ចាប់បានតម្រុយ​ជនសង្ស័យម្នាក់​ចូលលួចម៉ូតូ​យកទៅលាក់ទុក

មានករណីសង្ស័យក្មេងប្រុសជាអនីតិជនម្នាក់បានចូលលួចកាច់កម៉ូតូម៉ាកហុងដាឌ្រីម ១ គ្រឿងយកទៅបាត់កាលពីវេលាម៉ោង ១៩ យប់ ថ្ងៃទី០៤ ខែ០៨ ឆ្នាំ២០២២ នៅចំណុចផ្សារលើ សង្កាត់ផ្សារឆ្នាំង ក្រុងកំពង់ឆ្នាំង ខណៈដែលម្ចាស់ទុកម៉ូតូចោល រវល់រៀបចំអីវ៉ាន់លក់ដូរទុកដាក់ដោយមិនបានចាក់សោរក។

សមត្ថកិច្ចនគរបាលក្រុងកំពង់ឆ្នាំងនៅព្រឹកថ្ងៃទី០៥ ខែសីហា ឆ្នាំ២០ ២២នេះបានឱ្យដឹងថា ក្រោយពីទទួលបានពាក្យបណ្ដឹងសមត្ថកិច្ចក៏បានចុះទៅដល់កន្លែងកើតហើយហើយបានបានឆែកមើលកាមេរ៉ាសុវត្ថិភាពជាប់ ចំណុចកើតហេតុនិងបានកំណត់មុខសញ្ញាជនសង្ស័យមាន ឈ្មោះហៅក្រៅ (អាកំពីញរាជ) ជាអនិតិជន អាយុ ១៤ឆ្នាំ បានធ្វើស កម្មភាពកាច់កម៉ូតូជនរងគ្រោះយកទៅលាក់ទុកផ្ទះរបស់ម្ដាយមីងនៅចំណុចខាងក្រោយផ្សារលើស្ថិតក្នុងភូមិត្រពាំងបី សង្កាត់ផ្សារឆ្នាំងក្រុងកំពង់ឆ្នាំង។

ក្រោយពីបានស្រាវជ្រាវ នៅចំណុចក្រោយផ្សារលើ ត្រូវបានម្តាយមីងរបស់ជនសង្ស័យ រាយការណ៍មកសមត្ថកិច្ច និងបានប្រគល់ម៉ូតូនោះជូនសមត្ថកិច្ចភ្លាមៗវិញ ហើយសមត្ថកិច្ចបានប្រគល់ម៉ូតូនោះ ជូនម្ចាស់ឈ្មោះ រ៉ុន សារុំ ភេទប្រុស អាយុ៦៩ ឆ្នាំ រស់នៅភូមិប្អេរ សង្កាត់ប្អេរ ក្រុងកំពង់ឆ្នាំង វិញហើយ។

ក្រោយពេលកើតហេតុជនង្ស័យបានរត់គេចខ្លួនបាត់បច្ចុប្បន្ន ដោយសមត្ថកិច្ចនគរបាលក្រុងកំពង់ឆ្នាំងកំពុងបន្តការស្រាវជ្រាវចាប់ខ្លួនជនសង្ស័យតាមផ្លូវច្បាប់៕

អត្ថបទ៖ ឈៀងថារិទ្ធ