បច្ចេកវិទ្យា

Apple ស្នើអ្នកផ្គត់ផ្គង់គ្រឿងបន្លាស់កុំដាក់ស្លាកសញ្ញាថា “ផលិតនៅតៃវ៉ាន់”

បានផុស

២ years មុន

នៅ

ថ្ងៃព្រហស្បតិ៍ ១១ សីហា ២០២២

ដោយ

ក្រុមហ៊ុន Apple បានស្នើដល់អ្នកផ្គត់ផ្គង់ផលិតផលរបស់ខ្លួននៅកោះតៃវ៉ាន់កុំឲ្យប្រើស្លាកសញ្ញាថា “ផលិតនៅតៃវ៉ាន់” ដោយក្រុមហ៊ុនបច្ចេកវិទ្យាយក្សមួយនេះទំនងជាចង់ឲ្យផលិតផលត្រូវដាក់ស្លាកថា ផលិតនៅក្នុង “ចិនតៃប៉ិ” ឬ “តៃវ៉ាន់ ចិន” ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រភពដែលដឹងពីបញ្ហានេះបានប្រាប់សារព័ត៌មាន Nikkei Asia ថា ការប្រើឃ្លា “ផលិតនៅតៃវ៉ាន់” អាចបណ្តាលឲ្យការដឹកជញ្ជូនត្រូវបានពន្យារពេល និងត្រួតពិនិត្យដោយគយចិន ហើយនឹងត្រូវផាកពិន័យជាប្រាក់រហូតដល់ទៅ ៤,០០០ យ័ន (៥៩២ ដុល្លារអាមេរិក) ខណៈក្នុងករណីធ្ងន់ធ្ងរជាងនេះ ការដឹកជញ្ជូននឹងត្រូវរារាំងទាំងស្រុងតែម្ដង ។

ទន្ទឹមនោះ ចំណាត់ការរបស់ក្រុមហ៊ុន Apple ក៏ធ្វើឡើង ក្រោយការដឹកជញ្ជូនគ្រឿងបន្លាស់ពីតៃវ៉ាន់ទៅកាន់រោងចក្រដំឡើងទូរស័ព្ទ iPhone មួយកន្លែងរបស់ក្រុមហ៊ុន Pegatron នៅក្នុងប្រទេសចិន ត្រូវបានត្រួតពិនិត្យ ដើម្បីមើលថាតើផលិតផលទាំងនោះដាក់ស្លាកថា “តៃវ៉ាន់” ឬ “សាធារណរដ្ឋចិន” ។

ស្របពេលជាមួយគ្នានេះ វាក៏កើតឡើង ស្របពេលដែលប្រធានសភាអាមេរិកលោកស្រី Nancy Pelosi ធ្វើដំណើរទស្សនកិច្ចមកកាន់តៃវ៉ាន់កាលពីពេលថ្មីៗនេះ ដោយធ្វើឲ្យភាពតានតឹងរវាងអាមេរិក និងចិនដែលចាត់ទុកកោះនេះជាផ្នែកនៃទឹកដីរបស់ខ្លួន កាន់តែពុះកញ្ជ្រោល ក៏ដូចជាការរឹតបន្តឹងលើពាណិជ្ជកម្មរបស់តៃវ៉ាន់ជាដើម ៕

ប្រែសម្រួលដោយ ៖ ជីវ័ន្ត

ប្រភព ៖ Nikkei Asia

ចុចអាន ៖ លោកស្រី Pelosi ការពារដំណើរទស្សនកិច្ចទៅ តៃវ៉ាន់ ក្រោយសរសើរ ចិន ពេញៗមាត់