ជីវិតកម្សាន្ដ
គន្លឹះ ៥ យ៉ាងនៃអាជីពការងារ គួររៀនតាមតួឯកស្រីក្នុងរឿងភាគកូរ៉េ “Today’s Webtoon”
អ្នកទស្សនារឿងភាគកូរ៉េ Today’s Webtoon ច្បាស់ជាស្គាល់តួអង្គ On Ma Eum ហើយ។ តួអង្គនេះសម្តែងដោយតារាស្រី Kim Se Jeong ដែលធ្លាប់ចូលរួមនៅក្នុងរឿង “Business Proposal” ។
Ma Eum គឺជាអ្នកកែសម្រួលថ្មីនៅ Neon Webtoon ជាមួយនឹងបុគ្គលិកលក្ខណៈស្មោះត្រង់ និងសើចរីករាយដាក់មនុស្សជុំវិញជានិច្ច (មិនថានាងបញ្ហាធំប៉ុណ្ណា)។ អ្វីដែលសំខាន់ នាងមានក្រមសីលធម៌ការងារខ្ពស់ផងដែរ ដូច្នេះចៅហ្វាយនាង តែងសប្បាយចិត្តជាមួយនាងណាស់។ នេះជាគន្លឹះដើម្បីមានស្មារតីការងារខ្ពស់ តាមស្ទីល On Ma Eum ដែលយើងគួរៀនសូត្រតាម។
១ ធ្វើការក្នុងវិស័យដែលអ្នកចូលចិត្ត
មុនពេលក្លាយជាអ្នកនិពន្ធ Ma Eum ជាអត្តពលិកយូដូដែលមានស្នាដៃ។ ប៉ុន្តែដោយសារតែមានគ្រោះថ្នាក់បានកើតឡើងចំពោះរូបគេក្នុងពេលប្រកួតមួយ ទើបនាងសម្រេចចិត្តឈប់រយៈពេលយូរ។ រហូតមកដល់ទីបំផុត Ma Eum បានរកឃើញចំណង់ចំណូលចិត្តរបស់នាងម្ដងទៀត ដោយធ្វើការក្នុងវិស័យដែលនាងពេញចិត្ត គឺជាអ្នកនិពន្ធគេហទំព័រ webtoon។ Webtoons គឺជារឿងសំណព្វចិត្តរបស់ Ma Eum។ ហេតុដូច្នេះហើយ បានជានាងបានព្យាយាមអស់ពីសមត្ថភាព ដើម្បីអាចធ្វើការក្នុងក្រុមហ៊ុនបច្ចុប្បន្នរបស់នាង។ ដូច្នេះ យើងអាចរៀនតាមនាងបានថា ការធ្វើការក្នុងវិស័យដែលយើងចូលចិត្ត នឹងជះឥទ្ធិពលវិជ្ជមានទៅលើការបំពេញការងាររបស់យើងសព្វថ្ងៃផងដែរ។
២ តែងតែផ្ដល់ការបញ្ជាក់ជាវិជ្ជមានដល់ខ្លួនឯង និងអ្នកដទៃ
ចរិតរបស់ Ma Eum មានអាកប្បកិរិយាល្អចេញពីក្នុងចិត្ត និងរីករាយ ដែលផ្តល់ថាមពលវិជ្ជមានដល់អ្នកជុំវិញខ្លួន។ លើសពីនេះ នាងតែងផ្ដល់ការលើកទឹកចិត្ត និងពាក្យលើកទឹកចិត្តដល់មិត្តរួមការងារផងដែរ។ Ma Eum បានផ្តល់ការបញ្ជាក់ជាវិជ្ជមានសម្រាប់ខ្លួននាងថា ត្រូវសាទរក្នុងការដំណើរការថ្ងៃរបស់នាង។ ទោះបីជាវាស្តាប់ទៅដូចជារឿងតូចតាចក៏ដោយ ប៉ុន្តែការបញ្ជាក់ជាវិជ្ជមាន មានផលប៉ះពាល់យ៉ាងខ្លាំងនៅពេលដែលយើងបាននិយាយដោយរីករាយចំពោះខ្លួនឯង។ សាកល្បងមើល!
៣ រៀបចំតុធ្វើការឲ្យមានភាពងាយស្រួលតាមដែលអាចធ្វើទៅបាន
លក្ខខណ្ឌបរិស្ថានជុំវិញ បានផ្តល់ឥទ្ធិពលលើការអនុវត្តរបស់មនុស្ស។ ដូច Ma Eum បានធ្វើដែរ វិធីសាមញ្ញក្នុងការរៀបចំតុអាចជះឥទ្ធិពលយ៉ាងខ្លាំងដល់អារម្មណ៍។ Ma Eum បានធ្វើឲ្យតុរបស់នាងនៅក្នុងការិយាល័យមានភាពងាយស្រួលតាមដែលអាចធ្វើទៅបាន។ មានការតុបតែងជាច្រើន ដែលអាចលើកវិញ្ញាណរបស់នាងដូចជាតុក្កតាយូដូ និងកាក់សំណាងពីចៅហ្វាយ។ បើអ្នកចង់សាកល្បងគន្លឹះទាំងនេះ អាចធ្វើបានពិតជាបានផលពិតមែន!
