វ័យ ៧០ឆ្នាំ ស្អែកខានស្អែកហើយ ឈិន ឡុង នៅតែមាំមួន ទាក់ទាញចំណាប់អារម្មណ៍ពីសាធារណជន

កំពូលតារាក្បាច់គុន ឈិន ឡុង (Jackie Chan) បានធ្វើឱ្យមហាជនភ្ញាក់ផ្អើលខ្លាំង ក្រោយបង្ហាញខ្លួននៅផ្សារទំនើបមួយ ក្នុងវ័យ ៦៨ឆ្នាំ មើលទៅលោកនៅតែរឹងមាំ និងមានសុខភាពល្អមិនចាញ់មនុស្សវ័យក្មេងប៉ុន្មានឡើយ។

លោក ឈិន ឡុង ជា​តារា​ភាពយន្ត​ក្បាច់​គុន​ដ៏​ល្បី​ក្នុងវិស័យ​ភាពយន្ត​ចិន ក៏ដូចជាធ្លាប់បង្ហាញវត្តមានក្នុងហូលីវូដជាច្រើនរឿងផងដែរ។ តារាប្រុសរូបនេះនៅតែដណ្ដើមបានប្រជាប្រិយភាពក្នុងចំណោមទស្សនិកជនរាប់សិបនាក់ បើទោះជាមិនសូវបង្ហាញខ្លួនក្នុងឧស្សាហកម្មភាពយន្តដូចមុនក៏ដោយ។

ជាក់ស្ដែងថ្មីៗនេះ ឈិន ឡុង បានបង្ហាញខ្លួនក្នុងផ្សារទំនើបមួយកន្លែង ធ្វើឱ្យសាធារណជនចោមរោមថតរូប និងសរសើរគ្រប់គ្នា។ ថ្វីត្បិតឆ្នាំនេះ លោកឈានចូលវ័យ ៦៨ឆ្នាំហើយក្ដី ក៏លោកធ្វើឱ្យសាធារណជនមានអារម្មណ៍រំភើបពេលបានជួបផ្ទាល់ ជាពិសេសរាងកាយរបស់លោកមើលទៅពិតជាមានសុខភាពល្អ រហ័សរហួន ស្វាហាប់ ធ្វើឱ្យក្មេងៗខ្លះសុំខ្មាស់ទៀតផង។ នៅក្នុងស្លៀកសម្លៀកបំពាក់បែបយុវវ័យ តារាសម្តែងរូបនេះនៅតែទទួលបានការគាំទ្រពីមនុស្សម្នាមិនស្រកស្រុតអីបន្តិច។

យ៉ាងណាមិញ ប្រភពពីសារព័ត៌មានក្នុងស្រុក បានទម្លាយថា តាមពិតមួយរយៈនេះ ឈិន ឡុង មានសុខភាពមិនសូវល្អប៉ុន្មានទេ ដោយសារលោករងរបួសក្រោយសម្ដែងភាពយន្ត។ ទោះយ៉ាងនេះក្ដី ក៏លោកនៅតែចូលរួមសកម្មភាពសិល្បៈយ៉ាងសកម្ម ដោយមិនខ្វល់ពីការសម្រាកឡើយ។ ជាពិសេស​សុខភាពមាំមួនរបស់លោក ត្រូវបានគេដឹងថា គឺដោយសារតែលោកមិនដែលខកខានហ្វឹកហាត់កាយសម្បទា និងហាត់ក្បាច់គុនជាប្រចាំ៕

ប្រែសម្រួល៖ សន្យា

ប្រភព៖ Bestie

ចុចអាន៖ គ្រូបង្រៀនឥណ្ឌា គំរាមធ្វើបាបសិស្សស្រីម្នាក់ដែលជាអ្នកគាំទ្រក្រុម BTS

ចុចអាន៖ ក្រោយឧបទ្ទវហេតុធ្លាក់ LED ក្រុមចម្រៀង Mirror ត្រូវផ្អាកបង្ហាញខ្លួនជាសាធារណៈ រហូតចុងខែកញ្ញា