​បើក​វគ្គ​បណ្តុះបណ្តាលអក្ខរកម្ម​ឌីជីថលវិស័យទេសចរណ៍ នៅ​រាជធានីភ្នំពេញ​និងខេត្តសៀមរាប ​

ក្រសួងទេសចរណ៏បានចេញសេចក្តីជូនដំណឹងស្តីពី ពិធីបើកវគ្គបណ្តុះបណ្តាលអក្ខរកម្មឌីជីថលក្នុងវិស័យទេសចរណ៏សម្រាប់រាជធានីភ្នំពេញ​ និងខេត្តសៀមរាប ដែល​នឹង​ប្រព្រឹត្តទៅនៅថ្ងៃទី ២២ ខែសីហា ឆ្នាំ២០២២ ខាងមុខនៅ​វេលាម៉ោង ៨:៣០នាទី នៅអគារ Kampus តាមប្រព័ន្ធវីឌីអូ Zoom។

តានសេចក្តីជូនដំណឹង កម្មវិធីមួយនេះនឹងមានការចូលរួមពីលោក ហ៊ុន ម៉ានី ប្រធានគណៈកម្មការអប់រំ យុវជន កីឡា ធម្មការ កិច្ចការសាសនា វប្បធម៌ និងទេសចរណ៍ នៃរដ្ឋសភា ជាប្រធានសហភាពសហព័ន្ធយុវជនកម្ពុជា និងជាប្រធានក្រុមព្រឹក្សាភិបាលនៃមជ្ឈមណ្ឌលកម្ពុជា ៤.០ និង​រដ្ឋមន្រ្តីក្រសួងទេសចរណ៍​លោក​ ថោង ខុន។

គួរបញ្ជាក់ថា ការរៀបចំកម្មវិធីនេះឡើង នៅក្នុងគោលបំណង ឆ្លើយតបទៅនឹងតម្រូវការនៃការប្រើប្រាស់បច្ចេកវិទ្យាដើម្បីស្តារ និងលើកស្ទួយវិស័យទេសចរណ៍ក្នុងនិងក្រោយវិបត្តិនៃជំងឺកូវីដ ១៩៕

ដោយ៖​ ឌឿនចាន់ ថារី