កីឡា

ផ្លូវការ ជម្រើសជាតិកម្ពុជា នឹងប្រកួតមិត្តភាពជាមួយ បង់ក្លាដេស នៅពហុកីឡដ្ឋានជាតិមរតកតេជោ នាខែក្រោយ

បានផុស

២ years មុន

នៅ

ថ្ងៃពុធ ១៧ សីហា ២០២២

ដោយ

នៅថ្ងៃនេះសហព័ន្ធកីឡាបាល់ទាត់កម្ពុជា បានប្រកាសជាផ្លូវការថា ក្រុមបាល់ទាត់ជម្រើសជាតិកម្ពុជា នឹងមានការប្រកួតមិត្តភាពអន្តរជាតិជាមួយ ក្រុមជម្រើសជាតិបង់ក្លាដេស នៅខែក្រោយ។

ការប្រកួតនឹងធ្វើឡើងនៅថ្ងៃទី ២២ ខែកញ្ញា ឆ្នាំ ២០២២ នៅពហុកីឡដ្ឋានជាតិមរតកតេជោ ខណៈពេលវេលាប្រកួតអាចដ្បិតមិនទាន់មានការបញ្ជាក់ច្បាស់ ប៉ុន្តែអាចនឹងនៅវេលាម៉ោង ៦:៣០ នាទីល្ងាច ឬ ៧:០០ ល្ងាច។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រុមទាំងពីរធ្លាប់ជួបគ្នាលើកចុងក្រោយកាលពីឆ្នាំ ២០១៩ ដែលពេលនោះធ្វើឡើងនៅកម្ពុជា ដូចគ្នានាពហុកីឡដ្ឋានជាតិ ដោយកម្ពុជា បានរងបរាជ័យ ០-១ ក្រោមថ្វីជើងបង់ក្លាដេស ខណៈគ្រានោះកម្ពុជា ប្រើប្រាស់កីឡាកអាយុក្រោម ២២ ឆ្នាំទាំងអស់។

សូមបញ្ជាក់ថា នេះអាចជាការប្រកួតដកស្រង់ ដើម្បីវាស់ស្ទង់ ក៏ដូចជាស្វែងរក និងរក្សាទម្រង់លេងរបស់កីឡាករនៅលើកម្រិតអន្តរជាតិ ជាពិសេសក៏ដើម្បីត្រៀមសម្រាប់ការប្រកួតជើងឯកអាស៊ីអាគ្នេយ៍ (AFF Championship ឬគេនិយមស្គាល់ AFF Suzuki Cup) ឆ្នាំ ២០២២ នេះ នៅចុងឆ្នាំអំឡុងខែធ្នូ៕

អត្ថបទ៖ មន្នីរ័ត្ន