ករុណា ពេជ្រ ត្រូវបានបុគ្គលមួយចំនួនរិះគន់រឿងមុខជំនួញ

តារាចម្រៀងប្រុសលោក ករុណា ពេជ្រ បច្ចុប្បន្នត្រូវបានគេដឹងថា ក្រៅពីអាជីពសិល្ប: គឺតារារូបនេះបានបើកមុខជំនួញផ្នែកអចលនទ្រព្យយ៉ាងពេញដៃដូចអ្នកសិល្ប:រួមអាជីពដទៃទៀតផងដែរ។

អំឡុងពេលដែលការងារខាងក្រៅសិល្ប:បាននឹងកំពុងដំណើរការ និងទទួលបានការចាប់អារម្មណ៍ពីមហាជនព្រមទាំងមិត្តភក្តិរួមអាជីពនោះ ក៏ស្រាប់តែកើតមានរឿងដ៏ហួសចិត្តដែលធ្វើឲ្យលោក ករុណា ពេជ្រ សម្តែងការហួសចិត្តជាខ្លាំងចំពោះ​សកម្មភាពតាមឈ្នានីសពេបជ្រាយជីវិតរកស៊ីរបស់លោកពីសំណាក់ជនមួយក្តាបតូច។

លោក ករុណា ពេជ្រ បានលើកឡើងតាមរយ:ខ្លឹមសារបែបនេះថា «មិនគួរដំណឹងប្រកាសលក់ផ្ទះលក់ដីរបស់ខ្ញុំត្រូវបាន​ជនមួយក្តាប់តូចនិយមជ្រុលយកមកខមិនលេបខាយ ពេបជ្រាយ ឡកឡើយឌឺដង ឆ្លៀតឱកាសផ្សារភ្ជាប់ជាមួយរឿងពាក់ព័ន្ធនយោបាយទៅវិញហួសចិត្ត…!។

តារាចម្រៀងលោក ករុណា ពេជ្រ បានបញ្ជាក់បន្ថែមដោយខ្លីថា ចាំលោកមានអារម្មណ៍ល្អបន្តិចទៀត លោកនឹងប្រាប់អោយបងប្អូនមួយក្តាប់តូចនោះយល់។ បន្ទាប់ពីឃើញលោក ករុណា ពេជ្រ ថ្លែងសារបង្ហាញអារម្មណ៍នេះ គឺមានអ្នកគាំទ្រ និងមិត្តភក្តិរួមអាជីពមួយចំនួនបានសម្តែងការលើកទឹកចិត្តគ្រប់គ្នា៕

អត្ថបទ៖ ចាន់រ៉ា