រថយន្ដកុងតឺន័របុកគល់ស្ពានផ្លូវល្បឿនលឿន នៅយាយម៉ៅពេជ្រនិល

រថយន្ត HYUNDAI សណ្ដោងទូកុងតឺន័រមួយគ្រឿងបើកក្នុងល្បឿនលឿនជ្រុលបុកគល់ស្ពានផ្លូវល្បឿនលឿនបណ្ដាលឲ្យខូចខាតរថយន្ដស្ទើរទាំងស្រុង។

ករណីគ្រោះថ្នាក់នេះ បានកើតឡើងកាលពីព្រឹកថ្ងៃទី០៥ ខែសីហា ឆ្នាំ២០២២​ នៅលើផ្លូវជាតិលេខ៤ ចន្លោះគីឡូម៉ែត្រលេខ ៩៩-១០០ ត្រង់ចំ​ណុចភូមិទី៦ ឃុំយាយម៉ៅពេជ្រនិល ស្រុកភ្នំស្រួ​ច ខេត្តកំពង់ស្ពឺ ។

របាយការណ៍សមត្ថកិច្ចបានឲ្យដឹងថា រថយន្តបង្កជាប្រភេទរថយន្ដម៉ាក HYUNDAI ពណ៍ស ពាក់​ស្លាកលេខ ភ្នំពេញ 3C-9293 សណ្ដោងស៊ឹមីរ៉ឺម៉​ក​ ពាក់ស្លាកលេខ ភ្នំពេញ 4A-0490 អ្នកបើកបរឈ្មោះ សន សាល ភេទប្រុស អាយុ៣២ឆ្នាំ រស់នៅ​ភូមិទូកមាស ឃុំក្រាំងដូង ស្រុកកំពង់ត្រាច ខេត្តកំព​ត បើកបរពីទិសខាងលិចទៅទិសខាងកើត មកដល់ចំណុចខាងលើបានរ៉េចង្កូតទៅបុកគល់ស្ពានផ្លូវ​ល្បឿនលឿន ។

ករណី​នេះមិនបណ្ដាលអោយគ្រោះថ្នាក់មនុស្សនោះទេ និងខូចខាតរថយន្ត១គ្រឿង ធ្ងន់​ មូលហេតុ​រថយន្ត​បើក​បរក្នុងល្បឿនលឿន​ (ដោយកត្ដាបច្ចេកទេស)។

បច្ចុប្បន្ន​សមត្ថកិច្ច​នគរបាល​ចរាចរណ៍​កំពុង​ចំណាត់ការ​នៅគោលដៅ​៕