កីឡា

តារាងចំណាត់ថ្នាក់ពិភពលោក (FIFA Ranking) របស់ជម្រើសជាតិកម្ពុជា ខែសីហាចេញហើយ

បានផុស

២ years មុន

នៅ

ថ្ងៃព្រហស្បតិ៍ ២៥ សីហា ២០២២

ដោយ

សហព័ន្ធកីឡាបាល់ទាត់ពិភពលោក (FIFA) នៅថ្ងៃទី២៥ ខែសីហា ឆ្នាំ២០២២ នេះ បានចេញចំណាត់ថ្នាក់ពិភពលោក (FIFA World Ranking) សម្រាប់ប្រទេសជាសមាជិក ២១១ប្រទេស ប្រចាំខែសីហា។

យោងតាមតារាង ក្នុងខែសីហា នេះកម្ពុជា ឈរនៅចំណាត់ថ្នាក់លេខ១៤៣ លើពិភពលោក ដោយមាន ៩៥៤.៣ ពិន្ទុ ស្មើគ្នាទៅនឹងខែមិថុនា កន្លងទៅ ដោយសារខែកក្កដា ជម្រើសជាតិឈុតធំពុំមានការប្រកួត។

ឈរនៅលេខ១៤៣នេះ បានសេចក្ដីនៅក្នុងទ្វីបអាស៊ីដែលមាន ៤៦ប្រទេស កម្ពុជា ស្ថិតនៅលេខ៣៥ និងឈរនៅលេខ៨ ក្នុងតំបន់អាស៊ីអាគ្នេយ៍ លើឡាវ, ព្រុយណេ និងទីម័រខាងកើត។

កាលពីខែមិថុនា កម្ពុជា ឈរនៅលេខ ១៧៤ដូចគ្នា ប៉ុន្តែពេលនោះកម្ពុជា ត្រូវបានដកពិន្ទុដល់ទៅ ១២.៣១ពិន្ទុ ក្រោយពីការប្រកួតជម្រុះជើងឯកអាស៊ី (AFC Asian Cup) ជុំទី៣ នៅឥណ្ឌា ចាញ់២ និងស្មើ១។

សូមបញ្ជាក់ថា ចំណាត់ថ្នាក់ពិភពលោក (FIFA World Ranking) នេះគេគិតតែការប្រកួតរបស់ក្រុមជម្រើសជាតិឈុតធំ ប៉ុណ្ណោះ។ ចំពោះឈុតយុវជនពុំត្រូវបានរាប់បញ្ចូលឡើយ។

នៅខែកញ្ញា ខាងមុខនេះ ចំណាត់ថ្នាក់ពិភពលោក (FIFA World Ranking) របស់កម្ពុជា នឹងមានការប្រែប្រួលវិញហើយ ដោយសារតែមានការប្រកួតមិត្តភាពអន្តរជាតិ ទល់នឹងបង់ក្លាដេស ដែលជាការប្រកួតត្រូវបានទទួលស្គាល់ដោយ FIFA ផងដែរ៕

អត្ថបទ ៖ មន្នីរ័ត្ន