កីឡា

ជម្រើសជាតិនារីកម្ពុជា អាចចេញទៅហ្វឹកហាត់នៅចិនរយៈពេលយូរ ដើម្បីត្រៀមស៊ីហ្គេម ២០២៣

បានផុស

២ years មុន

នៅ

ថ្ងៃចន្ទ ១៥ សីហា ២០២២

ដោយ

មានការលេចឮដំណឹងថ្មីៗនេះមកថា ក្រុមបាល់ទាត់ជម្រើសជាតិនារីកម្ពុជា គ្រោងចេញទៅហ្វឹកហាត់រយៈពេលយូរនៅប្រទេសចិន ដើម្បីត្រៀមខ្លួនសម្រាប់ព្រឹត្តិការណ៍ស៊ីហ្គេម ឆ្នាំ ២០២៣ ដែលកម្ពុជាធ្វើជាម្ចាស់ផ្ទះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដំណឹងនេះក៏បានបញ្ជាក់ទៀតផងដែរថា គឺគ្រោងនឹងចាកចេញទៅប្រទេសចិននៅអំឡុងខែសីហា ឆ្នាំ ២០២២ នេះផ្ទាល់តែម្ដង ហើយនឹងប្រើរយៈពេលហ្វឹកហាត់នៅទីនោះ ៣ ខែ ឬលើសនេះ ដោយមានកីឡាការិនី គ្រូបង្វឹក និងក្រុមការងារជាច្រើននាក់។ ក្រៅពីនេះក៏មានដំណឹងថា លើសពីការហ្វឹកហាត់ ក៏មានការប្រកួតមិត្តភាពដកស្រង់បច្ចេកទេសផងដែរ។

នេះជាការចេញទៅហ្វឹកហាត់នៅក្រៅប្រទេសលើកដំបូង សម្រាប់ជម្រើសជាតិនារីកម្ពុជា ចាប់តាំងពី ត្រូវបានបង្កើតឱ្យមានឡើងក្នុងឆ្នាំ ២០១៨។

សូមបញ្ជាក់ថា ប្រភេទកីឡាបាល់ទាត់ វិញ្ញាសានារី ក៏នឹងមាននៅក្នុងស៊ីហ្គេម លើកទី ៣២ ឆ្នាំ ២០២៣ ដែលកម្ពុជា ធ្វើជាម្ចាស់ផ្ទះផងដែរ ខណៈនារីកម្ពុជា ក៏ទើបតែបានចូលរួមលើកដំបូងក្នុងស៊ីហ្គេម លើកទី ៣១ ឆ្នាំ ២០២១ (លើកមកឆ្នាំ ២០២២) នៅប្រទេសវៀតណាម ថ្មីៗនេះផងដែរ បើទោះបីជាពុំទាន់ទទួលបានលទ្ធផលល្អក៏ដោយ៕

អត្ថបទ៖ មន្នីរ័ត្ន

Related Topics:ជម្រើសជាតិនារី