ជីវិតកម្សាន្ដ

នាយ ចឺម បកស្រាយរឿងបែកបាក់ស្នេហ៍

បានផុស

២ years មុន

នៅ

ថ្ងៃពុធ ១៧ សីហា ២០២២

ដោយ

ភ្នំពេញ ៖ អ្នកគាំទ្របានដឹងគ្រប់គ្នាហើយថា កន្លងមកតារាចម្រៀងវ័យក្មេងនាយ ចឺម បានទម្លាយការពិតនូវទំនាក់ទំនងស្នេហាជាមួយនារីរូបស្រស់ម្នាក់ដែលគេដឹងថាជាមេម៉ាយកូនមួយ។ អ្នកមេម៉ាយកូនមួយដែលកំពុងតែមានទំនាក់ទំនងស្នេហាជាមួយនាយ ចឺម ត្រូវបានគេស្គាល់ឈ្មោះ សេង សុខឃីម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទន្ទឹមគ្នាដែលចំណងស្នេហារបស់ពួកគេកាន់តែមានភាពផ្អែមល្ហែមនិងមានគាំទ្រពីមហាជនភាគច្រើននោះ ក៏ស្រាប់តែសង្សារនាយ ចឺម គឺអ្នកនាង សេង សុខឃីម ថ្មីៗនេះបានបញ្ចេញអារម្មណ៍មិនសប្បាយចិត្តហើយថែមទាំងនិយាយថាចប់គ្នានិងថែមទាំងដេញឱ្យគូស្នេហ៍ទៅរកអ្នកថ្មីទៀត។

ស្រាយចម្ងល់សង្ស័យនេះតារាចម្រៀងនាយចឺមបានប្រាប់កម្ពុជាថ្មីតាមទូរស័ព្ទនៅរសៀលថ្ងៃទី១៧ខែសីហា ឆ្នាំ២០២២នេះថា សម្រាប់រឿងនេះនាយមិន ទាន់សម្រេចថាយ៉ាងណាទេ។ ប៉ុន្តែបើតាមការជាក់ស្តែងអំឡុងពេលប៉ុន្មានថ្ងៃនេះខ្លួននិងគូស្នេហ៍ហាក់មានភាពរកាំរកុះជាមួយគ្នាក្រោយ សុឃីម បង្ហោះសារជាបន្តបន្ទាប់។

តារាវ័យក្មេងនាយ ចឺម បានបន្តថា រឿងដែលអ្នកនាង សេង សុខឃីម ចេញសារប្លែកៗនៅលើហ្វេសប៊ុកនោះ មកពីនាងចូលចិត្ត «Drama»ហើយនាយក៏មិនដឹងជាធ្វើម៉េចដែរ។ យ៉ាងណាមិញនាយ ចឺម ស្នើសុំមហាជនមួយចំនួនដែលចូលចិត្តជេរបែរជាន់ ពន្លិចមេត្តាកុំវិនិច្ឆ័យរឿងដោយមិនដឹងការពិតឬហេតុផលច្បាស់លាស់។ ចឺម បន្ថែមថា នៅវេលាម៉ោងប្រមាណ៥ល្ងាចនេះខ្លួននិងចេញមុខឡាយផ្ទាល់នៅលើបណ្តាញសង្គមហ្វេសប៊ុកផ្ទាល់ខ្លួនផងដែរ៕

ដោយ ៖ ចាន់រ៉ា