ទំហំពាណិជ្ជកម្មកម្ពុជា​-អង់គ្លេស សម្រេចបាន ៥៨១លានដុល្លារ ៧ខែ ឆ្នាំ​ ២០២២​

កម្ពុជា​-អង់គ្លេស សម្រេចបានទំហំពាណិជ្ជកម្មទ្វេរភាគី​ប្រមាណជាង ៥៨១លានដុល្លារ ត្រឹមរយៈពេល ៧ខែ​ ឆ្នាំ ២០២២ ដែលទំហំទឹកប្រាក់នេះ កើនជិតពាក់កណ្តាល បើធៀបទៅនឹងរយៈពេលដូចគ្នា ក្នុងឆ្នាំ​ ២០២១កន្លងទៅ។ នេះបើយោងតាមទិន្នន័យរបស់អគ្គនាយកដ្ឋានគយ និងរដ្ឋាករ។

យោងតាមទិន្នន័យនេះ ទំហំទឹកប្រាក់នៃពាណិជ្ជកម្មប្រទេសទាំងពីរ កើនឡើងប្រមាណ ៤៥ភាគរយ បើធៀបនឹងរយៈពេលដូចគ្នាក្នុងឆ្នាំ ២០២១ មានទំហំទឹកប្រាក់ប្រមាណជាង​ ៤០០ លានដុល្លារ។​

ក្នុងនោះ ការនាំចេញទំនិញពីកម្ពុជាទៅកាន់អង់គ្លេស មានទំហំទឹកប្រាក់ជាង ៥២៨ លានដុល្លារ ដែលទិន្នន័យនេះ គឺកើន ៤៣,១ ភាគរយ។ ចំណែកការនាំចូលពីអង់គ្លេសវិញ ​សម្រេចបានទឹកប្រាក់ ៥៤លានដុល្លារ ដែលកើន ៧៤,៥ភាគរយ៕

អត្ថបទ៖ នាង រតនៈ