៤ ឲ្យតម្លៃខ្លួនឯង
មនុស្សដែលយល់ពីយើងជាងគេ គឺខ្លួនយើងនេះហើយ។ ដូច្នេះកុំពិបាកនឹងខ្លួនឯងពេក ត្រូវស្មោះត្រង់នឹងខ្លួនឯង។ ដូចដែល Ma Eum ធ្វើដែរ ពេលនាងជោគជ័យក្នុងការធ្វើអ្វីមួយ នាងសរសើរខ្លួនឯង។ ការកោតសរសើរខ្លួនឯង គឺជាគន្លឹះមួយដើម្បីរក្សាស្មារតីការងាររបស់អ្នកឲ្យភ្ញាក់។ មិនចាំបាច់ទិញរបស់ថ្លៃៗទេ គ្រាន់តែញ៉ាំអាហារដែលអ្នកចូលចិត្ត ឬធ្វើចំណង់ចំណូលចិត្តដែលអ្នកចូលចិត្តជាងគេ។
៥ ស្វែងរកដៃគូដែលធ្វើការ ឬមានប្រេកង់ដូចគ្នា
គន្លឹះចុងក្រោយគឺស្វែងរកដៃគូការងារដែលមានប្រេកង់ដូចគ្នា (មនុស្សមាននិស្ស័យ ឬចំណង់ចំណូលចិត្តស្រដៀងគ្នា)។ ពេលខ្លះវាមិនងាយស្រួលទេ ក្នុងការស្វែងរកដៃគូការងារ ប៉ុន្តែអ្នកនៅតែអាចព្យាយាមបាន។ ដូច Ma Eum ដែរ កាលដើមឡើយ ពួកគេមិនសូវស្និទ្ធស្នាលជាមួយនាងនោះទេ ប៉ុន្តែពួកគេអាចព្យាយាមនិយាយជាមួយនាង និងជួយនាងប្រសិនបើនាងមានបញ្ហា។ ដៃគូដែលធ្វើការជាមួយប្រេកង់ នឹងនាំមកនូវថាមពលវិជ្ជមានដល់ខ្លួនអ្នក។ ពួកគេនឹងក្លាយជាហេតុផលមួយ ដែលយើងទៅធ្វើការដោយភាពរីករាយផងដែរ។
ក្រោយបានអានរឿងពីតួស្រី Ma Eum រួចហើយ តើអ្នកមានអារម្មណ៍យ៉ាងណាដែរ? អ្នកអាចសាកល្បងវិធីនេះ ស្វែងរកដៃគូការងាររបស់អ្នកដែលគិតថាសមនឹងអ្នក ទើបធ្វើឲ្យភារកិច្ចធ្ងន់នោះអាចទៅមុខបាន។ មិនថាយើង ឬក្រុមការងារដែលមានក្រមសីលធម៌ការងារខ្ពស់ ប្រៀបដូចជាពន្លឺថ្ងៃចំពោះបរិស្ថានជុំវិញ។ មនុស្សដែលសប្បាយចិត្តពេលឃើញយើងរីកចម្រើន មិនពិបាកមើលឡើយ! ប៉ុន្តែត្រូវជឿលើកែវភ្នែកនិងខួរក្បាលខ្លួនឯង កុំជឿលើពាក្យសំដីមនុស្សជុំវិញដែលមានស្នៀតបន្លំចាំតែចាក់ឲ្យសោះ៕
អត្ថបទ៖ សាង ស្រីល័ក្ខ
ចុចអាន៖ទម្លាប់ទាំង ៦ របស់យុវវ័យ នាំឲ្យមានការសោកស្ដាយពេលចាស់ទៅ
ឈ្វេងយល់ពីវិធីសាស្ត្រព្យាបាលជំងឺមហារីកគ្រាប់ឈាម តាមរយៈបច្ចេកទេសទំនើបចុងក្រោយនៃមជ្ឈមណ្ឌល Parkway Cancer Centre
តម្លៃប្រេងអន្តរជាតិធ្លាក់ចុះតិចតួចប្រចាំថ្ងៃ តែកើនប្រចាំសប្ដាហ៍
ក្រសួងការងារ ប្រកាសពីតម្រូវការកម្លាំងពលកម្មក្នុងស្រុកជាង ៦ ម៉ឺនកន្លែង បម្រើវិស័យធំៗ ៣
ថ្ងៃស្អែក ឈុត ចិត្រា ប៉ះកីឡាករជប៉ុន Hirota ក្នុងការប្រកួតប្រដាល់សកល
កីឡាករ ណៃ កា កីឡាថ្មីនេះប្លែកបន្តិច ប៉ុន្តែប្ដេជ្ញាយកមេដាយជូនកម្ពុជាឲ្យបាន
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
ការខូចខាតបឋម ព្រោះគ្រោះរញ្ជួយដីដ៏ខ្លាំងក្លាដែលវាយប្រហារអាស៊ីអាគ្នេយ៍
នាយករដ្ឋមន្ត្រីថៃ ដាក់ចេញបទបញ្ជាបន្ទាន់ដើម្បីគ្រប់គ្រង់គ្រោះរញ្ជួយដី
របាយការណ៍ចុងក្រោយបំផុតអំពីការបំផ្លិចបំផ្លាញ និងរងគ្រោះ ព្រោះការរញ្ជួយដីនៅអាស៊ីអាគ្នេយ៍
-
ព័ត៌មានអន្ដរជាតិ១៩ ម៉ោង agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា១ សប្តាហ៍ agoកញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ agoតើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?