សុបិន ១៩ ប្រភេទនេះ ចាស់ៗជឿថា ដូចមានគេយកមាសប៉ុនដូងទុំមកឲ្យ

សុបិនគឺជាអប្បិយជំនឿមួយដែលមនុស្សគ្រប់គ្នា ជាពិសេសជនជាតិអាស៊ីជឿជាក់ថា ជាប្រផ្នូលមួយមកដាស់តឿននៅពេលយើងភ្ញាក់ពីគេង។ មួយវិញទៀត ចាស់ៗពីដើមលោកមានជំនឿថា នឹងមានគេយកគេមាសប៉ុនដូងទុំមកឲ្យឬនាំលាភសំណាងដល់ផ្ទះមិ​នខាន។

ដូច្នេះថ្ងៃនេះ គ្រូ ណុប ​បានចងក្រងនូវកម្រង “ទស្សន៍ទាយ​សុបិន” ដែលប្រាប់អ្នកបាន​ថា ​អ្នក​មាន​សំណាង ឬ​មាន​ហេតុភេទ​អ្វី​កំពុង​កើតឡើងខ្លះនៅពេលភ្ញាក់ពីដំណេក។

១ សុបិន​ឃើញ​សត្វ​ពស់ ការងារ​​កំពុង​ត្រូវ​បាន​វិនិច្ឆ័យ​ផ្សេងៗគ្នា​ ដើម្បី​ផ្លាស់ទី​តាម​របៀប​ថ្មី​ ឬ​អាច​ផ្លាស់ប្ដូរ​មុខតំណែង​ថ្មី​ក៏​ថា​បាន។ ចំណែក​ឯ​ក្នុង​បញ្ហា​ហិរញ្ញវត្ថុ អាច​ទទួល​បាន​លាភ​សំណាង​ពី​អ្នកចម្ងាយ។

២​ សុបិន​ឃើញ​ត្រី នឹងទទួលបានសំណាង អាចមកក្នុងទម្រង់ជាវត្ថុ ចំណែក​តួនាទី​ការងារ​វិញ​ ក៏​កាន់​តែ​ប្រសើរ​ឡើង​ទៅមុខដែរ។

៣ សុបិន​ឃើញ​ភួយ បញ្ហា​ហិរញ្ញវត្ថុ​កាន់តែប្រសើរ​ លែងសូវខ្វះខាតមុខក្រោយដូចមុន​ ចំណែក​ឯ​ការ​រកស៊ី​ទទួលទាន​អាច​នឹង​កាក់កប​មកវិញខ្លះៗដែរ។

៤ សុបិន​ឃើញ​នៅ​ក្នុង​ទី​ងងឹត មិនអីទេ! ទីងងឹតមិនមែនមានន័យថាអាក្រក់ឡើយ តែបែរជាមាន​លុយ​ហូរ​ចូល​ហោប៉ៅ​របស់​អ្នកវិញទេ។

៥ សុបិន​លិចកប៉ាល់ ក្នុងសុបិនអាចនឹងភ័យព្រួយ តែយ៉ាងណានៅខាងក្រៅ អ្នកនឹងទទួលបានប្រាក់ពីនរណាម្នាក់ យកមកឲ្យឆាប់ៗនេះ។

៦ សុបិន​ឃើញ​ឡើងលើជញ្ជាំង នឹងមានសំណាងល្អ ទទួលបានជោគជ័យក្នុងកិច្ចការងារ។

៧ សុបិន​ឃើញ​ស្លាប់ នឹងទទួលបានសំណាង ឬទទួលបានទ្រព្យសម្បត្តិទាក់ទងនឹងការងារ។

៨ សុបិន​ឃើញ​មនុស្ស​សម្លាប់គ្នា នឹង​ទទួល​បាន​សំណាង​ដោយ​ការប្រថុយលើរឿងអ្វីមួយ ហើយ​អ្នក​ដែល​ធ្លាប់​ធ្វើបាប​យើង​នឹង​ក្លាយ​ជា​មិត្ត​ល្អមកវិញ។

៩ សុបិន​ចង់​បាន​ភ្លុកដំរី​ នឹង​ទទួល​បាន​ជោគជ័យលើការងារ មាន​លុយ​កាក់ និង​ទទួល​បាន​លាភ​សំណាង​ពី​មនុស្ស​ចាស់។

១០ សុបិនឃើញសត្វល្អិតចូលផ្ទះ នឹងមានសំណាងធំ អ្នក​ដែល​ប្រកប​អាជីព​ក្នុង​ការ​ជួញ​ដូរ​ នឹង​ទទួល​បាន​ប្រាក់​ចំណេញច្រើនៗចូលផ្ទះ។

១១ សុបិនបានធ្វើបុណ្យព្រះសង្ឃ​ នឹងទទួលបានសំណាងពីមនុស្សពេញវ័យ ឬនឹងទទួលបានកេរ្តិ៍ឈ្មោះល្អ។

១២ សុបិនឃើញធុងទឹក នឹងទទួលបានសំណាងតិចតួច​ពីបុគ្គលភេទផ្ទុយ ជាពិសេសអ្វីដែលកំពុងគិត ឬកំពុងធ្វើ នឹងជោគជ័យនាពេលខាងមុ។

១៣ សុបិន្តឃើញមាសឬទទួលបានមាស នឹងទទួលបានសំណាងពីមនុស្សចាស់ ឬមានគេយកលាភនាំឲ្យរាសីឡើងស្រឺតៗ។

១៤ សុបិនឃើញជើងព្រះពុទ្ធ នឹងត្រូវបានតម្លើងឋានៈក្នុងតួនាទីការងារ ហើយនឹងមានសំណាងផ្សេងៗគ្នាដែរ។

១៥ សុបិនថាដេកលើគំនរចំបើង មនុស្សពេញវ័យនឹងនាំមកនូវសំណាងល្អ ឬត្រូវបានតម្លើងឋានៈក្នុងតួនាទីការងារសព្វថ្ងៃ។

១៦ សុបិនឃើញបក្សីមួយក្បាល អ្នកនឹង​មាន​លាភ​សំណាង ការងារ​ចូល​ទៅ​ក្នុង​ផ្លូវ​ល្អ និង​ចម្រើនទៅមុខ ។

១៧ សុបិនឃើញដំរី នឹងទទួលបានសំណាង នេះប្រហែលជាមកពីអ្នកចាស់ទុំដែលយើងគោរពបានយកមកឲ្យដល់កន្លែងតែម្ដង។

១៨ សុបិន​ឃើញ​កង្កែប អ្នក​នឹង​ទទួល​បាន​ទ្រព្យសម្បត្តិ​ តាម​រយៈ​ការ​ជួញដូរ ឈ្មួញ​កណ្តាលជាដើម ។

១៩ សុបិន​ឃើញ​មាន់ នឹង​ទទួលបានសំណាងនៃផ្នែកហិរញ្ញវត្ថុ ឬវត្ថុ​ផ្សេងៗ។ ចំពោះអ្នកមានគ្រួសារនឹងទទួលបានកូនប្រុសមកចាប់កំណើត ៕

គ្រូ ណុប

ចុចអាន៖យល់សប្ដិឃើញឆ្មាកើតកូន ជាប្រផ្នូលល្អឬអាក្រក់?

ចុចអាន៖យល់សប្ដិឃើញ​ខ្យល់​ព្យុះ​បោក​បក់​ផ្ទះ ឬដំបូលដួលរលំ តាមពិតជារឿងល្អសម្រាប់ជីវិត