ផ្ទុះកូវីដខ្លាំង ម៉ាស់នៅ ភូកេត ឡើងថ្លៃហើយ រកទិញមិនបានទៀត

ខេត្ត ភូកេត កំពុងរងគ្រោះដោយកង្វះម៉ាស់បន្ទាប់ពីប្រជាពលរដ្ឋម្នាក់ត្រូវបានធ្វើតេស្តរកឃើញមានជំងឺកូវីដ១៩ពាក់ព័ន្ធនឹងការឆ្លងរលកថ្មី។

អ្នកប្រើប្រាស់បណ្តាញសង្គមមួយចំនួនបានបង្ហោះការត្អូញត្អែរអំពីកង្វះខាតនិងតម្លៃម៉ាស់ហក់ឡើងខ្ពស់ក្នុងមួយរំពេច។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កាលពីថ្ងៃព្រហស្បតិ៍ ម្ចាស់ឱសថស្ថានមួយក្នុងស្រុក មឿង បាននិយាយថា អតិថិជនជាច្រើនបានសម្រុកមកទិញម៉ាស់ប៉ុន្តែម៉ាស់ក្នុងហាងរបស់គាត់អស់ពីស្តុកទៅហើយ។

លោកនិយាយថា “អ្នកផ្គត់ផ្គង់បានបដិសេធទទួលយកការកម្ម៉ង់ទិញថ្មីៗដោយនិយាយថា ស្តុកនៅក្នុងដៃរបស់ពួកគេទាំងអស់គឺត្រូវបានទិញអស់ហើយ។ ពួកគេនិយាយថា ពួកគេនឹងត្រៀមខ្លួនសម្រាប់ការកម៉្មង់ទិញថ្មីនៅខែមករាខាងមុខនេះ”។

ស្របពេលជាមួយគ្នានោះ សមាគមទេសចរណ៍ខេត្តភូកេតបាននិយាយថា ខ្លួនបានចុះទៅពិនិត្យឱសថស្ថានចំនួន៦កន្លែងនៅក្នុងខេត្តហើយឱសថស្ថានទាំងនោះពុំមានម៉ាស់នៅក្នុងស្តុកឡើយ។

កាលពីថ្ងៃពុធ អភិបាលខេត្តភូកេតលោក Narong Woonsiew បាននិយាយថា កង្វះម៉ាស់វេជ្ជសាស្រ្តគឺជាបញ្ហាដែលត្រូវដោះស្រាយជាបន្ទាន់។ លោកនិយាយថា ការិយាល័យរបស់លោកបានទទួលពាក្យបណ្តឹងលើបញ្ហានេះហើយលោកបានបញ្ជាឲ្យមានការស៊ើបអង្កេត៕

ប្រែសម្រួលដោយ៖ Vann Vann

ប្រភព៖ Asian One

ចុចអាន៖ ករណីផ្ទុះកូវីដនៅ សាមុត សាខន ពេលនេះរាលដាលទៅដល់ ភូកេត

ចុចអាន៖ កូវីដនៅ ថៃ រាលដាលដល់៣១ខេត្ត