ព័ត៌មានជាតិ
អគ្គលេខាធិការក្លិបកោះកុង មោទកភាពក្រោយក្លិបបានឡើងវគ្គ ៨ ក្រុមចុងក្រោយពានសម្តេចតេជោ លើកដំបូង
ក្លិបបាល់ទាត់កោះកុងអេហ្វស៊ី បានឡើងវគ្គ ៨ ក្រុមចុងក្រោយ ពានរង្វាន់សម្តេចតេជោ ហ៊ុន សែន ឆ្នាំ ២០២២ វគ្គថ្នាក់ជាតិ បន្ទាប់ពីបានយកឈ្នះលើ ក្លិបបាល់ទាត់អង្គរថាយហ្គឺរ ក្នុងលទ្ធផលសរុបទាំងពីរជើង ៤-៣។
បានឡើងបែបនេះ បន្ទាប់ពីជើងទី ១ កោះកុង រងបរាជ័យ ១-២ ប៉ុន្តែជើងទី ២ បានវាយបកយកឈ្នះ ១-៣ វិញ នាំឱ្យបំបែកកំណត់ត្រាជាប្រវត្តិសាស្ត្រសម្រាប់ក្លិបដែលបានឡើងដល់វគ្គនេះ ខណៈលោក សូ សំណាង អគ្គលេខាធិការក្លិប បានសម្ដែងក្ដីមោទកភាព ដ្បិតជាលើកដំបូងសម្រាប់ក្រុមតំណាងខេត្តមួយនេះ។
ថ្លែងប្រាប់មកកាន់ ‘កម្ពុជាថ្មី’ លោក សូ សំណាង បានសម្ដែងចំណាប់អារម្មណ៍ដូច្នេះថា៖ «ខ្ញុំមានអារម្មណ៍ថាសប្បាយចិត្ត និងរំភើបយ៉ាងខ្លាំង ដែលជាប្រវត្តិសាស្ត្ររបស់ក្លិបកោះកុង លើកដំបូង បានឆ្លងផុតវគ្គ ១៦ ក្រុម ទៅវគ្គបន្តគឺវគ្គ ៨ ក្រុម ហើយពួកខ្ញុំ ក្រុមការងារ ហើយនឹងកីឡាករពិតជារំភើបខ្លាំងមែនទែន ដែលបានឆ្លងទៅវគ្គបន្តនេះ។ ជាពិសេសកម្លាំងចិត្តបានមកពីអ្នកគាំទ្ររបស់យើង ហើយជាពិសេសមួយទៀត គឺអ្នកនៅពីក្រោយខ្នង គឺថ្នាក់ដឹកនាំខេត្ត និងលោកប្រធានសមាគម អនុប្រធានសមាគម និងសមាជិកដទៃទៀត ដែលតែងតែលើកទឹកចិត្តដល់ពួកយើង ឱ្យយើងមានកម្លាំងចិត្តមួយដែលអាចពុះពារបាន ចូលមកដល់វគ្គបន្តបន្ទាប់ទៀត។»
នៅវគ្គ ៨ ក្រុមចុងក្រោយ កោះកុង នឹងត្រូវជួប បឹងកេត ខណៈអគ្គលេខាធិការដដែលរូបនេះ រំពឹងក្រុមនឹងព្យាយាមឱ្យអស់ពីលទ្ធភាព និងសង្ឃឹមថាមានអ្នកគាំទ្រចូលរួមទស្សនាដើម្បីជាកម្លាំងចិត្ត។
«ក្នុងវគ្គ ៨ ក្រុមពួកយើងនឹងធ្វើឱ្យបានល្អ នឹងធ្វើឱ្យអស់ពីលទ្ធភាពដែលពួកយើងមាន។ ការប្រកួតយើងជាមួយបឹងកេត គឺយើងចង់ឱ្យមានអ្នកគាំទ្ររបស់ក្រុមទាំងពីរ ជាពិសេសអ្នកគាំទ្ររបស់ក្រុមកោះកុង ចូលរួមឱ្យបានច្រើនកុះករដើម្បីជួយលើកទឹកចិត្តដ៏សំខាន់ ដើម្បីឱ្យក្រុមការងារ ក្រុមកីឡាករកោះកុងមានកម្លាំងចិត្តដ៏ពិសេសមួយ ដើម្បីឈានទៅវគ្គបន្ត និងជោគជ័យបន្តទៀត តែអ្វីដែលយើងគិតវាមិនងាយស្រួល ប៉ុន្តែពួកយើងនឹងប្រឹងឱ្យអស់ពីលទ្ធភាព។» សម្ដីទាំងស្រុងរបស់ លោក សូ សំណាង។
