វប្បធម៌ ជំនឿ

យល់សប្ដិឃើញឆ្មាកើតកូន ជាប្រផ្នូលល្អឬអាក្រក់?

បានផុស

២ years មុន

នៅ

ថ្ងៃអាទិត្យ ១៤ សីហា ២០២២

ដោយ

ឆ្មាជាសត្វមួយដែលប្រជាជនកម្ពុជាមានជំនឿណាស់ ទាំងឆ្មា សម្បុរបីឬមួយក៏ដោយ ប្រសិនបើវាបង្ហាញខ្លួន មិនថាក្នុងឬក្រៅសុបិន សុទ្ធតែជាប្រផ្នូលនាំដំណឹងអ្វីមួយមកប្រាប់មិនខាន។

ជាក់ស្ដែង ប្រសិនបើអ្នកគេងសុបិនឃើញសត្វឆ្មាកើតកូន មិនថាតិចឬច្រើន នោះក៏ជាប្រផ្នូលហេតុភេទចង់មកប្រាប់លោកអ្នកដូចគ្នា។ សូមស្ដាប់ការបកស្រាយ យល់សប្តិឃើញឆ្មាខាងក្រោមនេះ

សុបិនឃើញឆ្មាកើតកូន

សុបិននេះត្រូវបានបកស្រាយតាមវិធីជាច្រើន ទាំងការងារ ហិរញ្ញវត្ថុ ស្នេហាជាដើម ប៉ុន្តែភាគច្រើនអ្នកនឹងជួបសំណាងល្អជាងអាក្រក់។ ដូច្នោះសូមកុំព្រួយបារម្ភ ប្រសិនបើអ្នកក្រោកពីគេងយល់សុបិនឃើញឆ្មាកើតកូនចៅបែបនេះ។

សុបិនឃើញឆ្មាកើតកូននៅក្នុងផ្ទះ

អ្នកនឹងមានសំណាងកាន់តែច្រើនឡើង។ សមាជិកគ្រួសារអាចនាំមកនូវដំណឹងល្អ ចំណែកលេខនាំសំណាងគឺ ១ និង ៤។ ប៉ុន្តែចូរកុំលោភលន់នឹងមាសប្រាកកែវកង នៅនឹងមុខពេក ប្រយ័ត្នគ្មានសល់សូម្បីតែ១០០រៀ។

សុបិនឃើញឆ្មាកើតកូនលើដៃរបស់អ្នកឬចាប់បីកូនឆ្មា

អ្នកនឹងមានឱកាសជួបអ្នកជួយឧបត្ថម្ភ មានសំណាងល្អដល់ជីវិត ប៉ុន្តែសូមប្រយ័ត្នចំពោះគ្រោះថ្នាក់។ ធ្វើអ្វីក៏ដោយកុំមើលស្រាលការធ្វើដំណើរទៅណាមកណាក៏ដោយ។ ចំណែកលេខនាំសំណាង ៤ ៥។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សុបិនឃើញឆ្មាកើតកូនបានតែមួយ

អ្នកនឹងមានភាពសប្បាយរីករាយខាងផ្លូវចិត្តច្រើន ចំណែករឿងការងារមានតែភាពរុងរឿង លុយកាក់ចូលមកមិនឈប់ឈរ តែត្រូវឧស្សាហ៍ធ្វើការងារនោះដោយខ្លួនឯង ទើបបានផលជាង។ លេខនាំសំណាង ១ ៩។

សុបិនឃើញឆ្មាកើតកូនច្រើនជាងមួយ ឬច្រើនជាងនេះ

កាលបើគេងសប្តិឃើញបែបនេះ នោះបញ្ហាដែលមានស្រាប់ នឹងត្រូវបានដោះស្រាយយ៉ាងល្អ។ ប៉ុន្តែទោះធ្វើអ្វីក៏ត្រូវការការអត់ធ្មត់ និងមានការព្យាយាមច្រើនដែរ។ លេខនាំសំណាង ១ និង ៧។

សុបិនឃើញឆ្មាកើតបានកូន៩ក្បាល

អ្នកនឹងជួបសំណាងល្អ គ្មានទីបញ្ចប់នៃបញ្ហាគឺជាចក្ខុវិស័យ ដែលមានន័យថា ចាប់ពីពេលនេះតទៅជីវិតនឹងកាន់តែប្រសើរឡើង។ បើអ្នកនៅលីវក្នុងអំឡុងពេលនេះ អ្នកនឹងមានមន្តស្នេហ៍ខ្លាំង អាចជួបគូជីវិតដែលកំពុងរង់ចាគ្នាមកជាយូរ។ លេខសំណាង ៦ និង ៩។

សុបិនឃើញឆ្មាកើតបានកូនច្រើនអនេក

សុបិននេះអាចទាក់ទងនឹងមនុស្សចាស់ ទាយថានឹងទទួលបានលាភសំណាងពីមនុស្សចាស់ ឬទទួលបានដំណឹងល្អពីមិត្តភក្តិ ។ បើមនុស្សចាស់ក្នុងផ្ទះមានជំងឺ នឹងជាសះស្បើយពីជំងឺឬក៏ផុតគ្រោះនឹងមានសំណាងដែរ។ លេខនាំសំណាង១២។

សុបិនឃើញឆ្មាកើតកូនហើយមិនខ្វល់ពីកូនវា

សុបិននេះអាចជាសញ្ញាព្រមាន។ បើមានគូស្នេហ៍នៅឆ្ងាយពីគ្នា ភាគីម្ខាងទៀតប្រហែលជាបានបោះបង់ចោលអ្នក ឬការទំនាក់ទំនងជាមួយមិត្តភក្ដិភេទផ្ទុយអាចមានជម្លោះមាត់ធំដាក់គ្នា ដែលមានន័យថា មិនអាចទទួលបានអ្វីដែលអ្នកចង់បាន ឬអាចមានគ្រោះថ្នាក់របួសស្រាលផងដែរ។ចូរតោងប្រយ័ត្នឲ្យមែនទែន!

គ្រូ ណុប

ចុចអាន៖យល់សប្ដិឃើញឆ្មាកើតកូន ជាប្រផ្នូលល្អឬអាក្រក់?