខាងលើ នៅក្នុងឆ្នាំ ២០២២ បៀវត្សមន្រ្តីរាជការត្រូវអនុវត្តដូចខាងក្រោម៖

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បៀវត្សអប្បបរមាមន្រ្តីរាជការស៊ីវិល៖ ត្រូវបានរក្សាស្មើនឹងប្រមាណ ១ ១៧២ ៥០០ រៀល

បៀវត្សអប្បបរមាគ្រូបង្រៀន និងគ្រូពេទ្យ៖ ត្រូវបានរក្សាស្មើនឹងប្រមាណ ១ ២៧២ ៥០០ រៀល

បៀវត្សអប្បបរមានគរបាលជាតិ៖ (ពលបាលត្រី) ត្រូវបានរក្សាស្មើនឹងប្រមាណ ១ ២៥៦ ៩៧៧ រៀល (គិតបញ្ចូលរបបអង្ករ)

បៀវត្សអប្បបរមាយោធិន៖ (ពលទោ) រក្សាស្មើនឹងប្រមាណ ១ ១២៣ ៥០០ រៀល (មិនគិតបញ្ចូលរបបអង្ករ) ហើយបើគិតបញ្ចូលរបបអង្ករត្រូវជាប្រមាណ ១ ១៨១ ៩៧៧ រៀល។ ចំពោះប្រាក់បំណាច់របស់មន្រ្តីជាប់កិច្ចសន្យា ក៏ត្រូវបានរក្សាស្មើនឹងចំនួន ៦៧ ម៉ឺនរៀលផងដែរ។ ទន្ទឹមនេះ មន្ត្រីរាជការទូទៅ ក៏ដូចជានិវត្តជនជាអតីតមន្រ្តីរាជការ និងអតីតយុទ្ធជន ក៏ត្រូវបានផ្តល់ប្រាក់ឧបត្ថម្ភ ៥ ម៉ឺនរៀល សម្រាប់ចូលឆ្នាំប្រពៃណីខ្មែរ និងបុណ្យភ្ជុំបិណ្ឌ។

លោក មាស សុខសេនសាន អ្នកនាំពាក្យក្រសួងសេដ្ឋកិច្ច ថ្លែងនៅក្នុងសន្និសីទសារព័ត៌មានស្តីពី «សមិទ្ធផលសម្រេចបាន រយៈពេល៥ឆ្នាំ ពីឆ្នាំ២០១៧-ឆ្នាំ២០២១ របស់ក្រសួងសេដ្ឋកិច្ច និងហិរញ្ញវត្ថុ» នាពេលថ្មីៗនេះថា ផ្អែកលើលទ្ធផលអនុវត្តក្នុងឆមាសទី ១ និងនិន្នាការចំណាយឆមាសទី ២ អាចសន្និដ្ឋានបានថា ការអនុវត្តចំណាយឆ្នាំ ២០២២ នឹងទាបជាងច្បាប់ស្តីពីហិរញ្ញវត្ថុសម្រាប់ការគ្រប់គ្រងឆ្នាំ ២០២២ បន្តិចបន្តួច ក្នុងរង្វង់ប្រមាណ ០,២%, ដោយសាររាជរដ្ឋាភិបាល បាននិងកំពុងកាត់បន្ថយលើចំណាយអន្តរាគមន៍ប្រយុទ្ធនឹងជំងឺកូវីដ-១៩ ព្រោះស្ថានភាពវិបត្តិនៃជំងឺកូវីដ-១៩ បាននិងកំពុងមានភាពធូរស្បើយច្រើន៕