បញ្ជាក់ថា កោះកុង នឹងត្រូវជួប បឹងកេត ជើងទី ១ នៅថ្ងៃទី ២៤ ខែសីហា នៅទឹកដីរបស់ខ្លួន ក្នុងទីលានវិទ្យាល័យ តេជោសែន កោះកុង និងជើងទី ២ ទៅទឹកដីរបស់បឹងកេត កីឡដ្ឋានខេមបូឌាអ៊ែវ៉េ វិញនៅថ្ងៃទី ៣១ ខែសីហា៕
អត្ថបទ៖ មន្នីរ័ត្ន
កុមារា អាយុ ៩ឆ្នាំម្នាក់ លង់ទឹកស្លាប់នៅស្រុកឆ្លូង
សំណាកចំណីអាហារ១២មុខ ត្រូវបានមន្ត្រីជំនាញពិនិត្យរកសារធាតុហាមឃាត់
អបអរសាទរ! U20 កម្ពុជា បានឈ្នះ បារ៉ែន បង្កើតក្តីសង្ឃឹមឡើងវគ្គបន្ត
តុលាការកាត់ទោសបុរសស្រវឹងបើករថយន្តបុកមនុស្សស្លាប់៤នាក់នៅស្ពានអាកាសឬស្សីកែវ ឱ្យជាប់ពន្ធធនាគា៥ឆ្នាំ
លោក លី ធុជ៖ សម្ដេចធិបតី ជាមេដឹកនាំសកម្មក្នុងការអំពាវនាវឱ្យបណ្តាប្រទេសនានាគាំទ្រដល់អនុសញ្ញាអូតាវ៉ា
លោក លៀក លីដា បង្ហាញការខកចិត្តចំពោះការរិះគន់របស់ Allan
Allan អះអាងថា ខ្លួនហ៊ានទទួលយកការវិនិយោគ និងប្រើថវិកាត្រឹម ៨មុឺនដុល្លារប៉ុណ្ណោះ ដើម្បីផលិតកុនគុណភាព
អាជ្ញាធរខេត្តក្រចេះ ត្រៀមទីទួលសុវត្ថិភាព១១៧កន្លែង សម្រាប់ជម្លៀសពលរដ្ឋពីគ្រោះទឹកជំនន់
ម្ចាស់ផលិតកម្ម LD ប្រកាសថា បើជំនួបវិនិយោគរឿងខ្ទង់ ៨មុឺនដុល្លារ របស់ Allan មិនជោគជ័យ មករកលោក
ភាគកណ្តាលវៀតណាម មានមនុស្សស្លាប់ដោយសារទឹកជំនន់ ខណៈជាង ១ម៉ឺននាក់ ត្រូវជម្លៀស
-
ព័ត៌មានជាតិ៧ ថ្ងៃ agoព្យុះ ពូលឡាសាន ជាមួយវិសម្ពាធទាប នឹងវិវត្តន៍ទៅជាព្យុះទី១៥ បង្កើនឥទ្ធិពលខ្លាំងដល់កម្ពុជា
-
ព័ត៌មានអន្ដរជាតិ៦ ថ្ងៃ agoឡាវ បើកទំនប់ទឹកនៅខេត្ត Savannakhet
-
ព័ត៌មានអន្ដរជាតិ២ ថ្ងៃ agoព្យុះខ្លាំង ៥ទៀត នឹងវាយប្រហារ វៀតណាម មុនដាច់ឆ្នាំ
-
ព័ត៌មានជាតិ៥ ថ្ងៃ agoBreaking News! កម្ពុជា សម្រេចដកខ្លួនចេញពីគម្រោងCLV-DTA
-
ព័ត៌មានអន្ដរជាតិ១ សប្តាហ៍ agoព្យុះកំបុងត្បូង នឹងវាយប្រហារប្រទេសថៃ នៅថ្ងៃសុក្រនេះ
-
ព័ត៌មានអន្ដរជាតិ២ ថ្ងៃ agoភ្លៀងធ្លាក់ខ្លាំងមិនធ្លាប់មានក្នុងមួយសតវត្សរ៍នៅកូរ៉េខាងត្បូង ប្រែក្លាយទីក្រុងទៅជាទន្លេ
-
ជីវិតកម្សាន្ដ១៤ ម៉ោង agoលោក លៀក លីដា បង្ហាញការខកចិត្តចំពោះការរិះគន់របស់ Allan
-
ជីវិតកម្សាន្ដ១៥ ម៉ោង agoAllan អះអាងថា ខ្លួនហ៊ានទទួលយកការវិនិយោគ និងប្រើថវិកាត្រឹម ៨មុឺនដុល្លារប៉ុណ្ណោះ ដើម្បីផលិតកុនគុណភាព