សុបិនពាក់ “ចិញ្ចៀនមាស” អ្នកនឹងទទួលបានឱកាសល្អៗ មិននឹកស្មានដល់

«ចិញ្ចៀនមាស» ជាវត្ថុមានតម្លៃ និងមានទំនាក់ទំនងជ្រាលជ្រៅនៅក្នុងសុបិនរបស់អ្នកម្ដាយ សឹងតែគ្រប់រូប។ ប្រជាជនយើងតែងជឿថា ស្រ្តីដែលសុបិនបានពាក់ចិញ្ចៀនមាស ​ទំនងជាទទួលបានដំណឹងល្អពាក់ព័ន្ធនឹងការមានគភ៌។ យ៉ាងណាមិញ សុបិននេះមានការបកស្រាយច្រើនជាងនេះ តាមរូបភាពផ្សេងៗគ្នា ដែលវារួមមាន៖

សុបិនមានអ្នកយកចិញ្ចៀនមាសមកឱ្យ

ទាយថា ស្ត្រីមានផ្ទៃពោះ នឹងមានឱកាសបានកូនស្រីគួរឱ្យស្រឡាញ់។ ប៉ុន្តែ​ប្រសិន​បើ​ ​​មិន​មាន​ផ្ទៃ​ពោះ​ អ្នកអាច​នឹង​ទទួល​បាន​ប្រាក់សំណាងពីកន្លែងការងារ ឬបើអ្នកទើប​ចាប់​ផ្តើម​ការងារ​ថ្មី នឹងមានឱកាសល្អៗពីមេកោយ។

លេខសំណាងគឺ ០, ១, 0៩, ១៩, ១០, ១០៩, ១០៦, ១១៥ ។

សុបិនទទួលបានចិញ្ចៀនមាសមួយវង់

​អ្នក​មានបំណងយកបុត្រ នឹងមានឱកាស​បានពពោះកំលុងពេលនេះ ​ហើយបើអ្នក​នៅ​លីវ​វិញ នឹងមានឱកាស​បាន​ជួប​​គូស្រករ ។

លេខសំណាងគឺ ០៩, ១៩, ១០, ១០៩, ១០៦, ១១៥។

សុបិនទទួលបានចិញ្ចៀនមាសចំនួនពីរវង់

ចំពោះអ្នកកំពុងមានគភ៌ស្រាប់ ឬកំពុងព្យាយាមយកបុត្រ ​អ្នកនឹងមានឱកាស​បាន​កូនភ្លោះ ហើយកូននេះទៀតសោតក៏ជាកូនមាសកូនពេជ្រ នាំមកនូវសំណាងល្អដល់ឪពុកម្ដាយផងដែរ។ ចំណែក​អ្នក​ដែល​កំពុង​ធ្វើការ​ក្រោមបង្គាប់គេ នឹងមានឱកាស​ទទួលបាន​លាភ​ធំពី​ចៅហ្វាយនាយ​។

លេខសំណាងគឺ ៧, ៨, ៣៨, ៧៦, ៩២, ២៣៦, ៩៣១។

សុបិន​ទទួល​បាន​ចិញ្ចៀន​មាស​បី​វង់

រាល់​ការងារ​ដែល​អ្នក​បាន​គិត ឬ​គ្រោងទុក​នឹងសម្រេចសមតាម​ប្រាថ្នា​។ ជាពិសេស​អ្នក​ប្រកប​របរ​រកស៊ី​ជួញដូរ​ ក្នុងរយៈពេលនេះអ្នកនឹង​ជោគជ័យខ្លាំង ការលក់ទិញនានា មានតែពាក្យថាចំណេញ។ ​

លេខសំណាងគឺ ១៣, ១៥, ៣៣, ៤៩, ៩៧។

សុបិនទទួលបានចិញ្ចៀនមាសច្រើនវង់

នៅក្នុងជីវិតគ្រួសារក្ដី ជីវិតផ្ទាល់ខ្លួនក្ដី សុបិននេះទស្សន៍ទាយថា គ្រប់យ៉ាងនឹងគាប់ប្រសើរ គួរជាទីពេញចិត្ត។ មិនតែប៉ុណ្ណោះ អ្នកនឹងទទួលបានសមាជិកថ្មីដូចជា កូនប្រសា ឬសាច់ថ្លៃជាដើម។ ​ចំណែកទ្រព្យសម្បត្តិវិញ ពុំមានភាពតានតឹងនោះទេ។

លេខសំណាងគឺ ៩៨, ៥៣, ៨៧, ១៣៥, ៨៤៩, ៥៩២៕

អត្ថបទ៖ សន្យា

ចុចអាន៖ ឃើញពាក់ចិញ្ចៀនក្នុងក្តីសុបិនជាទូទៅមានន័យវិជ្ជមាននិងល្អខ្លាំង

ចុចអាន៖ សុបិនឃើញចិញ្ចៀន អត្ថន័យសំដៅដល់មានកូន?

ចុចអាន៖ សុបិនឃើញ “ប្រាក់” ជាប្រផ្នូលដ៏រីករាយ